Tag: 2017

【新片速報】FGO活動有笑位 「ぐだ子」吉祥物彈出彈入超可愛

【新片速報】FGO活動有笑位 「ぐだ子」吉祥物彈出彈入超可愛

幾時都話behind the scene係最好睇嘅,好似啱啱喺日本幕張舉行咗嘅「Fate/Grand Order Fes. 2017」兩週年紀念活動,女主人公「ぐだ子」嘅大型吉祥物出場前一幕就好好睇嘞。首先佢返入後台打側跳跳吓已經好得意,之後唔覺意由後台衝咗出嚟,俾工作人員撳佢額頭迫佢退後嗰幕都好好笑,入嚟有片睇。

Read more ›

【動漫節】PS4/VR出機優惠公開 《Monster Hunter World》製作人到港 現場試玩《Dragon Ball FighterZ》

【動漫節】PS4/VR出機優惠公開 《Monster Hunter World》製作人到港 現場試玩《Dragon Ball FighterZ》

嚟緊7月28日至8月1日喺灣仔會展舉行嘅動漫電玩節又嚟,大量買機買Game優惠睇見都煩,有興趣可以入嚟對住個表慢慢研究。如果入場玩嘅就可以留意番,E3公佈超注目作《龍珠Dragon Ball FighterZ》現場會有得試玩(今日傳媒發佈會都有,不過唔俾拍片呀),仲有《Monster Hunter World》製作人辻本良三、德田優也、《Dragon Ball FighterZ》製作人平野真之、比達聲優 堀川亮到港,兩個作品有中文版嘅機會都好大喇!至於其他舞台活動,詳細試玩遊戲列表,入嚟可以睇番。至於啲Coser同埋Game girl,我哋今日都影咗啲相,晏啲再出。  

Read more ›
日本限定Hello Kitty x Wonder Woman 貓頭繼續有蝴蝶結

日本限定Hello Kitty x Wonder Woman 貓頭繼續有蝴蝶結

Hello Kitty仲有乜嘢係唔可以crossover嘅?當大家覺得今年萬聖節將會全城都扮Wonder Woman,取代上年嘅小丑女時,Hello Kitty已經率先扮咗,仲要頭頂繼續保留返個招牌蝴蝶結。今次呢個crossover目的係宣傳8月25日先喺日本上映嘅《Wonder Woman》電影,由即日起喺日本訂飛就有機會得到Hello Kitty x Wonder Woman鎖匙扣,預計遲啲應該會有大量精品推出,去開日本嘅Kitty迷記住掃貨嘞。

Read more ›
京都清水寺維修中 竹棚圍牆一生一遇

京都清水寺維修中 竹棚圍牆一生一遇

去親京都都一定會去吓清水寺參觀,不過今年清水寺開始維修,而家本堂外圍已經搭晒竹棚,有網民影咗相放上Twitter,仲見到建築工友爬到好高工作,睇見個心都離一離。雖然維修要去到2020年東京奧運前先會完成,但而家依然可以參觀清水寺,只係離遠影呢座咁宏偉嘅寺廟時就無咁靚嘞。其實從另一個角度睇,呢個場面一生人只可以遇見一次,因為清水寺每隔50-60年先會維修一次,其實更加應該影低留念啦。

Read more ›
【好想試】東京米芝蓮一星拉麵店    新出杯麵網民激讚

【好想試】東京米芝蓮一星拉麵店 新出杯麵網民激讚

位於東京嘅拉麵店「鳴龍」一直係長龍店,上年仲拎埋米芝蘭一星,成為日本人心目中第二好味嘅東京拉麵店!雖然好想試,但望見條長龍‥‥‥最近日清杯麵同佢哋合作,推出咗呢款鳴龍杯麵,選咗鳴龍最出名嘅擔擔麵湯底,而家開始便利店有得買,每杯200円,網民試過都話勁正,麵質出色之外湯底都好正,話已經超越咗杯麵嘅級數,有人仲話食完忍唔住即日去買多杯,睇完好想試!去開日本記住買嚟試吓,仲可以買多杯做手信。

