Post Tagged with: "3DS"

邊打機邊叉電  吊命尿袋戴上手
by / on 01/02/2013 at 1:33 pm

邊打機邊叉電 吊命尿袋戴上手

正如之前編輯苦茶所講,叉電已經成為我哋生活嘅一部份,而俗稱尿袋嘅便攜式叉電器,更加係救命必備。偏偏,絕大部我需要佢嘅時候,都會發現自己唔!記!得!帶!講咁多癈話,無非想盡力搵理由解釋點解要買呢個叉電器。呢個便攜式叉機Wrist Charger,將傳統嘅大大舊尿袋變成叉電手帶,賣港幣約$320,行1,500mAh / 5.5V,可以叉3DS、PSP或者手機,實唔實際見仁見智,但我未喺街見過人用,戴出街應該會有人望吓,到時係人都知你吊緊命。   

Read more ›

2013年1月出GAME時間表 [PS3 / Xbox / PC / Wii U/ 3DS / PS Vita]
by / on 30/12/2012 at 1:19 am

2013年1月出GAME時間表 [PS3 / Xbox / PC / Wii U/ 3DS / PS Vita]

新一年新開始,但1月份各大廠商都放緊年假,養精蓄銳等3月份重槌出擊,1月份嘅出GAME表實在非常冷清。比較啱玩嘅係等咗好耐,試玩版都玩到爛嘅《Devil May Cry》。其餘真係要揀嘅,仲有射擊遊戲《Sniper: Ghost Warrior 2》同埋兩隻《SIMS》模擬系列。至於任天堂呢,我好羨慕佢哋嘅員工,因為不論WiiU同埋3DS都無影。吖,差啲唔記得,仲有PS Vita,記唔記得好邪惡捽心口嗰隻《限界凸騎 Monster Monpiece》?1月出嘞,其餘自己睇啦!

Read more ›
美國GameStop 買鹹相二手3DS
by / on 28/12/2012 at 3:07 pm

美國GameStop 買鹹相二手3DS

真人真事,有個叫Giles嘅黑人老豆,買咗部二手3DS俾佢個仔做聖誕禮物,好啦,個仔得5歲,就叫埋個9歲嘅阿哥幫手,諗住玩吓部機。就喺佢哋開部機睇裏頭啲相嘅時候,發現部機入面有好多鹹濕相,而且張張冇格張張刺激,於是就留下咗永不磨滅嘅陰影。咁老豆就好鬼嬲,走去GameStop投訴,GameStop就大嗌無辜冤枉呀大老爺,但係就換咗一部全新嘅3DS俾佢哋,但都掩唔住佢哋把口,話晒俾傳媒聽。完。

Read more ›
新圖!3DS《芒亨4》新武器 芭蕉扇定連盾劍?
by / on 28/11/2012 at 12:02 pm

新圖!3DS《芒亨4》新武器 芭蕉扇定連盾劍?

實不相暪,我得一張圖,但係大家估吓係咩武器都好吖,網上睇倒3DS隻《Monster Hunter 4》一張《Fami通》雜誌新圖,有新武器剪影比大家估估吓。你話佢似芭蕉扇?會唔會係大提琴呀?不過相信都係造型誇張啲嘅大劍呢類近身武器,或者係連埋盾嘅劍!說好的遠程武器呢?

Read more ›
新片速報 S.H.E.台灣3DS代言廣告
by / on 16/11/2012 at 6:41 pm

新片速報 S.H.E.台灣3DS代言廣告

中文版3DS……OK,大家冇興趣吖嘛,我知,唔緊要,S.H.E.?台灣嗰隊女子組合呀!任天堂台灣子公司任天堂溥天搵嚟S.H.E.做遊戲代言,啱啱就有兩條廣告片推出,一條係三個齊齊玩《瑪利歐賽車 7》,係呀,瑪利歐呀!仲有就係Hebe自己玩《超級瑪利歐 3D樂園》玩到依嘩鬼叫,喂!唔好咁樣嗌法啦,我個心亂晒喇,真係一個唔小心走咗去買行貨中文版3DS點算?BTW,香港如果搵代言人搵邊個好?

Read more ›
孖寶裝全套 Mario 3DS套推出
by / on 08/11/2012 at 12:42 pm

孖寶裝全套 Mario 3DS套推出

買咗3DS未買套咁危險?任天堂啱啱宣佈推出兩款孖寶兄弟瑪利奧機套。先係11月29日推出嘅專業套裝,大大個放得落部機、遊戲、AR卡咩都得,仲適合3DS LL/DSi LL/DS等機種,2,000円。另外就係呢兩個簡單靚仔可愛機套,12月20日推出,前後都好可愛,適合3DS LL同DSi LL,日本賣1,200円。

Read more ›

「馬力歐」特別版 大陸3DS XL內置兩遊戲
by / on 01/11/2012 at 12:06 pm

「馬力歐」特別版 大陸3DS XL內置兩遊戲

邊個係馬力歐!即係我哋叫嘅瑪利奧,即係台灣嘅瑪利歐。大陸就叫馬力歐,有霸氣!代理3DS XL嘅神游科技(中国)有限公司,宣佈將會喺12月推出3部特別版主機,會內置「馬力歐」系列兩款遊戲,即係《超級馬力歐 3D樂園(Super Mario 3D Land)》同《馬力歐卡丁車7(Mario Kart 7)》。部機就幾鬼靚,連日本都冇,今次強國真係威威。

