【中國獵奇】「3D印刷」3小時興建兩層別墅 日本網民:「唔敢住!」

3小時興建好一楝兩層高嘅別墅,而且係用3D printer「印」成?咁神化嘅嘢,真係大陸先會發生。呢單新聞我都係喺日本網見到,話話呢楝樓房最近喺中國西安建成,只係用咗3小時就完工,入面有客廳、睡房、廚房、廁所、樓梯。之所以咁快,因為前期已經喺工廠完成,現場主要係用起重機將唔同嘅組件拼接安裝。日本網民嘅睇法同我好相似,例如話:「無地震或者颱風應該都ok嘅。」、「睇落好勁,不過我唔敢住入去。」對於官方聲稱好穩陣,可以抵禦9級地震,網民就話:「中國嘅高速道路同樓房經常喺地震下崩壞,中國嘅耐震性真係搵鬼信。」我除咗唔想住入去之外,仲好驚我旁邊有人起呢啲樓‥‥‥

Read more ›