Post Tagged with: "2015"

【小童版進擊】日本巨型內臟展    小朋友爬糞便心臟大冒險
by / on 08/08/2015 at 1:24 pm

【小童版進擊】日本巨型內臟展 小朋友爬糞便心臟大冒險

日本好興搞展覽,而且題材好廣泛,之前都試過有廁所博物館,最近就有呢個喺幕張舉行嘅人體展覽「からだのひみつ大冒険2015」,即日至8月22 日有得玩,將啲心肝脾肺腎以超巨型狀態展出,由於對象係小朋友,所以展覽以「大冒險」做主題,場內有比小朋友攀爬嘅巨型糞便、比小朋友射槍練眼界嘅巨型鼻哥窿,仲有比小朋友捐嚟捐去追逐嘅巨型充氣喉嚨,我諗起《進擊之巨人》艾倫比巨人吞落肚嗰幕,如果咁整會唔會多啲人睇?

Read more ›

【日本網民震驚】廣州最大製蚊工場 每週放生100萬隻蚊
by / on 08/08/2015 at 11:17 am

【日本網民震驚】廣州最大製蚊工場 每週放生100萬隻蚊

中國除咗放出大量遊客到世界各地之外,最近《環球時報》仲報導中國廣東省廣州市,原來係全世界最大嘅製蚊工場,為咗對抗登革熱,當地實施咗一個政策,每星期放生100萬隻無生殖能力而且無毒嘅蚊!無錯,係每星期100萬隻!件事最近成為日本網民嘅熱烈討論話題,有人話:「中國話無毒我哋都唔可以信!」、「係咪實施緊『一蚊生育政策』?」、「啲蚊係兵器?中國製會爆炸的。」其實,唔殺晒所有蚊相信因為會破壞生態系統,而雄性嘅蚊唔會吸血,只有雌性蚊先會吸血令交配後可以產卵,所以放生大量雄性蚊,而佢哋又唔可以交配,最後就可以令到蚊嘅數量自然減少。不過由中國執行,大家難免驚驚哋‥‥‥

Read more ›
《名偵探柯南》小蘭著三點式 摀低身勁震憾
by / on 03/08/2015 at 7:19 am

《名偵探柯南》小蘭著三點式 摀低身勁震憾

《名偵探柯南》都唔係第一次有性感囡囡睇,之前試過講柯南去到浴室更衣室,見到毛利蘭條浴巾突然鬆開咗紅都臉晒。噚日又有日本網友放新圖,今次都係毛利蘭,不過就換咗三點式泳衣,仲要摀低身效果勁震憾,柯南紅晒面眼都突埋,網友就話呢幕泳衣出場時間太短唔夠喉。喂,睇柯南呢啲係bonus嚟嘅,唔好咁貪心好喎。

Read more ›
2015動漫節:Coser篇
by / on 28/07/2015 at 9:00 am

2015動漫節:Coser篇

唔經唔覺,2015年動漫節又去到尾聲,今日已經係最後一日。話時話,今年動漫節港漫好似無乜勢,連玉皇朝都唔大搞,最攞命係有埋啲射籃呀、拋波仔呀之類嘅攤位遊戲,唉,都唔搭調嘅,唔知仲以為自己去咗美國冒險樂園。反而,今年啲Coser有啲睇頭,事關主辦機構另闢三樓作為活動區,不但場地夠大,仲Offer埋臨時更衣室同儲物室方便一眾Coser添。咁咪好囉,咁先叫做尊重Cosplay文化架嘛。而今年,靠目測,純個人意見,Coser質素比上年好九倍,靚女多,衫又靚,道具又精,氣氛又熱鬧……唔講 咁多喇,睇相喇。

Read more ›
【洗心革面】蛋黃哥學積極 杯邊掙扎運勁爬起
by / on 22/07/2015 at 7:15 am

【洗心革面】蛋黃哥學積極 杯邊掙扎運勁爬起

蛋黃哥,即係梳乎蛋,今個夏天勁紅,去到邊都見到佢,但係粉絲點會厭?好似呢款佢同專出杯緣子嘅KITAN合作嘅扭蛋,一式六款,全部嘅動作都係扒喺杯邊,好適合蛋黃哥hea爆嘅作風。睇見佢攤喺透明嘅蛋白上微微掙扎,第一次覺得蛋黃哥都有唔太hea嘅時候。今個月底推出,經過見到扭蛋機記住飛撲去扭呀,因為有親蛋黃哥嘅機通常都好快售罄。