Read more ›
《孖寶兄弟》《動物之森》3DS LL主題同梱主機登場
by / on 03/10/2012 at 2:57 pm

《孖寶兄弟》《動物之森》3DS LL主題同梱主機登場

任天堂喺網上舉行咗一個小型發佈會,就係將會為已推出嘅《New Super Mario Bros. 2》同將於11月8日推出嘅《動物之森》遊戲同梱主機發售。孖寶主機11月15日推出,紅底有星星呀菇呀花呀monogram,會連下載版遊戲;而《動物之森》就白底,有啲水果呀屋呀咁,都係已經下載咗遊戲,同遊戲同日推出。

Read more ›
新片速報《Monster Hunter》 3DS LL同梱主機
by / on 03/10/2012 at 2:43 pm

新片速報《Monster Hunter》 3DS LL同梱主機

  嘩!芒亨4主機!?唔係呀,係《Monster Hunter 3G》嘅同梱主機咋,而且只係純黑色,冇艾露貓亦都冇乜龍物龍,唯一新意係同梱版唔係連實質遊戲,而係下載版《Monster Hunter 3G》遊戲已經預先下載咗喺部主機入面,睇嚟任記真係好想推動下載遊戲潮流。齋黑色主機會喺11月1日發售,售價18,900日元;而同梱版主機連SD HC卡嘅就賣21,800日元。

Read more ›
3DS 藍 X 黑 10月11日新色登場
by / on 25/09/2012 at 1:26 pm

3DS 藍 X 黑 10月11日新色登場

冇o架喇,又有芒亨又逆轉裁判又雷頓教授,都係要買3DS o架喇,俾錢啦。咪住!仲有一樣嘢你要考慮,就係新色陸續嚟!首先過兩日9月27日有粉紅 X 白色,冧女一流。而到10月11日就有藍 X 黑,都係賣18,900円。

Read more ›
讀者Rinko Yu分享 比卡超3DS開箱文
by / on 19/09/2012 at 10:39 pm

讀者Rinko Yu分享 比卡超3DS開箱文

開箱原文: 假如你睇過我上次個post,你肯定會諗,乜呢個人唔係超級蔥迷咩?非也,講我最鐘意嘅,肯定係寵物小精靈。 由黃版到BW2,1998年到2012年,由當年一個啱啱上小學到而家廿歲仔都係咁鐘意寵物小精靈,都係唔講咁多,去圖! 啱啱收到個時就諗:嘩!咁細盒既-____-

Read more ›

《閃電十一人 GO2》玩穿越  12月13日出雙版本
by / on 16/09/2012 at 5:49 pm

《閃電十一人 GO2》玩穿越 12月13日出雙版本

LEVEL-5推出嘅3DS遊戲《閃電十一人 GO2》玩穿越,仲可以同織田信長、諸葛亮同聖女貞德等歷史巨人合組時空最強11人,夠晒噱頭!啱啱遊戲終於公佈會喺12月13日正式發售,售價5500円,仲會分別推出「雷鳴」同「熱風」兩個版本,無論角色、化身甚至必殺技都會唔同,當然唔少得初回特典 ─ 4個角色嘅Q版電話繩,係fans粳係買齊兩個版本,一個儲一個玩啦。

Read more ›
猜謎!《雷頓教授VS逆轉裁判》11月29日推出?
by / on 13/09/2012 at 10:30 am

猜謎!《雷頓教授VS逆轉裁判》11月29日推出?

猜謎!金田一、柯南、雷頓教授、逆轉裁判,有咩共通點?係嘞,大家都係推理偵探類嘛,講完癈話開場白,因為今期Fami通封底,都用猜謎方式暗示3DS隻《雷頓教授VS逆轉裁判》嘅推出日期 ,入面顯示咗「6211」四個數字,倒轉嚟睇,就係「1129」;我都好希望係11月29日推出,但好似iPhone5一樣,一日未揭盅,一日個心都未定,好啦,我再等等。

Read more ›
消息確定 中文版3DS遊戲港台分一區
by / on 07/09/2012 at 10:47 am

消息確定 中文版3DS遊戲港台分一區

老實講,3DS LL個芒大咗,雖然3D功能都係打到頭暈,但就算2D玩都爽好多!9月28日中文版3DS XL就推出喇,嘩!正呀!仲有五隻遊戲跟機,分別係《瑪利歐賽車 7》,係,瑪利歐……同埋《Biohazard Revelations》、《薩爾達傳說 時之笛 3D》等舊遊戲嘅中文版。不過,如果佢話你知你無論美版定日版嘅《New Super Mario Bro.2》都玩唔到,遲啲隻《Project X Zone》、《逆轉裁判 5》都唔知等到幾時先有得玩,你仲會唔會想買?係,噚日佢就喺台灣正式話你知,港、台部中文機要玩番港台區遊戲,咁港台區仲包括邊個地方呀?就淨係香港同台灣囉……BTW,我哋之前個3DS LL大抽獎,會於本周末頒獎,影咗靚相即同大家分享!點佢相!

Read more ›
《芒亨4》神秘剪影 新武器情報公開
by / on 29/08/2012 at 9:02 pm

《芒亨4》神秘剪影 新武器情報公開

啱啱舉行嘅任天堂官方網站直播「Nintendo Direct」新作發表會,當然有大家最關注嘅芒亨新料,呢隻將會喺2013年春季推出嘅3DS新作《Monter Hunter 4》,發表會上宣佈將會有全新武器種類追加,仲好慷慨咁比咗張剪影圖各位芒亨迷欣賞一下,咩武器?個角色係….?今晚大家一齊上討論區慢慢傾吓啦,講講吓好快就到推出日o架嘞!

Read more ›