Post Tagged with: "App"

日本網民研發「糖份測試App」   熱捧上架等審批
by / on 23/07/2019 at 7:42 am

日本網民研發「糖份測試App」 熱捧上架等審批

越嚟越多人知道糖分對身體嘅禍害,日本有網民最近分享咗佢研發嘅一個手機APP,吸引好多人討論同RT。只要用個App掃描汽水上嘅barcode,就會顯示所含嘅糖嘅份量,例如佢用咗日本好多人鍾意飲嘅Mitsuya Cider做示範,一樽原來已經有13.8粒糖,係人體每日所需嘅229.2%,超晒標,之後個App仲會跌返13.8粒糖出嚟嚇吓人!段示範片有130萬人睇過,大家都話好想要呢個App。原來個App樓主已經開發咗一年,見大家反應好就決定公諸同好,而家等緊iPhone嘅App Store審批,相信好快就有得用嘞。

Read more ›

日本手機App全部都係「雀」    網民分享Twitter熱傳
by / on 24/03/2019 at 2:48 pm

日本手機App全部都係「雀」 網民分享Twitter熱傳

唔講唔覺,一講就好覺,最近有日本網民發現原來好多手機App都係用雀仔嚟做標記,特別係日本App,除咗經典嘅Twitter,仲有Seicomart、平和堂等等,之後越搵越多,喺Twitter好多人RT,睇相見到大量雀仔出沒,入嚟有得睇,順便可以睇吓日本人鍾意裝乜嘢手機App。

Read more ›
日本秋葉原Lawson自動化      不經店員直接用App買炸雞
by / on 20/10/2018 at 12:23 pm

日本秋葉原Lawson自動化 不經店員直接用App買炸雞

有無發現近年去日本便利店,職員多咗好多外籍人士?其中一個原因係日本便利店不斷擴張,人手越唔越唔夠。最近部份Lawson開始實行全自動數碼化,例如秋葉原其中一間Lawson,炸雞唔再需要店員拎,而顧客可以用Laswon嘅App直接scan產品然後用Apple Pay或者信用咭俾錢,然後離開店舖。有人問會唔會好易有偷竊或者意外發生?而家買完嘢之後,顧客會收到電郵確認,同埋一個QR Code,店內嘅裝置可以直讀呢個QR Code,確認買賣雙方都完成咗呢個付款方式。可以想像未來會越唔越少便利店職員,大家又覺得咁樣係好定唔好呢?

Read more ›
有片:Pen So無聊試App 《香港災難》動起來了
by / on 12/09/2018 at 10:00 pm

有片:Pen So無聊試App 《香港災難》動起來了

有無撐Pen So《香港災難》?無的話,不如睇睇呢條Pen So因「無聊試App」製作嘅短短短短短片,話唔定你會想買番本嚟睇咁話。條片係將舊畫作變成動畫,原來原本靜止嘅海嘯呀、氾濫呀、死人塌樓呀、地震呀等等,一有Movement即時真實感強好多。唯一要挑剔嘅係,背景音樂唔夠慘,如果旋律再Dark啲,我諗效果會更效。

Read more ›
集英社推出「漫畫版YouTube」 手機程式免費下載
by / on 10/05/2018 at 7:50 am

集英社推出「漫畫版YouTube」 手機程式免費下載

日本漫畫銷量一直下跌,唔少人都覺得漫畫行業唔能夠與時並進,適應現今嘅網絡時代。最近日本最大嘅漫畫出版社「集英社」推出呢個叫「Jump Rookie」嘅手機App,理念係一個漫畫版嘅YouTube平台,任何人都可以上載自己嘅作品,其他人亦可以入去睇、like、follow同埋俾comment,like數最多理論上就會排名越高越多人睇到,至於廣告費就會100%俾返原作者。好多知名漫畫家都留言支持,包括《One Piece》嘅尾田榮一郎、《龍珠》嘅鳥山明等等。用戶體驗方面,入到個app主要分少年、青年或女性漫畫,香港都下載到,畫面擺位睇得好舒服,識日文嘅朋友可以用吓。

