o依家仲有冇人玩？我都沉迷過，不過好快冇事。計落o依家都冇乜人氣，咁下年5月，動畫電影上映時……電影首條預告片有得睇，睇落其實唔差，有啲位都幾賤幾好笑，尤其最後，要爆喇……

《Angry Birds》大家收埋咗喺床下底好耐，但係佢無放棄自己，繼之前同《Star Wars》合作後，最新消息係同呢期好紅嘅《變形金剛》亂乘，孩子寶將會同Rovio合作推出「Angry Birdx x Transformers」系列玩具，另外今次合作當然唔少得出多個APP等大家部手機一齊玩，預計今年9月登場，睇造型感覺幾驚嚇，《變形金剛》fans頂唔頂得順？

如果《Angry Birds》同《Pokemon》合作，將班雀變晒做小精靈，我諗真係會超勁，可惜，任記點會啋你？不過，就算冇可能，都可以幻想吓嘅，呢位YouTuber Adrian Jensen佢就整咗一條Gameplay影片，Angry Pokemon！睇見都想玩呀！

Angry Birds我對你唔住，因為我已經兩年無惦過你，連你個樣都唔多記得。但係俄國設計師Yakushev Grigory仍然情迷Angry Birds，仲佢搵咗好多注好人家，例如好耐無見嘅品客薯條啦、最近聲稱包裝都有味嘅百事可樂啦、香檳金iPhone5s炒到飛起嘅蘋果啦、仲有我日對夜對嘅Google啦，全部都好鬼夾，除咗Starbucks，有啲夾硬。

  真心好憎玩《Angry Birds》! WeWa鬼叫, 啲金粉人仲要喺搭車時開到大大聲玩、冇啲公德心, 加上畫面又低能……唔緊要! 網上巴打SAM SPRATT可能都同我有差無幾諗法, 所以畫出咗呢批霸氣版《Angry Birds》, 紅雀賣相係大佬BOSS級感覺, 黃雀我鍾意佢個喙夠尖, 遊戲玩法可以改一改, 變成格鬥系統, 仲要係打到見血嗰隻

有咩開心得過大熱天時食西瓜？雖然我已經放低咗隻《Angry Birds》遊戲好耐，不過呢款Angry Birds西瓜船令我有啲想開返隻game一邊玩一邊食，你睇吓主角憤怒鳥嘅紅色面居然變咗粒西瓜，真係好想笑呀。網上仲有教學，有閒情的話今個周末可以喺屋企跟住整。最搞笑係呢個教學來自一個叫watermelon.org嘅網站，估唔倒西瓜都有自己嘅官網，真係大開眼界！

我真係唔明，但偏偏又出現咗，就係Sony會開拍Rovio Entertainment《Angry Birds》嘅3D電影，而上映日期就係2016年7月1日。我唔知劇本可以點搞，唯一安慰嘅係佢搵嚟《The Simpsons Movie》嘅編劇Joel H. Cohen負責劇本。

先嚟每日一字，Mohawk，即係你見到呢張相嘅髮型，左右剷平，留返中間一截長長哋gel起，想知多啲可以上維基search一下。講返正題，繼「絕對領域」賣廣告後，最新人肉板廣告位置移師上頭頂，圖中呢位仁兄，日日有新形像，Google、Angry Birds、Visa廣告輪流擺上頭頂，最爆都係居然試個擺籃球架同埋電視屏，仲威到自己整個網站晒冷個人作品吸客。不過我估計佢暫時都未搵倒客，原因？我會歸究於佢畫功麻麻，同埋髮質偏旱。

嘩，瑪利奧大叔呀！仲有佢個招牌勝利動作添，望吓後面，有最鍾意掟嘢嘅雲叔，同埋最狗嘅水管食人花，而且全部都係用罐頭砌成，勁3D。案發現場喺加拿大Calgary某商場，呢個地方每年都會舉行名為「Canstruction」嘅砌罐頭比賽，今年主題係「科技產品」，除咗瑪利奧，仲有Angry Birds、打字機等，最有意義係砌完兼展覽完嘅罐頭，全部會捐晒去當地嘅食物銀行，幫助有需要人士，值得支持！

到底《Angry Birds》班雀仔平常唔駛救人救蛋嘅時候會做咩呢？圍埋一齊傾計又會傾咩話題呢？食飯係咪食蟲呢？美國喺3月16同17日播放一系列動畫，入嚟有預告片睇，啲豬一啲都唔奸，同埋我想知啲憤怒鳥跌落地係咪一定會爆開？可唔可以做番隻有腳嘅雀仔？

  Angry Birds真係幾爛做0下! 我覺得佢0既爛做程度, 勁過我0地GameOverHK 0既工作先生—Mr.$, 今次佢交叉美金西餅, 出Angry Birds食糊鳥/$358, 不過唔知點解佢唔做索子? 要做筒子! 可能真係太好搵, 食得太飽關係啦!

冬天嘅星期日，絕對係獨居人士考驗意志嘅重要時刻，你會求其煮個公仔麵食，還是加條腸煎隻蛋？定抑或好神心咁開個焗爐整曲奇？睇見呢套由外國人Jill整嘅Star Wars加Angry Birds曲奇，我由衷佩服，樣靚之餘睇落仲好好味。唔好問我點整，因為我今朝只係食咗個麵包送暖水。Jill可以幫你度身訂製任何想要嘅款式，最低消費12件起，大約港幣$240左右，下面有其他米奇老鼠、胡迪嘅貨辦睇，仲有埋送貨服務O忝！唔知屯門送唔送呢？

  聽日真係多事之秋！又係發生０係銅鑼灣０個邊－－工展會！我知大家係潮人，買呢類０野唔０岩你，新品試食你會去０卦！而且仲因為刀嘜！雖然佢０既主打係真人扮Angry Birds，老實！如果你真心搵佢合照，唔該Pose上我0地fb專頁，等細路可以笑０下！

仲玩Angry Birds？人哋而家都出Star War版喇喎！無辦法啦，原來Angry Birds間公司Rovio已經超越Nokia，成為芬蘭最hit品牌，下一步，就係係進軍飲食界，挑戰可口可樂嘅皇者地位！以下幾罐梳打汽水，唔係同其他品牌crossover嘅飲品，而係Angry Birds自家出產。而且，喺芬蘭已經超越可口可樂同埋百事，成為最暢銷飲品！嚟緊呢幾隻雀仔仲會進軍澳洲同埋紐西蘭。不過聽聞呢罐汽水味道認真麻麻，加上鬼佬口味，未必啱香港人口味噃。

  對Angry Birds，真係有啲膩，不過呢件Products，真係有啲好笑！氫氣球Angry Birds？唔止！呢隻RC Flying Red Angry Birds Air Swimmers，你可以透過遙控，將佢全屋游走，不過家有貓的咪買，包你一日爛十個！家有小朋友咪買，包你瞓着覺時俾雀喙！切記！