Post Tagged with: "App"

有片:日本手機App廣告!大跳超整齊派卡片舞!
by / on 20/05/2016 at 9:30 am

有片:日本手機App廣告!大跳超整齊派卡片舞!

係好厲害嘅,係不得不真心寫個服字嘅,日本手機App「Eight scan」拍宣傳廣告片,片中大跳「派卡片舞」,由兩個人面對面鞠躬開始,到三個人排成三角形,再到四個人排成四方形,到五個人將卡片放上檯互換,到九個人排成三個三角形,到二十個人圍成一個小圓圈,到最後一百人圍成一個大圓圈先停止跳舞,取而代之係拎出手機,利用手機直接Scan卡片,藉以表示App方便易用,能夠幫助用家擴大人際關係網、認識更多朋友。講真,所謂嘅「派卡片舞」無任何高難度動作,最緊要係動作整齊,拍出嚟嘅效果己經好正,令人一睇就忍唔住Loop多幾次。

Read more ›

【很想要】日本超正「室內種菜」產品 手機App提示加水
by / on 30/04/2016 at 12:03 pm

【很想要】日本超正「室內種菜」產品 手機App提示加水

屋企無後花園都可以種菜,日本人就係有呢份細心,而且最重要係設計夠靚。呢個由品牌foop推出嘅新產品,可以放喺室內種水耕菜,例如生菜、香芹、芝麻菜、羅勒、紫蘇等,而且好高科技,手機裝個App就可以知道入面嘅溫度、濕度、燈光、水份,當要加水時仲會喺手機彈出提示,好似玩育成遊戲咁,大概一個月就有得食,用嚟夾三文治啱晒。售價38800円,第一批貨9月出貨,得100套,不過網上已經火速訂晒,要訂就要留意實佢哋嘅官網。

Read more ›
【騙案】日本大叔變少女 手機P圖App「Beauty Plus」萬惡根源
by / on 23/03/2016 at 7:15 am

【騙案】日本大叔變少女 手機P圖App「Beauty Plus」萬惡根源

其實都唔怪得呢位日本大叔嘅,只可以話而家嘅P圖App實在太強,強到連大叔都可以變少女。呢張P前P後對比圖呢兩日喺Twitter爆紅,相中嘅大叔用咗美圖App「Beauty Plus」,皮膚變白變滑,啲少女味滲晒出嚟,其他網友仲P上P一齊出手,效果好嬌俏,偶像級。其實呢類型嘅App應該立例要加返水印,減低網民被騙嘅危機。

Read more ›
【新片速報】東京人肉聖誕樹 用App租用每次5萬円
by / on 23/12/2015 at 7:10 am

【新片速報】東京人肉聖誕樹 用App租用每次5萬円

聖誕節唔想一個人?可以考慮學呢位西人Joseph Tame咁,扮成一楝聖誕樹,而且佢仲提供埋租賃服務,可以租佢去公司擺放或者嗌佢嚟屋企增加聖誕氣氛,每次5萬円。佢呢身聖誕樹裝扮總共動用咗1500個LED燈、超過30米長嘅電線、3個鏡頭同9個單板電腦,每次要用99粒電,可以閃足90分鐘,佢仲會喺12月26日出個App,方便想租佢嘅人Book佢,有無興趣喺香港做聖誕樹?睇佢著咗之後似乎好受囡囡歡迎,個個都爭住埋去影相,一定唔駛過Lonely Christmas。

Read more ›
【有伏?】日本手機app專度cup數 網上招募囡囡實測
by / on 14/12/2015 at 7:15 am

【有伏?】日本手機app專度cup數 網上招募囡囡實測

首先cup數應該靠把呎可以度到,不過日本呢個即將推出嘅手機app「chichi」就好有話題性,聲稱只要用胸部夾實部手機,就可以偵測到你嘅cup數,仲搵咗真人做示範,睇到人好肉緊。咁究竟準唔準呢?佢哋而家就做緊網上招募,搵真人囡囡喺推出前做吓測試,暫時未知有無女仔有興趣參加,不過我諗大部份人都係想做評測員多啲,唔,睇落咁似騙案嘅。

