強搶600件女性內衣被捕 日本網民:「點解警察要排得咁整齊?」

日本出名多變態佬,好多仲有儲物癖,鍾意偷女性內衣褲收藏。最近又有一位25歲嘅今田翔也被補,高知縣嘅警察喺犯人屋企起出超過600件女性內衣褲,好壯觀!犯人最變態嘅地方係會喺街上對女性勒頸施襲,然後監生搶走人哋著緊嘅內衣褲(!)。日本警察照例將沒收嘅物品公開展示,有日本網民嘅留言就突破盲點:「其實點解警方要將啲內衣褲排晒出嚟,仲要排得咁整齊呢?」、「排之前有無先清洗吓呢?」咁要可能為咗排陣方便記者影相啦,同埋數返清楚究竟有幾多件證物要呈堂啩,至於點解要排得咁整齊?唔,可能因為日本人出名個性嚴謹‥‥‥啩。仲有網民回帶之前有犯人專門偷女學生嘅單車座椅,日本人嘅喜好真係好獵奇。

Read more ›