fbpx

Tag: 2CH

日本小學生選美活動 網民:「右二質素最高!」

日本小學生選美活動 網民:「右二質素最高!」

日本人好鍾意搞選美活動,中學生、大學生都有,分地區選又有,估唔到連「小學生」都有選美!最近呢個女子小學生選舉喺2ch好多人討論,4個勝出者質素都唔錯,其中企右二嗰位5號參加者最多網民讚靚。但係都有人話中間嗰兩位似乎生得高大啲,有啲似中學生。跟手仲有網民放咗其他唔似小學生嘅小學生便服造型照出嚟,入嚟有得睇,結論係日本小學生的確幾早熟。

Read more ›

【理想與現實】日本最可愛自拍女高中生 網民:「第二位好想打佢」

【理想與現實】日本最可愛自拍女高中生 網民:「第二位好想打佢」

又到理想與現實嘅時間,日本最近做個街訪,訪問咗300個涉谷男仔,問佢哋邊位先係最可愛嘅自拍女高中生。結果出咗嚟嘞,第一位嘅「ゆきゅん」屬於清純類型;第二位「あやまる」就係濃妝可愛型,至於第三位嘅「りったん」就屬於短髮清爽型。不過2ch網民好快起底,將佢哋平時嘅相放晒出嚟。第一位嘅變化唔大,不過第二位原來差咁遠,塊臉漲咗好多,有網民仲嬲到話想打佢。不過話明係自拍比賽,其實佢應該攞冠軍先啱。

Read more ›
←女の理想 男の理想→ 日本網民:「兩個我都可以!」

←女の理想 男の理想→ 日本網民:「兩個我都可以!」

呢張圖先喺Twitter引起討論,之後去到2ch討論區再有好多網民熱烈討論。有人話左手邊黃色泳衣嘅女仔係女性理想中嘅身型, 不過對於男士嚟講,右邊紫色泳衣肥肥哋嘅先係理想身型!有網民留言話:「右邊嗰個好肥」、「兩個加埋除二啱啱好」、「太瘦嘅話唔好攬」,似乎兩邊各有支持者。不過都係呢個留言最中肯:「兩個我都可以!」之後仲有網民放咗其他例子上嚟討論,連男士版都有,好精彩,入嚟有得睇。

Read more ›
日本孤獨的吸煙房 有效縮短食煙時間?

日本孤獨的吸煙房 有效縮短食煙時間?

日本好多公眾地方都有吸煙區,甚至好多辦公室都有吸煙房,不過呢款咁新穎,只限一人使用嘅吸煙房就比較少見。之前我哋都介紹過,20萬円一個,不過最近有電視節目介紹,仲引起好多網民討論。呢個吸煙房呎吋只有60x60x230cm,肥少少都會頂住個肚腩。好處係可以安放喺辦公室嘅角落,慳位之餘亦慳返出出入入去吸煙房嘅時間,而且一個人食煙無人同你吹水,食嘅時間似乎會縮短少少。不過網民就唔係咁睇,有人留言話:「好悲慘」、「去到咁嘅地步都仲要食?」、「一開門應該會好臭」,都係嗰句,不如食少啲啦。

Read more ›
【Cap圖】SMAP成員「微妙的距離」    木村拓哉拋離其他成員

【Cap圖】SMAP成員「微妙的距離」 木村拓哉拋離其他成員

12月31日SMAP就會正式解散,今次真正回不去了。啱啱有日本網民放咗張cap圖上2ch討論區,拍到木村拓哉一個人拋離其他隊員自己行嘅場面,電視台仲形容為「微妙的距離」。網民留言話:「木村已經唔可能同其他4個人修復關係了」、「好悲傷」、「好明顯嘅距離」、「係咪吾郎行得太慢?」、「去到呢個年紀,估計永遠都唔會和解嘞」。根據日本傳媒報導,之前SMAP錄影最後一集《SMAPXSMAP》嘅時候,5個人已經全程零交流,作為fans睇到應該覺得有啲悲傷。

Read more ›
【物有相似】Uniqlo發售大便外套     日本網民:「根本係屎。」

【物有相似】Uniqlo發售大便外套 日本網民:「根本係屎。」

又係一線之差,之前都有雞肶裙同手榴彈外套,最新日本網民搵到呢樣,Uniqlo同屎嘅共通點,佢哋發現Uniqlo嘅啡色夾棉外套同一嚿屎好相似,大量網民留言話:「根本係屎」、「超乎想像咁似屎」、「Model著都咁嘅效果,我著應該絕對會變屎!」著佢哋出街應該要好大勇氣。

Read more ›

20年前比卡超又肥又圓    日本網民大讚好可愛

20年前比卡超又肥又圓 日本網民大讚好可愛

仲記唔記得20年前嘅比卡超係點嘅樣?最近有日本網民摷返本畫集出嚟放上2ch分享,原來當年嘅比卡超又圓又肥好可愛,好多網民都話好懷念。有網民放埋新圖做比較,的確係瘦咗靚仔咗嘅‥‥‥

Read more ›
日本網民粉絲過萬放「素顏照」 史上最大騙案嚇親網民

日本網民粉絲過萬放「素顏照」 史上最大騙案嚇親網民

網上嘅真相有時都幾難接受,最近日本2ch就好多人討論呢個帖,有位網民話因為自己嘅粉絲過咗一萬人,所以按照約定,將自己嘅素顏照放上網,證明自己無整過容。不過張素顏照就嚇親所有網民。先講平時嘅佢,眼大大戴晒大眼仔化晒妝,都有少少可愛嘅,點估到素顏照竟然係咁嘅樣?

