Post Tagged with: "3D"

3D變2D   靠化妝真人變漫畫角色
by / on 23/11/2013 at 11:03 am

3D變2D 靠化妝真人變漫畫角色

而家乜都講3D,睇戲要3D,連印刷都要3D,偏偏有藝術家決定將3D變2D,型吖!嚟自俄國嘅化妝師Valeriya Kutsan最近嘅企劃「2D Or Not 2D」,將模特兒塊3D面畫成2D畫,再透過攝影師同執相師協力完成呢輯作品。我最鐘意係金髮美國漫畫style同埋馬賽克打格仔嘅2D面,化妝師功力深厚之餘,被畫嘅model都要有十足耐性先頂得順。

Read more ›

真人油畫現身日本涉谷     Mini Cooper 3D變2D
by / on 24/10/2013 at 7:18 am

真人油畫現身日本涉谷 Mini Cooper 3D變2D

之前都介紹過藝術家Alexa Meade,佢擅長將現實世界嘅物品同埋人塗滿顏料,硬生生將佢哋由3D變成2D。最近佢又有新作,今次同Mini Cooper合作,喺日本涉谷做咗個活動,都係用佢最耍家嘅畫筆同埋顏料,主角係一架MINI同兩位模特兒,效果一樣型到震,無得去日本無所謂,入嚟有片睇,亦可以回帶睇埋佢嘅舊作品。

Read more ›
新片速報    迪士尼研發新3D     篤芒有feel
by / on 15/10/2013 at 1:27 pm

新片速報 迪士尼研發新3D 篤芒有feel

每日我都篤手機芒超過100次,篤到有時手指都有啲麻痺,如果篤畫面時,可以感受埋畫面上物品嘅質感,會唔會好玩啲?迪士尼嘅研究中心最近開發緊呢項新技術,例如你篤畫面上嘅仙人掌,可能會有吉親痛痛哋嘅感覺,篤粒冰又會覺得凍凍哋,原理係透過自家開發程式,將3D訊號傳送到螢幕,當手指掂到螢幕,就會計算出摩擦力再輸出對應嘅質感。有乜用?我諗去迪士尼嘅小朋友會開心到依嘩鬼叫囉。

Read more ›
一週碟報價: 末日1000年靚睇MASTERED IN 4K 地球末日戰加推3D+2D版
by / on 13/10/2013 at 3:44 pm

一週碟報價: 末日1000年靚睇MASTERED IN 4K 地球末日戰加推3D+2D版

  今個星期碟碟行程係比較靜, 冇計! 戲碼一般般啦! 擔頭有WILL SMITH父子檔嘅《末日1000年》! 故事係講地球已經住唔到人成 1000年, 所以大家都搬咗去外星系, 不過又受到外星生物襲擊; 話說WILL SMITH同佢個仔JADEN SMITH坐軍用太空船時, 遇到太空風暴墜機, 又再重返地球呢個恐怖樂園……成套戲賣點有兩個, 一是MASTERED IN 4K, 影像真係好實淨, 顏色亦好標, 有幾幕極速結霜場面, 真係幾有FEEL又試到你部電視色彩層次夠唔夠; 另一個重點就係睇WILL SMITH個仔做戲, 個樣真係有幾分似佢老竇, 不過個樣都係偏苦, 而且表情同演技都有待進一步磨鍊, 所以話做童星唔易!

Read more ›
HMZ-T3香港11月到貨 開$7,980!
by / on 14/09/2013 at 2:10 pm

HMZ-T3香港11月到貨 開$7,980!

    Sony啱啱喺香港開咗個大型發佈, 係! 當中最多打機友、AV友昅實嘅頭戴式顯示器HMZ-T3, 終於決定映期, 係11月中旬, 索價$7,980! 唔識貨會覺得貴, 不過戴上頭後, 會變成750吋屏幕咁嘅視覺, 再加埋2D/3D功能, 你話係咪打機睇碟利器先, 最開心係唔阻碇嘛! 而且機身內置16mm單元、入耳式耳筒, 可以模擬7.1聲效! 而且機身仲採用咗內置電池設計, 唔插濕電都可以睇幾個鐘, 真係搭飛機用佢都得!

Read more ›
畫3條線 數碼相變3D圖 人人可以做大神!!!
by / on 10/09/2013 at 6:42 pm

畫3條線 數碼相變3D圖 人人可以做大神!!!

  曉畫3D圖嘅我一直覺得佢係神! 而我永遠學唔到! 第一係我畫公仔唔叻, 二係我好易發脾氣! 一樣咁需要耐性嘅嘢, 真係好困難! 直至我見到3-Sweep: Extracting Editable Objects from a Single Photo, SIGGRAPH ASIA 2013呢條片! 我知出咗成個月、係遲咗啲, 不過我就嚟可以做大神喎, 感覺真係非常良好!

