2019年過咗兩日，無損睇新年賀圖嘅興緻，每睇一幅畫作就代表接受一次祝福，大家請細心欣賞。欣賞完，不妨畀番個Like佢哋。

就快到2019年，雖然無乜實質改變，但無穿無爛可以健健康康過一年，始終都係值得開心嘅事。以下賀圖，我最有Feel嘅係Cuson畫嗰幅，「Bye Bye，唔開心嘅事！」非常啱聽。

嚟到11月，大家應該仲玩緊《Red Dead Redemption 2》? 今個月都有幾款大作，包括11月13 日嘅《Hitman 2》同埋11月14日推出嘅《Fallout 76》，鍾意射擊遊戲嘅，仲有隻《Battlefield V》嚟緊11月20日推出。差啲講漏咗，PS4仲有隻終於出得成嘅《絶体絶命都市 4 Plus -Summer Memories-》喺22號推出。至於任天堂Switch嘅用家，最期待應該係11月16日推出嘅《Pokémon: Let’s Go, Pikachu!》，仲有大大大量其他舊game翻出，入嚟有得慢慢睇。

玩VR遊戲最難解決就係步行問題，要一路行又唔超出指定範圍，又唔會俾啲線kick親，之前有類似跑步機嘅步行器，但今次就有網民喺日本Twitter分享咗段短片，喺一個超巨型嘅圓球入面玩家可以不停向前行玩射擊遊戲，睇落好正，相信仲可以減到肥！不過地點係10月17日至22日喺中國南昌舉行嘅VR產業大會，中國發明嘅玩落又有啲驚，連樓主都話全力疾走嘅話好危險，部份組件會破損，暫時都係睇人玩好啲。

嚟到8月，放暑假嘅仲有一個月玩，無暑假放嘅都有大量新game可以玩，8月7日嘅《Overcooked 2》啱晒一班朋友考驗友情，而PS4玩家仲有隻8月9日推出嘅《人中之龍 3 》可以玩，畫質無乜點變，不過叫做有中文字幕睇得明都好吖。8月21日仲有《莎木I & II》，呢隻可以重溫定等下一集出，雖然未知幾時。另外鍾意NARUTO嘅可以留意埋8月30日出嘅《NARUTO TO BORUTO 新忍出擊》。至於Switch都有大量舊作出返喺呢個平台，有排玩！仲有PC版嘅《Monster Hunter: World》終於推出，8月10日呀，相信好多人等到頸都長。入嚟仲有兩部手提機PSV同3DS嘅7-8月遊戲，係呀，都仲有少少遊戲嘅。

繼續係日本嘅天氣酷熱情報，持續咗好耐嘅酷熱問題一啲都無改善，噚日日本仲錄得有史以嚟嘅最高溫度，埼玉縣熊谷市下午2點氣溫去到41.1度！另外東京嘅青梅市氣溫亦去到40.8度。電視台亦發出警報，建議大家唔好外出，話係危險嘅做法，仲寫明每個地方唔同時段嘅危險度，作為熱中症嘅預防情報。而且今年日本嘅夏天比較乾，濕度低會令人錯覺以為唔係咁熱，所以準備去日本或者已經喺日本嘅朋友，記住飲多啲水或者運動飲料、減少外出同埋做足防曬措施。

雖然睇落有少少奇怪，不過又真心好想試！日本嘅「大阪王將」最近推出呢款「餃子熱狗」，一共有六款味道，熱狗入面裝住8隻餃子，睇落怪怪哋又好似好好味！令人諗起日本好受歡迎嘅拉面熱狗。可惜只限大阪道頓堀嗰間「大阪王將」有得食，去開附近旅行記住試吓嘞。嫌太大份可以揀半份3隻餸子嗰款，賣600円，其餘賣1000円，亦有一款KING賣2000円，睇完好肚餓好想去日本呀。