Read more ›
【回帶】霓虹影相App免費試 日本傳媒試玩
by / on 14/03/2018 at 7:46 am

【回帶】霓虹影相App免費試 日本傳媒試玩

其實呢個影相APP已經出咗一段時間,不過最近有日本傳媒報導,如果你好似我咁未試過,記住下載嚟玩吓。佢可以將實景變成好型好高科技嘅霓虹燈效果,屋企、辦公室呢啲熟悉嘅地方即時唔同晒。香港嘅App Store都有得免費下載,而且得3.1MB唔算嘥位。個App仲支援埋影片功能,睇住日本熟悉嘅景色變成咁都幾特別呀,入嚟有片睇。

Read more ›

日本推出「朋友集資」App 夾錢參加生日會
by / on 13/08/2017 at 1:34 pm

日本推出「朋友集資」App 夾錢參加生日會

眾籌(crowdfunding)聽得多試得多,不過唔係次次有咁大個project要集資,如果細細哋例如搞個生日會又有無得籌?最近日本推出咗個App叫Polca,專門俾人透過社交平台同自己嘅朋友集資,例如你搞生日會想邀請朋友參加同夾錢、又或者一班同事夾錢買部咖啡機擺喺公司,再唔係擺酒、同朋友去旅行都可以諗諗。價格方面由300円至10萬円,即係最多都係集7、8千蚊,合埋吖,但係最平去到廿零蚊港幣會唔會太少,大家夾埋幾個硬幣都夠數喎,真係要集資?

Read more ›
【SNOW騙案】日本野獸先輩 男人變可愛狗仔太過份
by / on 13/03/2017 at 7:43 am

【SNOW騙案】日本野獸先輩 男人變可愛狗仔太過份

SNOW呢個手機影相App真係世界上最大嘅騙案,最近有日本網民拎咗經典嘅野獸先輩嘅相出嚟,透過SNOW加工之後,野獸先輩居然變咗個好可愛嘅女仔,連樓主都話SNOW絕對無信用可言!BTW,野獸先輩通常指日本AV演員田所浩二,現今下落不明,但佢喺日本網民心目中一直地位超然。

Read more ›
【又呃人】日本網民試用美圖App       山羊雙眼即時變大
by / on 03/03/2017 at 7:15 am

【又呃人】日本網民試用美圖App 山羊雙眼即時變大

想知美圖APP效果有幾勁?日本有網民最近又出手,今次試用對像係山羊,用嘅App係「Beauty Plus」。張對比圖喺Twitter好多人RT。P圖後嘅山羊最明顯係對眼,即時變大咗一倍有多,眼珠仲好似戴咗大眼仔咁好有神,毛色又白又滑,仲面紅紅好可愛,喂,但係點解會多咗條眉嘅?

Read more ›
【郭藹明都玩】日本網民善用美圖App      5000円紙幣完全變臉
by / on 30/01/2017 at 12:24 pm

【郭藹明都玩】日本網民善用美圖App 5000円紙幣完全變臉

美圖APP大家玩得多,如果今次主角換做郭藹明呢?Sorry,應該係日本嘅5000円上面嘅樋口一葉先啱。有日本網民拎咗張銀紙嚟玩,完成圖唔止日本人,相信連劉青雲都認唔到。

Read more ›
【有片】日本網民瘋狂玩 Google「即時翻譯」功能超好玩
by / on 26/01/2017 at 7:23 am

【有片】日本網民瘋狂玩 Google「即時翻譯」功能超好玩

試咗未?雖然有下載「Google翻譯」呢個App,不過講真平時好少用。呢兩日喺日本Twitter好多人拍晒片玩呢個App嘅「即時翻譯」新功能。揀選相機符號,之後對準物件,就會即時作出翻譯,好神奇。有人試影飲品、書甚至Keyboard,我都開咗個App嚟試玩,雖然唔係好準確,但好好笑,而且真係勁嘅。