Read more ›
【理想與現實】日本大學選美參賽者 水準參差嚇親網民
by / on 15/07/2015 at 7:15 am

【理想與現實】日本大學選美參賽者 水準參差嚇親網民

日本選美,仲要係東京家政大學,單睇個標題已經令人有無限遐想,不過理想與現實‥‥‥有日本網民將呢間大學嘅選美選賽者相片放上網分享,好多網民被嚇親,留言話水準好參差,頭1、2個都OK,但之後嗰兩個就有啲過份。有網友留言話:「雖然唔係勁醜,但參加選美就唔多妥」、「係自薦定人哋推薦嘅呢?」BTW,呢間學校出名女多男少,啲男同學都好幸福呢。

Read more ›

新片速報 《Star Wars: The Force Awakens》Comic-Con  幕後花絮片
by / on 11/07/2015 at 2:42 pm

新片速報 《Star Wars: The Force Awakens》Comic-Con 幕後花絮片

又係Star Wars,電影《Star Wars: The Force Awakens》年尾先上,不過官方啱啱就趁Comic-Con發佈咗條behind the scene嘅新片,有得睇道具製作過程,設計圖,喺當地嘅6千位fans好幸福,事關JJ Abrams、製片Kathleen Kennedy同演員Harrison Ford、Carrie Fisher同Mark Hamill全部去晒當地同fans見面,睇完呢條片之後仲直落有星戰音樂會,我就決定喺屋企翻煲第1至6集慶祝吓。

Read more ›
【新片速報】Walking Dead第6季trailer 足本4分鐘繼續喪
by / on 11/07/2015 at 1:55 pm

【新片速報】Walking Dead第6季trailer 足本4分鐘繼續喪

《The Walking Dead》第6季未有得睇住,不過啱啱喺Comic-Con就有4分鐘嘅trailer睇,amc好小氣,block咗香港地區無得睇,不過喺YouTube依然搵到高清片。睇片見今季依然勁刺激,Rick延續上季繼續癲,箭佬Daryl繼續有型,Glenn繼續溝女,喪屍圍剿人類嘅大場面勁多,仲有,點解阿Rick個仔大得咁快?第6季10月11日開播,未睇完第5季嘅仲有時間慢慢煲。想撈埋汁嘅,8月仲有套60分鐘嘅外傳《Fear the Waling Dead》,背景係洛札磯,新角色,有無興趣?

Read more ›
【感人】白兵步行645里參加Comic-Con     紀念501部隊亡妻
by / on 11/07/2015 at 12:31 pm

【感人】白兵步行645里參加Comic-Con 紀念501部隊亡妻

美國聖地牙哥嘅Comic-Con除咗有coser睇、有好多遊戲新trailer睇之外,場外仲有個好感人嘅故事。呢位叫Kevin Doyle嘅男士,著上一套白兵服,由加州嘅Petaluma屋企,步行645里去參加聖地牙哥嘅Comic Con,目的係紀念2012年因為癌病逝世嘅太太Eileen。佢哋兩公婆都係星戰迷,而且都係501st Legion嘅成員,當年一齊去Comic-Con,留低好多美好嘅回憶。今次佢一個人上路,除咗紀念亡妻,亦係為佢成立嘅Eileen’s Little Angels籌款,幫助更多抗癌嘅小朋友,好有意義好感人。Kevin完咗Comic-Con之後會再步行645里返加州,希望佢早日忘記傷痛,將來同太太喺第二個星球再見。

Read more ›
【有片】破紀錄全球最長pizza 1595米長用兩噸茄醬
by / on 23/06/2015 at 7:08 am

【有片】破紀錄全球最長pizza 1595米長用兩噸茄醬

最近意大利米蘭World Fair就有呢塊破咗健力士紀錄,全球最長嘅pizza誕生,足足有1595米長,要同時間60位師傅一齊製作先搞得掂,淨係蕃茄醬都要用兩噸,mozzarella芝士都要半噸,仲要800張枱合併埋先可以將塊pizza平放,好誇張。咁大家最關心嘅兩個問題:點樣焗同埋最後點處理塊pizza呢?前者原來靠一個好似幫文件過膠嘅流動焗爐搞掂;至於處理方面,最終個怪物pizza分派咗比3萬個現場圍觀者,剩返嘅就送咗去食物銀行派比有需要嘅人士,而我最關注嘅係個pizza有無芝心邊?答案係無嘅。

