Post Tagged with: "2015"

【一人一張偽娘圖】日本網民大讚可愛   偽娘2015進化回顧
by / on 06/06/2015 at 11:24 am

【一人一張偽娘圖】日本網民大讚可愛 偽娘2015進化回顧

  講真,網上嘅嘢已經分唔清乜嘢係真乜嘢係假,最近日本網民就熱烈討論圖左嗰位偽娘,唔係好靚但好Pure,有人話估唔到偽娘已經進化到呢個境界,有人大讚好可愛,仲有好多網民爭相放自己見過嘅高質偽娘圖,當然唔少得日本AV界偽娘大島薰,我哋都回顧返幾個之前介紹過嘅偽娘,等大家趁星期六日溫故知新增值吓自己,以防日後中伏呀!

Read more ›

船梨精亂坐杯邊    手幼幼單手吊起玩拱橋
by / on 05/06/2015 at 7:08 am

船梨精亂坐杯邊 手幼幼單手吊起玩拱橋

之前杯緣子已經同人氣王船梨精合作過出玩具,今次終於到船梨精自己擔大旗!繼續都係玩杯緣子帶起嘅掹杯邊玩具,今次主角變咗出名曳到爆嘅船梨精,睇佢手幼幼學人掹杯邊吊起自己,又單手又用腳夾杯邊,睇落好危險。最正最想要都係佢喺杯邊玩拱橋嗰款,瘋狂搞笑,6月頭出喎,好想儲齊一套呀!

Read more ›
【嚴厲執行】日本踩單車條例      唔准並排行 / 飲完酒唔踩得
by / on 02/06/2015 at 7:15 am

【嚴厲執行】日本踩單車條例 唔准並排行 / 飲完酒唔踩得

香港地踩單車好危險,無專用線之餘又無乜規管,無論駕駛者定路人都無乜保障。日本就唔同,啱啱6月1日起嚴格執行單車條例,唔可以邊踩邊玩手機,醉酒踩車、二人並排踩、亂剎車全部都唔得,衰咗就要比5700円上返3小時嘅講習班,上完仲要完成小測驗同埋寫篇感想文,慘過讀書。想走堂?仲衰,要罰5萬円以下,算啦,都係搭JR安全啲。

Read more ›
【搵食艱難】杯緣子博到盡2連發    又拱橋又壓扁
by / on 26/05/2015 at 7:15 am

【搵食艱難】杯緣子博到盡2連發 又拱橋又壓扁

杯緣子越嚟越似女明星,為咗博出位出盡奇招,好似最近兩個系列,又拱撟又壓扁,真係搵食艱難。首先6月底推出嘅黃色套裝版,杯緣子就挑戰個人極限,喺杯邊又拱橋又跳over又倒立,仲扮埋眼鏡娘,睇見都鄧佢辛苦。而今個月中仲有呢套壓扁版杯緣子杯墊,之前都出過藍色同紅色套裝版,今次換咗粉紅色,壓法都有唔同,有時係兩隻腳壓到扁晒,有時就壓上身,仲有背面、側面壓,不過壓到扁晒嘅杯緣子肥嘟嘟又幾得意嘅,好想儲埋添!

Read more ›
日本niconico美少女排行榜     平均年齡22歲
by / on 09/05/2015 at 12:56 pm

日本niconico美少女排行榜 平均年齡22歲

有得睇動畫嘅ニコニコ(niconico)喺日本好受歡迎,仲有好多人開台做節目或者直播,最近就有個最新嘅ニコニコ美少女排行榜公佈,吸引好多網民圍埋討論。今次總共有11個美少女被選中,平均年齡22歲,大部份網民都大讚佢哋好可愛,仲有人cosplay埋做直播‥‥‥

Read more ›
【出GAME表】5月至6月 [PS4 / XBox One / PS3 / Xbox / PC / Wii / 3DS / PS Vita]
by / on 03/05/2015 at 6:12 pm

【出GAME表】5月至6月 [PS4 / XBox One / PS3 / Xbox / PC / Wii / 3DS / PS Vita]