Read more ›

新片速報   平價玩3D   單反機專用即影即睇
by / on 04/09/2013 at 7:18 am

新片速報 平價玩3D 單反機專用即影即睇

最近好興玩3D,adidas用3D Printer整咗個超巨型Eason,搞到我facebook被狂洗版。買唔起3D Printer,可以買名為Kúla Deeper嘅相機配件玩3D,可以裝喺任何單反相機,利用鏡像製造立體影像,裝完之後就可以影倒3D相片同影片,買時會送多副眼鏡,戴住佢可以即時喺相機嘅LCD芒倒睇返3D影像。想玩專啲,可以用埋佢嘅免費軟件Kulacode,將影完嘅影像轉換成各種3D格式。開價港幣6百蚊左右,想平平哋玩3D諗得過。

Read more ›
01/9一週碟報價: Iron Man 3雙碟3D/2D聲畫去盡 娜威的呻吟DVD處女奇情
by / on 01/09/2013 at 12:52 pm

01/9一週碟報價: Iron Man 3雙碟3D/2D聲畫去盡 娜威的呻吟DVD處女奇情

  冇乜得揀啦吓話!? Iron Man 3都唔買? 真係唔知睇碟嚟做乜? 畫面特技精彩, 成個故仔經過精心計算, 係! 都係大片格局啦! 不過聲畫去得幾盡, 好多碟評人都話係三集中, 做得最靚嘅一隻! 值得俾錢嘅; 有鐵盒同普通版, $328、$268, 大家內容都係一樣, 有3D同2D版本, $60買個「月餅盒」抵唔抵就自己諗喇! 個人就唔太喜歡, 因為個Blu-ray櫃無端端凸咗嚿嘢出嚟, 唔係太好睇, 平口買碟主力會揀平裝版, 成個櫃感覺會統一啲同靚啲。

Read more ›
唔係北韓先有改造人/布歐 南韓3D超像真魔人布歐!!!
by / on 20/08/2013 at 5:10 pm

唔係北韓先有改造人/布歐 南韓3D超像真魔人布歐!!!

    我一直以為, 只有北韓有改造人同布歐, 今日我終於見識到南韓版嘅魔人布歐, 不論氣勢同品味都高尚好多! 佢出自一位叫Kimsuyeong81嘅3D畫家手筆, 據稱佢係用咗一個叫《ZBrush》嘅程式編寫, 質感強烈到冇朋友, 最正係佢啲青根, 我驟眼睇時仲以為係實物, 完全俾佢嚇親!

Read more ›
《Dragon’s Crown》魔女figure超震憾   2D變3D
by / on 13/08/2013 at 9:09 am

《Dragon’s Crown》魔女figure超震憾 2D變3D

PS3/PS Vita隻《Dragon’s Crown(魔龍寶冠)》出咗一排,身邊仲有好多人玩緊,中文版未出,不過遊戲入面嘅「乳搖魔女」就搶閘推出figure,呢個角色超人氣,alphamax將會推出1/8場景figure,23cm高,將2D遊戲嘅佢變成3D,齋睇官方圖已經好震憾,無論前後左右邊個角度睇個心都會離一離,9月27日開始預訂,開價11800円,不過要下年2月先推出,仲遲過話今年推出嘅中文版。

Read more ›
新片速報 粉筆製作《Donkey Kong》立體畫
by / on 24/07/2013 at 4:52 pm

新片速報 粉筆製作《Donkey Kong》立體畫

呢個AweMeChannel,之前都拍過一條用粉筆畫嘅紅白機射鴨仔影片,可以睇到3D畫嘅製作過程,都幾好睇。反應幾好,佢就再添食,啱啱拍咗一段畫《Donkey Kong》遊戲畫面嘅粉筆3D畫。

Read more ›

3D畫破世界紀錄     法國地下車城超像真
by / on 21/07/2013 at 3:50 pm

3D畫破世界紀錄 法國地下車城超像真

3D畫見得多,但如果你揸揸吓車見倒旁邊有個地下車城,會唔會嚇一跳即刻急停?呢幅3D圖由車廠Renault Trucks同法國藝術家Francois Abelanet合作,像真度超高,十足超巨型地下車城,人同車行埋去都嚇到腳震。佔地4071平方米,大到啱啱破咗健力士世界紀錄,成為全世界最大幅嘅3D街景畫。而家喺法國里昂嘅Place Bellcourt有得睇,旁邊嗰架新推出嘅Renault Trucks貨車順手成為景點。

Read more ›
一次大戰珍貴影像3D重現   大量GIF圖超立體
by / on 05/07/2013 at 7:15 am

一次大戰珍貴影像3D重現 大量GIF圖超立體

一次大戰我只係喺歷史書睇過,最近多倫多一間攝影工作室購入咗一部叫Verascope 嘅古董法國立體相機,部相機係當年大戰時一位法國軍人所擁有,入面仲有好多珍貴影像。為咗令世界各地網友可以欣賞倒3D影像,網主專登整咗多幅GIF圖比大家感受當時環境氣氛,雖然睇到有啲頭暈,但又真係幾立體喎。

Read more ›
有片  高科技時裝   眼部追踪自動發光
by / on 26/06/2013 at 6:50 am

有片 高科技時裝 眼部追踪自動發光

科技+時裝,唔一定就等於太空衣,加拿大華裔設計師Ying Gao之前設計過會因應穿者心情而改變透明度嘅服裝,前衞得嚟好sexy,最新作品 (No)where (Now)here係呢兩套有眼球追踪功能嘅連身裙,當有人注視時,物料會郁動甚至發光,雖然條裙嘅設計真係幾靚,睇片又真係幾神奇幾3D,但我諗唔通呢個功能有乜實際作用。另外,我估你都想見識嗰套隨心情而變透明嘅科技裙,入嚟有回帶影片。

Read more ›
【編輯Blog】Reika:大家真的需要3D手機嗎?
by / on 12/05/2013 at 5:54 pm

【編輯Blog】Reika:大家真的需要3D手機嗎?

最近《華爾街日報》報導,Amazon研發緊手機,其中一款仲會有裸視3D技術,我當堂嚇一跳,之後得啖笑。因為我對3D嘅容忍程度已經到達極限,點解?點解乜嘢都要加3D,乜大家真係覺得普羅大眾咁需要3D技術咩?

Read more ›