Read more ›
E3任天堂大發佈 Bookmark定睇直播

E3任天堂大發佈 Bookmark定睇直播

Switch個勢勁,嚟緊最近嘅大型遊戲展E3一定有勁嘢啩?其實隻《Super Mario Odyssey》大家都期待啦?官方網站已經開通,香港時間踏入6月14日嘅深夜12點,準時睇「Nintendo Spotlight: E3 2017」,到時網站見。

Read more ›

【2017出GAME表】 5月至6月 [PS4 / XBox One / Switch / PC / 3DS / PS Vita]

【2017出GAME表】 5月至6月 [PS4 / XBox One / Switch / PC / 3DS / PS Vita]

5月、6月各位機迷可以鬆一口氣,因為大作唔算太多。主打嘅有5月25日推出,好多人等緊嘅《伊蘇Ⅷ -丹娜的隕涕日-》中文版,另外5月16日嘅《Injustice 2》同6月1日嘅《鉄拳7》都唔錯,仲有好多人期待緊,6月30日隻古惑狼重製版!至於Switch機主嚟緊就有隻《Minecraft: Nintendo Switch Edition》。如果買咗PS VR嘅,除咗《鉄拳7》有小部份支援VR之外,5月16日都會有隻VR專用嘅射擊遊戲《Farpoint》,拎埋支槍效果更佳。最後提一提大家,嚟緊7至8月好多大作,包括《Gundam Versus》、《勇者鬥惡龍 XI》等等,記住留返少少彈藥。

Read more ›
【有片】「ニコニコ超会議2017」開幕 氣氛超正睇咗當去咗

【有片】「ニコニコ超会議2017」開幕 氣氛超正睇咗當去咗

今日(29日)「ニコニコ超会議2017」喺早上10點就開幕。上年兩日間入場人數有15萬幾,今年睇嚟一樣熱鬧。去唔到「幕張メッセ」現場,睇吓日本網民放上Twitter嘅片感受吓囉,氣氛好正!

Read more ›
【最後一屆】日本種子島馬拉松 跑前送「燒酒」選手扮火箭

【最後一屆】日本種子島馬拉松 跑前送「燒酒」選手扮火箭

日本呢兩個月好多馬拉松賽事,啱啱星期日就有「名古屋女子馬拉松」同「種子島馬拉松」。咁一般跑馬拉松前,大會都會送返啲食品飲品俾選手,有日本網民參加種子島馬拉松,得到嘅飲品唔係能量飲品或者水,而係一支「焼酎」!佢自己都話呢份紀念品好特別,不過跑馬拉松前都係唔好飲酒好啲嘞。BTW,種子島位於鹿兒島南部,有睇《秒速5厘米》嘅應該都有印象嘞,呢個地方仲係日本最大嘅宇宙航空基地,所以馬拉松個名都型過人,叫「Rocket Marathon」!不過好可惜今年係最後一年主辦,睇返Twitter嘅相,可以圍住沙灘跑,仲有1:1火箭模型睇,仲有選手扮火箭跑,氣氛唔錯,跑完張「完走証」都好特別,入嚟有相睇。

Read more ›
【2017出GAME表】 3月至4月 [PS4 / XBox One / Switch / PC / 3DS / PS Vita]

【2017出GAME表】 3月至4月 [PS4 / XBox One / Switch / PC / 3DS / PS Vita]

嚟到2017年3月,「出GAME表」終於多咗個新類別─ Nintendo Switch!今個月買到Switch嘅應該都煲緊《薩爾達傳說》或者同朋友玩緊炸彈人嘞,嚟緊4月28日仲有隻《Mario Kart 8 Deluxe》可以同班friend一齊鍊車,有機嘅點都會買埋啩?至於PS4、Xbox One或者PC機主,呢排好多人都玩緊隻《Ghost Recon Wildlands》。PS4機主嚟緊仲有《加速世界VS 刀劍神域千年的黃昏》(PS4/PSV) 、《Kingdom Hearts HD 1.5+2.5 ReMIX》同《無双☆スターズ》。另外好多人仲玩緊嘅《NieR:Automata》3月17日都會出PC版本,最後係3DS機主,3月18日有《Monster Hunter XX》!

