fbpx

Tag: 7-Eleven

又係時候幫襯七仔 換復仇者聯盟公仔

又係時候幫襯七仔 換復仇者聯盟公仔

《復仇者聯盟2:奧創紀元》4月23日先正式上映,相關宣傳已經浪接浪,家陣燒埋七仔嗰疊。聽日開始,憑6個印花加$20或16個印花,即可換購一個復仇者聯盟公仔連地台,一套十個包括Iron Man、Captain America、Hulk、Thor、Hawkeye、Black Widow、Nick Fury、War Machine、Ultron同Hulkbuster。為數十個,話多唔多話少唔少,望過相,老實唔算絕頂精緻,但擺入飾櫃絕唔失禮,值得入手。有網友話Thor個樣似元華,唔知大家又點睇?

Read more ›

LINE x 7-11 世界盃印章    6月4日換領有嫌疑

LINE x 7-11 世界盃印章 6月4日換領有嫌疑

LINE除咗比人Hack叫你買點數之外,嗰套角色都極之趣緻。啱啱收到風LINE會同香港7-11合作,推出世界盃印章,有齊熊大、詹姆士、饅頭等等10個主要角色,全部晒球衣賀世界盃,仲有熊大捧住世界盃獎座嘅錢罌同埋tote bag,極吸引!不過未見香港7-eleven嘅facebook公佈,反而佢哋舖咗張四格漫畫透露玄機,仲話相當有嫌疑。換購活動由6月4日開始換領,計我話呢個日子相當有嫌疑就真。

Read more ›
7-11新設計    改行高檔路線

7-11新設計 改行高檔路線

一直好羨慕日本、台灣有Family Mart,香港只得7-11同OK便利店,雖然7-11都有嘢食,但同Family Mart嘅嘢食比真係差天共地。最近見倒外國嘅7-11改面換面,連Logo都轉埋,顏色由以往嘅橙綠紅三間,變成簡單嘅紅橙白,再用黑色托底,感覺高級咗好多,好彩入面仲有思樂冰買。今次重新設計,據設計公司講係想吸納更多女性客戶,不過喺7-11買生果我仲未接受倒。佢哋計劃未來有5萬間舖會改用新設計,唔知有無香港份呢?

Read more ›
鎖匙雲端儲存   7-Eleven隨時啤

鎖匙雲端儲存 7-Eleven隨時啤

有無試過唔記得帶鎖匙?呢個外國嘅KeyMe配匙服務我覺得幾實用。首先免費開個戶口,將你嘅鎖匙掃描後儲存喺雲端,一個唔好彩唔記得帶鎖匙,就可以去7-Eleven便利店嘅KeyMe櫃員機,將自己條鎖匙啤返出嚟,仲只需要30秒!保安問題方面,每次啤匙都要掃描手指模,而登記時亦要用有效信用咭。不過大頭蝦嘅代價係每條匙要美金$19.99,比平時配匙嘅$5.99貴足三倍有多,仲有,車匙太高科技,唔包。

Read more ›
《怪獸大學》X《反斗奇兵》 7仔換公仔筆Buddies

《怪獸大學》X《反斗奇兵》 7仔換公仔筆Buddies

7仔又有公仔換喇! 今次係《怪獸大學》X《反斗奇兵》嘅「筆Buddies」公仔, 真心! 造型真係幾靚吓, 的確有啲心動想換吓。一般人可見只有10款, 包括《怪》嘅毛毛、大眼仔、變色龍、淋支支同阿拱, 而《反》就有胡迪、巴斯光年、翠絲、三眼仔同勞蘇。 不過今次7仔玩得好毒, 毛毛同大眼仔會有「隱藏驚嚇版」, 個樣係會開口嚇人嗰隻, 但仲未有進一步解析點樣先可以到手!

Read more ›
情人節版Hello Kitty  聽日7-Eleven有得換

情人節版Hello Kitty 聽日7-Eleven有得換

情人節版Hello Kitty 聽日7-Eleven有得換 Hello Kitty男朋友係邊個?如果你即刻答倒「Dear Daniel」的話,對錶,聽朝8點鐘,記住落街去7-Eleven換呢套情人節套裝啦。兩款別注版,Kitty嗰款寫住「I Love You」,Daniel就寫住「Be My Valentine」,最正係個盒,Kitty同Daniel孖份用一條頸巾,Kitty仲流露罕見嘅鶕鶉樣,換購方法照舊都係儲齊16個印花,或6個印花加$20,不過都係要抽,即係你有機會抽中兩個Daniel或兩個Kitty,祝你好運啦。

Read more ›