【奇遇】白兔毛公仔被遺留酒店 貴賓式招待FB熱傳

  外國人特別有幽默感,之前都試過有機場職員執到隻毛公仔之後帶佢遊機場,仲影埋相製作相簿,等主人拎返公仔時送埋比佢,好窩心。最近愛爾蘭一間酒店 Adare Manor Hotel都接收到一隻被遺留喺餐廳嘅白兔毛公仔,為咗幫佢尋親,佢哋將隻公仔嘅相放上官方Facebook,之後連續兩日不停更新呢隻毛公仔喺酒店嘅動向,睇見隻公仔生活好闊太,又high tea又做facial,之後仲去埋全身按摩,網民都讚啲相同文字簡介好得意,吸引好多人like & share。最後妹妹同毛公仔終於團聚,酒店又變相做咗宣傳,Happy ending。但係白兔仔會唔會爽到唔願返屋企?

Read more ›