Read more ›
【圖集】日本「猫の日」Twitter大量賀圖    有貓有人有插畫

【圖集】日本「猫の日」Twitter大量賀圖 有貓有人有插畫

各位貓奴注意!今日係日本嘅「猫の日」,因為2嘅發音「ニャン」同貓嘅叫聲好似,所以日本嘅的寵物團體「社団法人ペットフード協会」就將2月22 日訂為貓之日嘞!日本Twitter搵到大量賀圖,除咗真貓,仲有人扮嘅貓、插畫等等,有人已經率先同班喵星人開大食會慶祝。各位貓奴,今晚有無零食放題先?

Read more ›

日本「最適合著校服嘅男女生選舉」 清純可愛幾高質

日本「最適合著校服嘅男女生選舉」 清純可愛幾高質

日本好多唔同種類嘅選舉,繼全國高中生選舉之後,最近有呢個「最適合著校服嘅男女生選舉」,結果已經公佈咗,嚟緊會有頒獎禮。其中得到第四届日本制服獎一等獎嘅係「PPP!PiXiON」嘅鈴木えりか,著起校服嘅佢比平時更清純可愛,其餘嘅得獎者都幾高質,網民嘅評價都唔錯。不過大家對於男生選舉結果就無乜興趣嘞,入嚟有得慢慢睇。

Read more ›
【新片速報】麥當勞比卡超全新展示法 美國CES跳盒而出Twitter熱傳

【新片速報】麥當勞比卡超全新展示法 美國CES跳盒而出Twitter熱傳

美國消費電子展CES啱啱完咗,其中好多日本網民留意呢段片同喺Twitter分享。影片示範用Hologram展示麥當勞開心樂園餐,比卡超會喺個盒度跳出嚟,個漢堡又會轉轉吓。其實Hologram唔係新嘢,今次由英國公司kino-mo展示嘅全新Holograms裝置,名為Kino-mo Hypervsn。BTW,如果未來全線麥當勞都用呢啲裝置做展示牌,等嘢食嘅時候都幾頭暈,不過小朋友應該好開心。

Read more ›

【2017出GAME表】 1月至2月 [PS4 / XBox One / PS3 / Xbox / PC / Wii U/ 3DS / PS Vita]

踏入2017年,啱啱放完個長假,係時候計劃吓嚟緊農曆新年假玩乜game嘞!1月份最吸引應該係1月24日推出嘅《Resident Evil 7》,殺住喪屍過新年,超好氣氛!另外情人節2月14日仲有《For Honor》同《Sniper Elite 4》陪大家過節。至於PS4機主2月9日可以玩難度極高嘅《NIOH仁王》,仲有2月23日推出,好多人等緊嘅《超級機械人大戰 V》。XboxOne機主都有隻獨佔嘅《Halo Wars 2》。總括1-2月唔算好多大作,但絕對夠大家新年前後駛咁啲錢。2017年祝各位讀者繼續長打長有,新年快樂!

Read more ›
【無限輪迴】日本超悲慘PS2福袋     5年後依然原封不動

【無限輪迴】日本超悲慘PS2福袋 5年後依然原封不動

有上開日本網嘅,都可能記得呢個超悲慘福袋。當年有日本網民喺新年買咗個100円嘅PS2福袋,打開嚟睇,入面居然有10隻一模一樣嘅《Winnine Eleven 6》,要搵齊朋友踢波不是夢啦。更慘嘅係,事隔5年,每到新年呢位樓主就會俾人提起呢件傷心事,討論區一講起福袋梗會有人貼佢呢幾張圖出嚟。嚟到2017年,樓主都有喺twitter出post,原來呢10隻game至今喺佢屋企依然原封不動。

Read more ›