  最近日日都超過30度,放假都係留喺屋企開冷氣打機好過。5月至6月個人最期待有三隻Game,排名分先後:(1)《Batman: Arkham Knight》:回歸Rocksteady懷抱,蝙蝠迷同動作遊戲迷冇得唔玩!(2) 中文版《人中之龍0 誓約的場所》,5月14日出,雖然日文版出咗一排,但係系列首次中文化,又有李璨琛,點都會玩吓嘅。(3) 《The Witcher 3》:開放式世界RPG遊戲完結作,畫面靚到黐線。剩返可以一玩嘅仲有《Devil May Cry 4 Special Edition》、《Until Dawn》同埋《IA/VT -COLORFUL-》。

Read more ›

《勇者鬥惡龍》東京主題Cafe     史萊姆意大利飯無伏?
by / on 27/04/2015 at 7:11 am

《勇者鬥惡龍》東京主題Cafe 史萊姆意大利飯無伏?

史萊姆之前都出過好多崩壞肉包同藍色咖喱飯,最近終於正正經經開返間主題CAFE「DQSL Cafe」,今次選址東京涉谷區,總共有4款食物同4款飲品推出,睇個史萊姆意大利飯正正常常應該無伏啩?4月28日開始喺「渋谷ガーデンHana」期間限定營業,食完嘢仲可以賺埋遊戲入面嘅鎖匙、地圖之類嘅物品,好奸。BTW,今次目的係宣傳隻手機遊戲《Dragon Quest Monsters Super Light》,呢個Light版本加咗對戰任務同Online元素。

Read more ›
夏天狗狗新造型 圓咕碌定‥‥‥正方形?!
by / on 25/04/2015 at 7:14 am

夏天狗狗新造型 圓咕碌定‥‥‥正方形?!

夏天嚟到,又係時候幫心愛嘅狗狗剪毛。前排興染色,最近網上就流行將狗狗嘅頭修剪成圓形甚至‥‥‥正方形!通常被迫換新造型嘅都係貴婦狗多,而剪完嘅狗狗的確睇落可愛又整齊,我指圓形嗰種呀,方形真係好難接受。我諗佢啲狗友見到佢時一定會恥笑佢,佢自己照鏡都會忍唔住笑。

Read more ›
 多樂貓出生日蛋糕     東京Tokyu Hands期間限定
by / on 24/04/2015 at 7:16 am

 多樂貓出生日蛋糕 東京Tokyu Hands期間限定

5月6日係Sony多樂貓嘅生日,今年官方搵多啲人一齊同多樂貓慶祝,由4月29日至5月10日會同東京池袋Tokyu Hands合作,喺1樓嘅餅店Patisserie Swallowtail推出幾款多樂貓蛋糕,最得意肯定係大大個多樂貓頭嗰款,賣750円,現場仲有四款杯墊送,頭300個買蛋糕會送埋多樂貓企喺Tokyu Hands前嘅貼紙。想見本尊可以喺生日前夕同生日當日(5月5日至6日)去現場,到時多樂貓會分時段同人類影相,喂,生日都要開工,慘啲喎。

Read more ›
新片速報      電影版《小王子》10月上畫     依然好感動
by / on 24/04/2015 at 7:13 am

新片速報 電影版《小王子》10月上畫 依然好感動

《小王子》呢本經典童話,好多唔想長大嘅成年人都好鍾意,出版70年,全球銷量5億冊,僅次於《聖經》,未睇過嘅而家可以考慮開始睇返,事關官方之前公佈過將會改編成動畫,最新官方又有全新長篇預告trailer發佈,睇見小王子出場一幕依然覺得好感動,仲有朵玫瑰呀!不過今次電影版會加入一個受家長擺佈嘅小女孩角色,法國暫定10月7日上畫,唔知香港幾時上呢?

Read more ›
網上熱傳     紐約出現四條彩虹     專家分析有疑點
by / on 23/04/2015 at 7:21 am

網上熱傳 紐約出現四條彩虹 專家分析有疑點

好日都見唔倒一條彩虹,更可況兩條、甚至四條?!最新外國女士Amanda Curtis喺紐約嘅LIRR Station影倒同一時間天空竟然出現四條彩虹!呢個奇景當然要即刻影低放上Twitter分享,即刻有好多人RT同埋好多傳媒借用。最新消息係有專家話其實天上當時只得兩條彩虹,另外嗰兩條係因為揸機嘅時候旁邊有水反射而造成嘅假像,不過唔緊要啦,最重要都係大家睇完呢張相後心情靚晒!

