一週碟報價:蜘蛛俠2/美國隊長2 鐵盒裝預訂差唔多斷

    今個星期唔太多一線大戲, 可以一睇係打到飛起嘅《分歧者‧異類叛逃》, 好笑嘅有《醉街情人玩大》, 而金球獎《伊朗式離婚》亦係文戲精選; 音樂碟嗰邊就豐富啲, AIR SUPPLY LIVE IN HONG KONG喎! 香港個唱喎! 可以一撐! 另外鄧麗君亦有隻藍光音樂碟, 係佢82年最當打、最靚女時嘅個唱, 老闆ANDY話, 佢當年都有親身去睇, 大讚正到冇朋友, 老歌迷應該冇走雞。下星期有蜘蛛俠2同美國隊長2, 不過鐵盒裝好似已經預訂得七七八八, 想要就早啲落去訂貨好了!

Read more ›