Post Tagged with: "3D"

另類3D立體畫      比卡超 /悟空跳出畫紙
by / on 13/11/2014 at 7:06 am

另類3D立體畫 比卡超 /悟空跳出畫紙

一張紙一支藍色铅子筆一支鉛筆,就可以畫倒以下一幅幅超立體嘅3D畫!秘訣在於一條條筆記簿上嘅橫間。呢位藝術家João A. Carvalho嘅大作喺facebook都有得睇,我最鐘意佢畫嘅好多都係動畫角色,比卡超、悟空、Homer Simpson‥‥‥全部都好似喺張紙度突咗出嚟,好神奇!

Read more ›

有片   狼牙棒仙人掌雪條   3D印刷搵人食
by / on 24/10/2014 at 8:00 am

有片 狼牙棒仙人掌雪條 3D印刷搵人食

3D印刷大神無所不能,最近就有設計師Wei Li 玩嘢整啲古靈精怪嘅雪條出嚟。佢哋先用3D印刷整咗個模出嚟,啲模根據返人類先天性恐懼嘅形狀,例如仙人掌呀、地雷呀、狼牙棒呀之類,然後再用個倒模整啲七彩顏色嘅支怪雪條比人試食,見到一支支尖刺嘅雪條,你敢唔敢放入口?我敢呀,仲想試晒咁多隻味O忝!

Read more ›
倫敦3D紋身展覽    紋身男女真人show
by / on 01/10/2014 at 4:20 pm

倫敦3D紋身展覽 紋身男女真人show

展覽見得多,呢個都算係別開生面。被參觀嘅係一班紋身男女,佢哋匿藏喺金色畫框後面,有啲伸手有啲伸腳,有啲連個頭都伸埋出嚟,目的係展示自己嘅紋身圖案,效果極3D。名為 The Human Gallery嘅展覽由紋身界名人Cally Jo發起,喺The International London Tattoo Convention舉行,睇嘅或者被睇嘅似乎都好盡興。

Read more ›
可愛老鼠亂闖鬧市   特別設計3D粉筆畫
by / on 28/09/2014 at 12:27 pm

可愛老鼠亂闖鬧市 特別設計3D粉筆畫

平日喺街見倒老鼠我哋會尖叫狂奔,不過叫倒呢幾隻可愛老鼠,大家可能會拎起手機影相。美國密西根州藝術家David Zinn用平時畫黑板嘅粉筆,喺街道畫上可愛塗鴉,而且每幅圖都根據返現場環境特別設計,有喺街燈下挑燈夜讀嘅老鼠仔、挑避惡貓追捕嘅老鼠仔‥‥‥全部都係3D畫,除咗老鼠仔,仲有好多其他可愛動物,正。

Read more ›
有片  iPhone 6 Plus戴上面   延伸玩3D擴增實景
by / on 19/09/2014 at 7:17 am

有片 iPhone 6 Plus戴上面 延伸玩3D擴增實景

東京遊戲展TGS繼續有PlayStation嘅Project Morpheus玩AR,唔知幾錢亦唔知幾時推出,想平平哋玩AR擴增實景,仲有呢個喺Kickstarter集緊資嘅眼罩AirVR,成部iPhone 6 Plus隊上面,係人都知你抽倒新機,威到呢。呢個AirVR係一個頭罩,入面分左右眼兩個視點,前面可以扣實部iPhone 6 Plus,戴上去就可以感受到3D嘅AR體驗。同之前嘅Oculus Rift有啲似,但就內置電更加方便,除咗iPhone 6 Plus仲支援iPad,可惜要等到年底先出,起標價港幣$400左右。

Read more ›
日本3D熊仔麵包模    Tokyu Hands賣斷市
by / on 27/08/2014 at 7:18 am

日本3D熊仔麵包模 Tokyu Hands賣斷市

日本人嘅強項係將所有事物都變得好可愛,無論大人細路都冧。好似呢個熊仔麵包模,可以將麵包切成可愛熊仔樣,最屈機嘅係熊仔可以坐起身企返喺個麵包面,變成3D立體效果,即時加晒分!Tokyu Hands有得賣,不過暫時賣斷市,去開日本記住睇吓返貨未。

Read more ›

多啦A夢廚房玩具   技安變漢堡從良
by / on 17/08/2014 at 1:22 pm

多啦A夢廚房玩具 技安變漢堡從良

啱啱喺日本上映嘅多啦A夢電影《STAND BY ME ドラえもん》反應勁好,可惜香港仲未宣佈幾時上,灰爆!為咗分散注意力,唯有睇吓啲周邊玩具啦。RE-MENT啱啱就公佈全新嘅烘焙坊玩具系列,牙刷仔呢位上等人就主打法包,多啦A夢就比變咗蛋糕撻比人切面,最搞笑係技安,變咗漢堡包,無晒頭髮塊面圓圓哋乖仔晒。1式8款預計9月推出。