Read more ›

新片速報    韓國車展清純Benz職員跑出    憾贏性感車模
by / on 13/04/2015 at 7:21 am

新片速報 韓國車展清純Benz職員跑出 憾贏性感車模

韓國首爾一年一度嘅大型車展「Seoul Motor Show 2015」噚日(12日)啱啱結束,咁現場除咗有好多靚車展出之外,仲有好多超高質嘅車模,不過最終跑出嘅,居然係Mercedes-Benz嘅一位普通員工!呢位妹妹著得好密實企喺前枱詢問處,不過都遮掩唔倒佢嘅出眾嘅外表,有網民用手機偷偷拍底咗咗佢嘅動態,影片好快喺網上被瘋傳,最後網民人肉起底,搵倒佢嘅IG,知佢全名叫「안유정」,面圓圓單臉皮,笑起上嚟仲好可愛。另外我哋都唔覺意都搵咗好多今年韓國車模嘅靚相,入嚟有得睇,你鍾意清純定性感?

Read more ›
好想去!CNN嚴選日本31個最靚景點   《幽靈公主》森林/ 馬騮浸溫泉
by / on 05/04/2015 at 2:38 pm

好想去!CNN嚴選日本31個最靚景點 《幽靈公主》森林/ 馬騮浸溫泉

盡可能都避免復活節外遊,人多價錢貴,今年據聞好多人去日本大阪,可能機票平匯率低,搞到我都心郁郁好想去。CNN網站最近揀咗31個日本最靚嘅地方,除咗比較熟悉嘅北海道小樽雪路、京都嘅嵐山竹林,仲有馬騮雪猴都浸溫泉嘅「地獄谷野猿公苑」(長野縣),我最想去係宮崎駿《幽靈公主》入面嘅白谷雲水峽森林(鹿兒島),靚到震!另外富士芝櫻節(山梨縣)都好想去,每逢四月底芝櫻開到好似一張紫粉紅色嘅地毯咁,配埋富士山靚景,勁吸引!睇咗當去咗,復活節好似我咁無得去旅行嘅,睇完心情都靚啲。

Read more ›
超無力「蛋黃哥」出扭蛋     掹杯邊第一次咁落力
by / on 01/04/2015 at 7:08 am

超無力「蛋黃哥」出扭蛋 掹杯邊第一次咁落力

呢隻蛋黃哥(ぐでたま)最近好紅,成日懶懶閒閒踢都唔郁咁,加上表情超級無力感,難怪越嚟越受歡迎!受歡迎到Sanrio都要不停幫佢出產品。之前見過好多蛋黃哥食物,又奄列飯又啫喱,全部食晒落肚影都無,最近KITAN奇譚就同佢合作推出扭蛋玩具,KITAN一向幫杯緣子出開掛杯邊玩具,今次蛋黃哥都繼續玩呢個概念,成pet蛋漿撻喺杯邊,蛋黃哥第一次咁落力掹住杯邊防止滑落,仲用蛋殼笠頭,勁搞笑,好想買!七月底推出,到時留意吓先!同場加映三月底搶先推出嘅蛋黃哥手機床舖,得意到震一定要儲!

Read more ›
2015最潮銀髮     IG超多圖勁過韓風七彩頭
by / on 30/03/2015 at 7:18 am

2015最潮銀髮 IG超多圖勁過韓風七彩頭

估唔到銀髮真係爆起,上IG搜尋#grannyhair,就會見到最近超多人上載佢哋新染嘅銀髮。雖然我仲未接受倒近年將髮尾染到七彩顏色嘅韓風頭‥‥‥呢個2015最潮髮型,唔知幾時會傳到嚟香港,不過香港人輪廓唔夠深,唔化返個靚妝,好易變阿婆。我打完呢篇稿就諗住打比我阿婆,話佢知而家佢個銀髮好潮。

Read more ›