Tag: ACG TOYS

ACG TOYS石黑龍可動人偶 2015 Toy Soul限量開賣150個

千呼萬喚始出來,ACG TOYS製作嘅石黑龍可動人偶鐵定喺2015 Toy Soul開售,有乜配件、有乜衣衫、有乜武器、可以換幾多對手之類,自己睇資料,唔贅述。我想讚係,一,面相做得好精緻、好有英氣,完全中晒石黑龍嗰種嫉惡如仇神髓;二,Pose擺得好自然,尤其Like摧心錐同十字追魂棍之鬼哭神號兩個Pose,正到爆核。至於顏色,要我揀我揀綠色,無嘢講,綠色蠍子背心,先最有原祖味。吖,差啲唔記得講價錢,每隻$1380,Toy Soul A-08攤位優先發售150個,我必搶。

Read more ›

ACG TOYS 1:6石黑龍人偶 LCX先睹為快

如果你係石黑龍躉,咁就絕對有必要去老尖海港城LCX走番轉,事關LCX正展出ACG TOYS出品嘅1:6石黑龍人偶,人偶可以換手腕,唔使擺花巧Pose,齋戙企已經好型棍,Nike眉、金毛、刀疤、綠色蠍子背心、雙截棍,中晒我心目中嘅元祖級「柔道小魔童」神髓。想據為己有?我都係,不過暫時未知價錢,淨係知2015 ToySoul亞洲玩具展正式發售,等吓啦。

Read more ›

Toy Soul亞洲玩具展2014 陳浩南1:6人偶開賣

, 容我呢個天字第一號《古惑仔》Fans浮誇,用「千呼萬喚始出來」形容呢個陳浩南1:6人偶,嚟緊喺Toy Soul 2014有會場限量版出售。咪見到「限量」呢兩個字就驚,玩具展完咗一樣有得賣,係無咗個主筆簽名咁解啫。

Read more ›

《龍虎門》x ACG Toys 王小虎Figure有衫換

之前介紹過嘅《龍虎門》x ACG Toys王小虎Figure,終於有齊全相畀大家睇,可動、可換衫、可持刀刀劍劍呢啲都唔係最大賣點,我始終覺得王小虎堂Nike眉同大眼睛活現原著神髓,呢個先係收藏價值所在,$1,380,一個字──抵。

Read more ›

ACG TOYS x《新著龍虎門》出王小虎人偶

好靚呀,真係好想擁有,齋睇相,都不難想像如果將呢個王小虎人偶放入飾櫃,再用射燈射住,到時真係要幾型有幾型,$1380,唔敢話勁抵,但絕對值得入貨。

Read more ›

火雲邪神Action Figure 預計動漫節有售

時間過得好快,動漫節好快又嚟喇,咁快就有關於今年動漫節嘅News?算係喇,玩具生產商ACG TOYS將聯乘《新著龍虎門》推出精品,暫時只有初版睇,先睹為快啦老友。

Read more ›