Read more ›
多啦A夢《STAND BY ME》「危機一発」玩具湊熱鬧
by / on 23/07/2014 at 7:12 am

多啦A夢《STAND BY ME》「危機一発」玩具湊熱鬧

8月8日套3D版多啦A夢電影《STAND BY ME》日本就上畫,香港仲未聽倒幾時有得做,搞到我呢段時間見親多啦A夢嘅消息都發狂。啱啱官方又公佈有新產品出,今次係多啦A夢版嘅「危機一発」,即係酒桶上面有主角伸個頭出嚟,玩嘅人圍埋一堆輪流插把劍入去個桶度嘅經典遊戲。老實同新戲《STAND BY ME》無乜關係,都係旨在湊吓熱鬧。預計電影上畫前一日(7/8)發售,網上見倒最平1890円有交易。

Read more ›
【有片】女優表演 3D印刷筆製作《One Piece》「黃金梅利號」
by / on 23/06/2014 at 3:10 pm

【有片】女優表演 3D印刷筆製作《One Piece》「黃金梅利號」

3D printing技術越嚟越成熟,呢支筆就直情好玩添啦。日本女優「関口愛美」就示範用佢嚟整手作,而且仲玩得好大,整咗隻《One Piece》嘅「黃金梅利號」出嚟!入嚟有片睇,其實幾難。

Read more ›
廁紙筒變藝術品  垃圾的浪漫
by / on 14/06/2014 at 11:27 am

廁紙筒變藝術品 垃圾的浪漫

廁紙筒都有得攞嚟玩?法國人真係特別浪漫,呢位叫Anastassia Elias嘅法國藝術家,玩到無嘢好玩,決定將廁所用完嘅廁紙筒變為藝術品,喺入面拼貼整成立體紙製圖。名為Rouleaux嘅系列,有人喺入面打網球、有髮型師幫客人剪頭髮,仲有水底剪影同埋恐龍世界。通過廁紙筒另一邊透入嘅光,造出立體效果,感覺好似喺隧道入面見到嘅剪影。不過平凡人好似我同你咁,用完嘅廁紙筒都係掉咗佢算啦,未比阿媽鬧過咩?

Read more ›
2米3D全息投影柯柏文 六月現身威尼斯人
by / on 19/05/2014 at 11:46 am

2米3D全息投影柯柏文 六月現身威尼斯人

  又係變形金剛! 真係打呢個名都打到有啲膩, 不過冇法! 真係好似有啲誠意, 所以報一報啦! 原來今年係變形金剛誕生30周年, 澳門威尼斯人將會喺6月1日至10月5日, 喺金光會展展覽廳F館舉行變形金剛三十周年展覽。

Read more ›

伊朗大廈玩創作    超現實3D外牆
by / on 18/05/2014 at 7:03 am

伊朗大廈玩創作 超現實3D外牆

伊朗對我嚟講係好遙遠嘅國度,不過藝術無分國界,好似呢位伊朗藝術家Mehdi Ghadyanloo嘅作品,將大廈外牆畫到好似天空嘅一部份,上面懸浮住車同人,感覺極之超現實,但又充滿創意驚喜,好好睇。佢喺首都德黑蘭畫咗超過100幅創作,去伊朗應該好大機會見倒。難得當地居民同政府都好欣賞佢嘅作品,佢仲喺當地開咗間叫Blue Sky Painters Company嘅公司,前途無限。其實有機會不妨去埋北京發展,當地終日見唔倒藍天白雲,可能好需要呢類型嘅創作。

Read more ›
新片速報   iPhone玩3D立體顯示   未來遊戲新方向?
by / on 08/05/2014 at 6:50 am

新片速報 iPhone玩3D立體顯示 未來遊戲新方向?

自從蘋果攞咗Holographic Display呢種立體顯示技術嘅專利之後,大家一直好期待新嘅iPhone會有埋呢種技術,可惜一直無聲氣,最近終於有人頂唔順自己FF一套影片示範呢種新技術,身痕友係專幫Google、Nike、Toyota做動畫嘅勁人Mike Ko,佢自費做咗條叫Diorama嘅影片,片中見倒一架車喺iPhone表面行過,旁邊即時有超立體嘅大廈從地而起,睇落好勁。話時話,如果Holographic Display技術應用喺遊戲方面,以後打機超立體,效果應該好正。

Read more ›
忍者龜3D燈    暴力打爆牆
by / on 10/04/2014 at 9:15 am

忍者龜3D燈 暴力打爆牆

3D Light FX之前出過復仇者系列嘅3D燈飾,概念勁正,全部英雄嘅武器撞爆牆身好迫真。趁住電影《​忍者龜Teenage Mutant Ninja Turtles》就嚟上,最近3D Light FX推出忍者龜3D燈系列,有齊4個戰士Donatello、Leonardo、Michelangelo同Raphael,每個人都有獨立武器,有刀有雙截棍,夠晒細心,忍者龜迷好難忍手。每款開價美金$29.99,即係大約$230港紙,唔貴吖。

Read more ›
3D紋身超像真  陰影都紋埋
by / on 03/04/2014 at 7:05 am

3D紋身超像真 陰影都紋埋

3D印刷越嚟越普及,自己喺屋企都可以砌返部。另一邊廂,紋身界都越嚟越流行3D紋身,呢套係品全部出自意大利嘅Lippo手筆,水準極高。紋出嚟嘅圖案立體到好似真嘅一樣,例如圖中膊頭上嘅甲蟲或者蝴蝶都超像真,尤其是專登畫埋陰影,好有誠意,唔講真係以為隻昆蟲爬咗上身,呃人一流。

Read more ›