日本嘅農夫特別浪漫，仲好勁，可以整到一幅幅超靚嘅稻田畫！眨吓眼又到日本「田舍館村」農作物收成嘅時候，每年青森縣呢個地方都會創作稻田畫，仲成為遊客勝地。今年佢哋嘅主題有小飛俠、怪醫秦博士，仲有柯德莉夏萍主演嘅電影《羅馬假期》場景，全部農作物已經開得靚靚，Twitter見到好多人分享。而官方亦將6月份開始生長以至到而家嘅過程放上網，短短個幾月已經有好大變化，入嚟有得回帶睇，仲有其他地方嘅稻田畫一次過睇埋，超靚！

呢兩日日本Twitter超多人講嘅話題係木村拓哉嘅次女木村光希，最近佢上咗日本版《ELLE》嘅雜誌封面，擁有木村同工藤靜香嘅超強遺傳基因，15歲女已經170cm高，個樣靚得嚟仲好有個性，膚色黑黑哋嘅佢，某啲角度的確幾似木村，有啲位又似阿媽，有人話眼似爸爸口似媽媽，入嚟有多啲相睇。

終於到北海道櫻花全海嘞，嚟到櫻花尾聲，仲有個超靚嘅五稜郭，最近官方出咗新圖，好似星星形狀嘅建築設計，由高處望落去超靚。呢個五稜郭公位於北海道函館，係賞櫻勝地，去開北海道嘅記住去睇吓嘞。

Fashion嘅嘢，大家都係唔明架喇。最近日本網民熱傳呢個龍蝦手袋，紐約品牌Kate Spade出品，日本賣61560円，即係4千零蚊港紙左右，就可以令你成為眾人嘅焦點，側揹喺身好霸氣，好想Tag前特首夫人叫佢買返個。

呢位日本攝影師KAGAYA我哋之前都介紹過，佢嘅強項係影風景相，最近櫻花季節，佢都去咗埼玉縣嘅新河岸川影夜櫻，好多網民留言話佢哋都有去，仲忍唔住放埋自己影嘅靚相，有日頭有夜晚，睇完好想飛去日本睇櫻花呀！入嚟有仲有KAGAYA影嘅其他櫻花靚相，包括之前東京嘅雪櫻，超靚！

啱啱喺大阪舉行第14回日本橋ストフェス (Street Festa)，每年都吸引超多cosplayer進駐，喺Twitter已經有大量造型睇，最多人RT有《POP TEAM EPIC》呢對學生妹，有搞笑版亦有靚女版，超正，另外仲有DARLING in the FRANXX嘅ゼロツー、Resident Evil、藪貓、Iron Man等等，連安倍晉三都有，仲揸槍添！全部都勁高質，入嚟有得慢慢睇。

日本櫻花開嘞，不過Twitter熱傳嘅呢幾張相並唔係櫻花嚟嘅，但都係超靚。地點係日本鈴鹿市嘅森庭園，入面全部係梅花嚟嘅，仲開得好靚，靚到好似仙境一樣。至於點分梅花同櫻花或者桃花？入嚟有教學。BTW，拍攝嘅係攝影師Yuto，佢仲分享埋三重縣四季嘅景色，好靚！

嚟到3月至4月超多大作，大家隻《Monster Hunter World》可能都要放低吓嘞。3月29日發售，PS4/PS Vita《超級機械人大戰X》今次有《魔神英雄傳》，香港中年動畫迷好期待啦？另外3月8日PS4又有《人中北斗》，月尾又有《戰場女武神4》、《進擊之巨人2》、《Far Cry 5》同《二ノ国II》，去到4月20日仲有隻父子合作大屠殺《God of War》新作。至於任天堂Switch之前公佈嘅LABO，一張張紙皮摺成唔同配件，放入主機同手掣就會有唔同玩法， 嚟緊4月20日都會推出嘞，仲有《星之卡比》同埋《薩爾達無雙》都會陸續推出。最後係之前買落PS VR嘅，嚟緊3月6 日終於有隻射擊遊戲《Bravo Team》可以玩。好彩3月底有個復活節假，不過相信都唔夠玩。