Read more ›
【圖集】《名偵探柯南》大量福利圖     又水著又出浴網民狂出圖

【圖集】《名偵探柯南》大量福利圖 又水著又出浴網民狂出圖

有《名偵探柯南》就有屍體,其實仲有唔少水著!最近日本2ch網民就派發「福利圖」,又水著又出浴,睇到柯南都呆晒。網民仲越放越多圖,有動畫有漫畫,好似圖鑑一樣。不過最後嗰幾張係咩玩法?

Read more ›
日本上野車站機械熊貓     網民:「好想一棍毆落去!」

日本上野車站機械熊貓 網民:「好想一棍毆落去!」

日本越出越多機械人,遲啲去酒店可能無人類接待員,不過機械人都無所謂,但個樣就好重要,最近日本網民喺2ch討論上野車站嘅熊貓Pepper機械「人」,話佢嘅表情令人好想一棍毆落去!睇返佢條八字眉,囧樣出晒嚟,擺明係專登玩嘢。有網民留言話:「呢個咩人嚟?好想打佢!」、「係咪山寨版嘅京成熊貓?」、「呢個表情令人好嬲!」件事仲勁到電視台都報導,之後網民仲喺Twitter不停惡搞,睇嚟呢隻熊貓走紅指日可待呀!

Read more ›
【極易中伏】日本偽娘幾可亂真 網民讚好可愛

【極易中伏】日本偽娘幾可亂真 網民讚好可愛

日本嘅偽娘好高質,高質到好易令人中伏。最近2ch網民就放咗呢位偽娘嘅相上網,唔識真係估唔到係男人,講咗都唔係好信。有網民讚好可愛,亦有人覺得好恐怖,而且有好多人都唔相信佢竟然係男人。之後仲有人放另一位上電視節目嘅偽娘圖出嚟,雖然都靚,但就無咁似嘞!

Read more ›

新垣結衣同二宮和也撞樣?日本網民放大量圖證實

新垣結衣同二宮和也撞樣?日本網民放大量圖證實

真係似?日本網民最近喺2ch開帖討論,話新垣結衣同二宮和也個樣原來生得一模一樣!為咗證實佢呢個論述,佢哋放咗大量比較圖上網,由煮嘢食、瞓覺、發呆都有,個人就覺得唔係好似嘞,不過當睇吓新垣結衣啲相都開心嘅。

Read more ›
【有片】中國司機揸車食杯麵被停職    日本網民:「喺漫畫見過!」

【有片】中國司機揸車食杯麵被停職 日本網民:「喺漫畫見過!」

中國經常都會發生離奇事件,最近有單新聞講有個喺合肥開公車嘅女司機喺駕駛期間食杯麵,仲要俾人影到放上網,件事傳開咗之後而家個司機已經被停職。咁日本都有網民睇到放上2ch討論,留言好精警,例如:「食麵包呢啲單手可以做到嘅都明白,但杯麵要雙手食喎」、「如果食冷凍蕎麥麵仲勁」、「喺漫畫入面見過」、「係咪自動駕駛車?」不過原來日本都有:「我喺日本都見過貨車司機一邊食杯麵一邊揸車」、「我都見過,用手肘頂住軚盤嚇死人。」各位駕駛人士,都係唔好挑戰,太危險嘞!

Read more ›
外國「過勞死」figure日本熱議 網民:「作為日本人感到驕傲!」

外國「過勞死」figure日本熱議 網民:「作為日本人感到驕傲!」

日本人出名工作壓力大,聽到「過勞死」呢個字就驚。日本上年就有接近200人因為工作過勞而死。不過外國人無忌諱,最近仲出咗個諷刺日本呢個現象嘅骷髏人figure。盒面大大隻字寫住「過勞死」,骷髏人著住恤衫打晒呔,手執公事包,個公事包仲可以打開,入面有佢嘅死亡證。有日本網民放咗上2ch討論,好多日本人都勁讚,留言話:「日本都賣啦」、「幾可愛喎」、「好想買個放喺公司張枱」、「作為日本人感到驕傲」。其實打份工啫,唔係賣命喎,腦細你哋明唔明呀?

Read more ›
【新片速報】日本「欅坂46」見面會 粉絲衝欄被嘲似豬群

【新片速報】日本「欅坂46」見面會 粉絲衝欄被嘲似豬群

秋元康創立嘅日本女子組合「欅坂46」越嚟越受歡迎,最近網上仲熱傳呢段影片,一班粉絲等緊出席「欅坂46」嘅活動,本來喺圍欄入面嘅佢哋,唔知點解突然向前衝,前面嘅保安員擋都擋唔住。段片放上日本2ch討論區後好多人談論,有人話佢哋好似想逃走嘅豬群、有人話諗起電影《World War Z》,不過最慘應該係班工作人員‥‥‥

Read more ›