Read more ›
玉皇朝出App 內容大路欠更新
by / on 06/11/2015 at 8:15 pm

玉皇朝出App 內容大路欠更新

真係唔講唔知,玉皇朝一向連面書都無架嘛,點估到佢失驚無神會整個「玉皇集團」App?Download落嚟望望,嗯,老實,都幾一般吓,點解?太大路囉。子項目有「玉郎集團簡介」、「黃玉郎先生介紹」、「集團架構」、「漫畫出版」、「海外市場及國際版權」、「未來發展」、「聯絡我們」同「漫畫之衍生業務」。後者再細分「商品」、「動漫」、「多媒體遊戲」同「電影」,都係舊料居多,叫做有公仔睇吓咁囉。無即時更新都係缺點,話集團每周出版四周刊《新著龍虎門》、《春秋戰雄》、《東方真龍》同《如來神當》潮珍版喎,《東方真龍》完咗N年,《神掌》又唔收錄埋入去,有少少偷懶噃。

Read more ›

超聲波泊車Sensor 專防刮鈴
by / on 23/05/2015 at 9:05 am

超聲波泊車Sensor 專防刮鈴

泊車刮鈴呢家嘢, 真係好頭赤! 可能只係少少花, 不過個心硬係唔舒服; Indiegogo有件泊車利器推出, 佢叫SmartRim,只要將佢裝喺四條軚位, 佢就會透過超聲波訊號, 幫你檢測車軚邊有冇障礙物, 而且仲會即時透過手機App話你知, 同障礙物距離有幾遠; 不過電源幾麻煩, 每個Sensor要用一粒AA電, 使用時間大概泊到1,000次車。

Read more ›
新片速報   Samsung感人小發明 「認知障礙症」患者專用App
by / on 05/04/2015 at 7:48 am

新片速報 Samsung感人小發明 「認知障礙症」患者專用App

呢件事本身好感人,Samsung最近研發咗個專為「Alzheimer’s Disease」病人(即係我哋以前叫開嘅「老人癡呆症病人」,有讀者提供資料,正名即係「阿爾茲海默氏症」,亦即係「認知障礙症」中最常見的類型)而設嘅app,呢個叫「Backup Memory」嘅App,由突尼西亞嘅3SG BBDO合作研發,患者家屬可以將自己同患者嘅合照放上app內,當親人接近患者嘅時候,患者嘅手機會有notification提醒患者,將對方嘅身份,過往同佢嘅生活片段重現喺螢幕,喚起患者嘅記憶。第一次睇廣告都睇到我眼濕濕。科技以人為本,好欣賞Samsung今次呢個小小嘅貢獻。

Read more ›
重拾菲林機情懐     影相App無得睇無得執    直接寄上門
by / on 20/01/2015 at 7:05 am

重拾菲林機情懐 影相App無得睇無得執 直接寄上門

70或者80後,應該仲記得當年拎住部菲林機,影完相要等曬相,滿心期待等睇相嘅興奮感覺,可惜今日大家拎起部手機就可以周圍影,方便咗但少咁啲情懷。最近有公司就出咗個叫「WhiteAlbum」嘅新App,用咗佢,影完嘅相無得睇無得執,要等佢哋曬完寄比你先有得睇,每次限影24張,無NG,美金$20包曬相兼送貨,全世界包括香港都免費送,有無興趣試?

Read more ›
蘋果染紅了   愛滋病日買App助人
by / on 26/11/2014 at 7:13 am

蘋果染紅了 愛滋病日買App助人

蘋果本來就應該係紅色嘅,不過Steve Jobs嘅蘋果品牌係白色,最近喺官網見倒佢終於被染紅,原來係為咗嚟緊嘅世界愛滋病日籌款,由11月28日至12月1日喺online或者店舖買嘢,部份收入會捐去慈善機構Global Fund對抗愛滋病。另外仲會喺App Store推出25款「Apps for (RED)」,所有收入會捐晒去Global Fund。唔知香港Apple Store會唔會照做呢?