Read more ›
【揚威海外】「香港小姐」成為日本網民熱話 正評多過負評
by / on 22/06/2015 at 7:09 am

【揚威海外】「香港小姐」成為日本網民熱話 正評多過負評

估唔到「香港小姐」都會成為日本2ch網民熱話,今次都算係揚威海外,雖然題目係「選美史上最醜嘅香港小姐」。日本人唔識中文,但係網民就人肉搜刮到今年嘅港姐面試相,仲一齊評頭品足討論吓,估唔到正評多過負評喎,有日本網民話:「我覺得可以接受啊」、「都ok吖,化埋妝應該會無問題」,仲有人話:「比起韓國過份整容,呢種有自己個性嘅都唔錯喎。」有人仲搵返2014年世界小姐嘅日本代表,個樣的確有啲過份‥‥‥難怪日本網民睇得咁化喎。

Read more ›

【以人為本】輪椅新設計 一人操控上落樓梯更方便
by / on 20/06/2015 at 12:41 pm

【以人為本】輪椅新設計 一人操控上落樓梯更方便

好多輪椅都唔可以上落樓梯,不過本港發明家李少麟喺2014年設計咗全球首張用「二段式履帶」上落樓梯嘅電動輪椅,為港爭光,最近喺網上又見到另一張上落樓梯嘅輪椅,而且設計好科幻,同樣利用好似坦克車嘅履帶上落樓梯,就算一個人操控上落都無問題。唔駛再依靠斜坡道上落,對行動唔方便嘅人士嚟講實在係天大嘅福音。今次呢個設計由Swiss Federal Institute of Technology同Zurich University of the Arts嘅學生共同研發,入嚟有片睇,希望未來呢類型嘅產品可以更加普及,價錢更大眾化,令更多有需要嘅人士受惠。

Read more ›
【大量產品】Hello Kitty x 船梨精 瘋狂彈跳扮cute
by / on 10/06/2015 at 7:11 am

【大量產品】Hello Kitty x 船梨精 瘋狂彈跳扮cute

Hello Kitty同船梨精,兩個都係瘋狂出產品搵銀,但又好多人(包括我)爭住買嘅成功案例,最近佢哋決定合作食大茶飯,公開咗大量合作產品!睇見Hello Kitty瘋狂跳我唔驚呀,但係船梨精咬手指扮cute,仲紥條辮仔‥‥‥真係嚇一跳,但係又忍唔住笑。千祈要留意埋佢哋嘅搞笑動作,好細緻好正!今次合作好大規模架,有file、袋仔、tee、公仔、襪,諗得到嘅都幾乎會出,產品由7月開始逐步發售,等fans慢慢儲錢慢慢買。唉,我唔爭氣,又想駛錢嘞。

Read more ›
【網民狂數】AKB「島崎遙香」犯眾憎? 有片有圖有真相
by / on 07/06/2015 at 2:27 pm

【網民狂數】AKB「島崎遙香」犯眾憎? 有片有圖有真相

噚日公佈咗「AKB48第7回選抜総選挙」,最多人討論嘅除咗第1位嘅指原莉乃,仲有跌到落第9位,出名態度差嘅島崎遙香,雖然佢喊晒口,但係大部份網民嘅反應都係話:「好心涼!」日本網民就數落佢過去嘅罪行,有圖有片有真相,例如佢經常喺活動中黑面,人哋鞠躬時佢企直,又成日亂企位,仲有最出名嘅「塩対応」,即係黑面十問九唔應。網民可能太憎佢,仲舖埋佢嘅學生時代醜爆相出嚟贈慶兼話佢係妖怪,可以令到咁多人討厭佢,其實都幾勁。

Read more ›
【點坐?】鬆弛熊超靚木凳      今日有得訂
by / on 06/06/2015 at 1:35 pm

【點坐?】鬆弛熊超靚木凳 今日有得訂

幸福就係咁簡單,一張凳兩個人,兩家人一條命。網上見到呢張鬆弛熊嘅木凳,睇落好靚,不過睇真啲唔係比人坐而係比公仔坐嘅,咁都好嘅,我屋企邊有位放咁大張木凳?9月推出,而家開始網上有得訂,售價19440円,而家円平,都係千零蚊左右,用嚟放公仔都抵吖。起碼唔會好似之前張鬆弛熊梳化咁,萬萬聲(港幣呀),得個睇字。

Read more ›