【堅離地】喵星人5星級的家 全屋搭建空中走廊

作為喵星人,有咩幸福得過住喺呢間專為喵而設嘅新屋?外國兩位貓奴Eliza同Tiffany養咗7隻貓,買咗新屋之後第一時間諗點樣等7隻主子住得開心。最後佢哋設計咗呢間5星級的家,除咗有大量高台俾佢哋跳嚟跳去之外,仲搭建咗一條空中走廊,喵星人可以全程唔落地,淨係行條空中走廊走勻全間屋,仲可以上埋2樓。而兩位貓奴每朝早食早餐都可以有班喵星人喺頭頂行過,諗起都爽。不過香港樓底咁矮,間屋咁細,都係羨慕吓算嘞。

Read more ›