Read more ›
放下手機 種蘋果app換coupon捧走18萬
by / on 25/11/2014 at 7:02 am

放下手機 種蘋果app換coupon捧走18萬

人類真係好得意,整咗啲嘢出嚟比自己玩,之後又要整返啲嘢嚟制衡自己比佢玩。好似最近新加坡有學生發明呢個手機App「Apple Tree」,裝咗之後同班friend食飯時大家將部手機放埋一齊,虛擬嘅蘋果樹就會出現,越放得耐唔搞佢,就會生出越多蘋果,到最後收割返嚟嘅蘋果可以換coupon,最爽都係贏咗之後有接近18萬港幣比佢哋開發呢個手機app,嘩,正,夠買好多部iPhone 6。

Read more ›

新片速報 超正電話app 影相逐步教 即解3×3扭計骰
by / on 09/11/2014 at 2:53 pm

新片速報 超正電話app 影相逐步教 即解3×3扭計骰

玩扭計骰一向都有方程式,不過我唔記得亦都玩唔叻,所以屋企嗰個就長期都未扭好……o依家有個好方便嘅方法喇,只要裝咗呢個免費app,再影張你個扭計骰嘅相,佢就會教你逐步扭番正粒骰!

Read more ›
Facebook新App開房吹水    「Rooms」好鬼似WhatsApp?
by / on 24/10/2014 at 9:08 am

Facebook新App開房吹水 「Rooms」好鬼似WhatsApp?

Facebook又有新嘢玩,繼非常阻碇嘅Messenger之後,啱啱宣佈有個叫「Rooms」嘅新app免費下載,可惜暫時只限iOS用戶同埋美國、英國等幾個英語國家率先試用。開咗個App之後,可以就自己鍾意嘅話題例如「佔中」開返間房,然後比個code朋友邀請佢入嚟吹吹水,仲可以幫自己改名,用假名叫劉華都無問題。聽落幾好玩,仲好鬼似WhatsApp嘅group chat功能,到時啲group日叫夜叫,都咪話唔煩。

Read more ›
有片 萬聖節高科技服裝 鬼眼識郁夠搶眼
by / on 13/10/2014 at 7:03 am

有片 萬聖節高科技服裝 鬼眼識郁夠搶眼

萬聖節仲未到,不過如果咁好彩有party去 (我都想,唔計海洋公園呀!)要諗著咩衫,呢幾件高科技衫肯定可以令你成為全場焦點。設計師Mark Rober嘅每件衫都會留返個窿,比大家將部電話塞入去,之後開著個APP,啲假眼假腦就會以動畫方式呈現,即係你身上面嘅怪嬰對眼識得望嚟望去,又好玩又驚嚇。問題又嚟喇,電話無電或者想問現場嘅靚女交換facebook時點算好?啲衫賣美金25至70不等,網上有得訂,app就免費下載嘅。

Read more ›
新片速報    阿媽報復手機app    隨時lock機
by / on 22/08/2014 at 7:08 am

新片速報 阿媽報復手機app 隨時lock機

女人唔得罪得,尤其是阿媽,如果阿媽識運用高科技就更加危險。話說Sharon Standifird買咗部手機比仔女,但發現佢哋經常唔聽電話唔覆短訊,嬲嬲哋嘅佢決定大報復,整咗個叫Ignore No More嘅手機app,可以隨時lock咗阿仔部電話,被lock嘅電話只可以打比阿媽或者撥緊急號碼!好恐怖!想避開監視嘅方法只有一個,就係收埋部電話唔好比阿媽裝到個app,或者早過佢裝。BTW,男女朋友其實都可以裝,係咪好驚?

Read more ›