Read more ›

《山海逆戰》App版快過實體書 港漫迷條氣唔順
by / on 23/01/2017 at 8:40 pm

《山海逆戰》App版快過實體書 港漫迷條氣唔順

漫畫App「漫本」有免費《山海逆戰》睇唔係新聞,但今期第八期實體書未見街,App居然已經開始連載,雖然唔係完整一期內容齊晒,但對於先App版後實體書呢個做法,唔少港漫迷條氣都好唔順,紛紛留言──Daniel Dan Long:「咁唔使買啦…」、桑比:「做壞市先驅~不知所謂。完全冇尊重及重視過本地讀者。我支持龍少,但對此做法非常反感。」Chi Man Chan:「如果佢一早講明,網上版優先,比錢既遲小小都仲好,好過而家咁吾聲聲咁出,肉酸有餘。其望佢再跌書,等佢分清楚,網上版,銷售版邊樣對佢重要啲,如果跌到5000書都仲可以出到既,咁就網上版先行,我都非常樂意,但就吾好話跌書而加價,呢啲係抵死。」、唐龍:「我覺得網上舊錢應該很大,否則已書銷量應該圍唔到皮?」我呢,老實,雖然都係龍少死忠,雖然都會照買書,但對於App版快過實體書出籠,都有少少不是味兒。其實點解要咁做呢?龍少,真心Mode,咁做,對於我等期期真金白銀科水嘅港漫迷,真係有啲……氣餒。

Read more ›
日本網民親試女高中生美圖App 蘿蔔變白滑Twitter熱傳
by / on 16/11/2016 at 7:38 am

日本網民親試女高中生美圖App 蘿蔔變白滑Twitter熱傳

而家嘅美圖App有幾強勁?日本最近Twitter熱傳呢兩張相,有網民搵咗條大根,即係蘿蔔嚟做測試,用咗而家女中學生最愛嘅美圖App,條蘿蔔竟然由原來嘅凹凸不平乾燥暗啞,變到又白又滑仲有少少反光!除咗蘿蔔,有人仲試埋蕃茄同男演員,所以話,網上見到嘅靚女相真係唔好盡信。

Read more ›
日本瘋狂手機App嚇親網民 人面馬身主攻女性市場
by / on 09/10/2016 at 11:03 am

日本瘋狂手機App嚇親網民 人面馬身主攻女性市場

日本嘅手機App已經去到人類無法控制嘅地步。最近呢隻將男人變做馬仔嘅遊戲就成為2ch討論嘅目標,遊戲擺明主攻女性市場,不過將個男人樣直接配落馬嘅身體就唔知係咩玩法。日本網民留言話:「好恐怖!」、「好似《熱鬥小馬》」,有人話佢其實係抄襲之前推出過人面魚遊戲,仲有一個有好強嘅摩擦力,發現男主角用前蹄壁咚嗰塊牆裂咗‥‥‥

Read more ›
日本「我要做偶像」App爆紅 網民質疑:「哪裡來的自信?」
by / on 07/08/2016 at 11:03 am

日本「我要做偶像」App爆紅 網民質疑:「哪裡來的自信?」

  幾時都話素人係最好睇嘅,日本最近好流行呢個類似我要做偶像嘅手機App「DDMM.yell」,全球用戶已經超過10億,聲稱係一個可以連接偶像同粉絲嘅通訊App。除咗一啲知名偶像,各位素人都可以放自己嘅靚相上去吸吓粉絲,其他人又可以比分點讚。由於咁開放,所以質素都好參差,有日本網民精選咗啲「偶像圖」放上2ch。每個素人都好有自信,有唔少女仔仲低胸上陣‥‥‥有網民就質疑佢哋究竟哪來嘅自信呢?而且入面有唔少普通女仔都有好多人點讚,而且唔只女仔想做偶像,男仔都有唔少‥‥‥入嚟開吓眼界。

Read more ›