Post Tagged with: "5歲"

流浪貓遇上5歲超級英雄 神奇特質馴服喵星人
by / on 24/10/2017 at 7:18 am

流浪貓遇上5歲超級英雄 神奇特質馴服喵星人

雖然只得5歲,但呢位住喺費城只得5歲嘅小朋友Shon Griffin,絕對係流浪貓心目中嘅超級英雄。自從第一次跟做義工嘅呀姨去探流浪貓之後,就發現佢有令流浪貓想親近嘅特質,就算平時最惡嘅喵喺佢面前都會變得好痴身。而佢而家每次出現都會cosplay成不同嘅英雄角色,由Superman同蝙蝠俠到蜘蛛俠都有,睇見佢照顧流浪貓無微不至,就令人好欣慰。希望每個小朋友都學識愛護流浪貓,做佢哋心目中嘅超級大英雄。

Read more ›

日本5歲小朋友 第一次見卡式帶想插USB
by / on 06/09/2017 at 7:22 am

日本5歲小朋友 第一次見卡式帶想插USB

都好正常嘅,21世紀嘅小朋友,對於乜嘢係cassette帶甚至CD或者DVD都應該完全無概念嘞。日本有位媽媽拎咗餅cassette帶出嚟,點知5歲嘅囡囡好自然就拎上耳仔以為可以講電話,又試圖想插個USB頭落去,「喂喂?無聲嘅,快啲叉電啦!」不過就算呢部真係電話,佢好快都會放低,因為都無得睇YouTube。

Read more ›
【有片】日本5歲小朋友開網店     摺紙/畫作「天價」賣9億円
by / on 02/09/2017 at 12:06 pm

【有片】日本5歲小朋友開網店 摺紙/畫作「天價」賣9億円

5歲就可以做網店店主,呢位日本嘅小朋友嚇親好多大人,特別係定價方面。佢嘅屋企人幫佢整咗個美術館網站,入面放咗佢嘅摺紙、畫作,而定價就由小朋友自已決定,於是你會見到9萬円嘅恐龍摺紙、9億7萬円嘅畫作,連佢媽咪都覺得有啲唔好意思,所以過億円嘅作品都會寫明「不發售」。而入面有幾款幾百円嘅摺紙都已經「售罄」,估計客人包括店主嘅家人同親戚‥‥‥

Read more ›
【港童好葡萄】最年輕《National Geographic》攝影師 5歲人仔計劃出書
by / on 27/10/2015 at 7:15 am

【港童好葡萄】最年輕《National Geographic》攝影師 5歲人仔計劃出書

5歲嘅香港小朋友仲俾阿媽迫緊每日溫書上補習班,煩惱緊讀邊間小學,不過外國呢位小朋友Hawkeye Huey就贏在起跑線,5歲已經成為《National Geographic》最年輕嘅攝影師,仲喺Kickstarter集緊資計劃出書,你睇佢左邊張相幾型?佢爸爸Aaron Huey係《National Geographic》嘅攝影師,Hawkeye四歲嘅時候就買咗第一部相機比佢,之後仲同佢周遊列國影靚相。喺佢4歲到5歲期間已經拍攝咗過千幅相,仲開咗個IG戶口 (@hawkeyehuey),而家已經有超過16萬個Followers,仲俾Rolling Stone同Time Magazine推介,我諗香港嘅小朋友應該好羨慕佢,如果唔駛每日面對考試,你話人生幾美好呢?

Read more ›
【長知識】日本最幼握手會     5歲偶像坐地下同fans叔叔握手
by / on 08/10/2015 at 10:04 am

【長知識】日本最幼握手會 5歲偶像坐地下同fans叔叔握手

噚日介紹過日本一位只得11歲,來自「青SHUN学園」嘅吉田爽葉香,聲稱比橋本環奈「可愛1000倍」,好多網友都讚佢可愛,其實佢哋仲有個叫「青SHUN学園キッズ」(Kids) 嘅團隊,入面有好多10歲以下嘅成員,最細嗰位更加只得5歲!搵返資料,佢哋之前仲舉行過握手會,啲大人要坐喺地下同佢哋逐個握手,之後仲玩埋扭扭樂遊戲‥‥‥日本喺培育偶像方面果然走得好前‥‥‥

Read more ›
新片速報 日本5歲仔扮李小龍爆紅 跟《死亡遊戲》同步打
by / on 04/05/2015 at 7:17 am

新片速報 日本5歲仔扮李小龍爆紅 跟《死亡遊戲》同步打

超勁!之前都睇過喇,呢個小朋友4歲已經扮李小龍,骨骼精奇,o依家5歲仔,已經可以做到李小龍嘅一連串經典動作,而且同電視上播出嘅電影《死亡遊戲》嘅畫面同步!難怪條片阿爸放上網3日已經過百萬點擊,大家都驚嘆呢個人仔居然咁勁。呢個練武奇才Ryuji Imai平時好勤力操練,又會登山跑步練體能,阿爸話佢自細勁迷李小龍,不過大家唔駛驚,佢支雙截棍軟林林嘅,阿爸比佢飛中都唔會爆缸。

Read more ›

有片    5歲細路連做20下90度掌上壓
by / on 27/09/2014 at 1:53 pm

有片 5歲細路連做20下90度掌上壓

呢個o靚仔食過吓夜粥。佢叫Claudio Stroe,只得5歲,但就可以做到90度嘅掌上壓,仲可以連續做20下!之所以咁犀利,原來佢嘅大佬Giuliano係羅馬尼亞嘅體操運動員,細細過佢哋就一齊接受訓練,大家不妨試吓,我相信好大機會一下都做唔倒‥‥‥

Read more ›
10分鐘駛2萬        5歲童打《Zombie vs. Ninjas》豪駛
by / on 05/03/2013 at 3:00 pm

10分鐘駛2萬 5歲童打《Zombie vs. Ninjas》豪駛

5歲可以做啲咩,今時今日,5歲已經可以係iPad遊戲深度機迷,仲識豪駛兩萬玩《Zombie vs. Ninjas》。話說只得5歲嘅Danny Kitchen,最鍾意玩《Zombie vs. Ninjas》,有日佢趁屋企人忙住招呼賓客,問佢哋攞密碼買炸彈、武器之類嘅道具,阿媽之後收倒銀行電話先發現被過數超過兩萬蚊港幣!但佢無鬧Danny仔,反而質問蘋果總部,點解小朋友可以喺10分鐘咁短時間駛咁多錢,最後?蘋果承認可能技術故障,賠返錢比佢。幾時都話,阿媽嘅威力真係強勁,唔怪得之我媽咪成日打去咭公司拗數。

Read more ›