fbpx

Tag: 2015香港漫畫Show

只限會場發售 必搶廖光祖畫板

只限會場發售 必搶廖光祖畫板

呢幅畫板好靚呢?係出自有份繪畫《黑漫畫》嘅廖光祖之手,限量30塊,每塊$120。想擁有,Sorry,唔可以預訂,廖光祖喺面書只限聽日嘅2015香港漫畫Show會場發售,想將畫板擺入飾櫃的話,唔該親自去西九龍中心行一趟喇。其實親自到場買仲好喇,可以搵埋廖光祖親筆簽名同影相留念吖嘛。

Read more ›

2015香港漫畫Show 六大紙板公仔任影

2015香港漫畫Show 六大紙板公仔任影

本人就好期待呢個禮拜六嘅2015香港漫畫Show嘞,唔知大家到時會唔會捧場呢?報多單料畀大家知,到時展場會展出六個紙板公仔,包括牛佬嘅陳浩南、馮志明嘅霸刀、梁偉家嘅天師、邱福龍嘅赤殺王、黃玉郎嘅勝公子同戴慶賢嘅《秘密武器》,全部1:1真人身高,記得影番幅靚相擺上面書威威。

Read more ›
《梁偉家作品集》7月4日優先發售

《梁偉家作品集》7月4日優先發售

之前因版權問題停止推出《漫畫家的記事畫集》手繪封面版,梁偉家即以《梁偉家作品集》補上,其實仲好喇,全部都係自己手底下角色,畫都畫得順手稱心啲喇。呢本作品集內含塑膠彩、噴筆、水墨插畫,兼有《殭屍》、《邊個最強?》同《潛伏》亖段短篇故事,全書104頁,每本售價一條紅衫魚,封面天師擔正,另加家家心底話「為了達到夢想,我願意付出任何代價!」淨係呢句熱血到爆核嘅豪情壯語就已經抵撐。《梁偉家作品集》7月4日喺2015香港漫畫Show優先發售,到時家家一定在場,買完書,記得搵埋佢影相簽名呀。

Read more ›
2015香港漫畫Show 買Passport儲印章

2015香港漫畫Show 買Passport儲印章

又係過癮喎,7月4日舉行嘅2015香港漫畫Show搞咗個小花臣,臨場大家可以買番本香港漫畫專區Passport,大藍封面寫住「Collectors’ Comics Zone」,加埋大大個骷髏頭Icon,霎眼望真係幾似護照。揭開,當然有插畫喇,同場仲預備咗七個精美印章,俾你逐個印仔慢慢吸,每本$20,玩得過喎。

Read more ›
2015香港漫畫Show,動漫節預演?

2015香港漫畫Show,動漫節預演?

今年7月有個《2015香港漫畫Show》,未聽過呢?我都未聽過呀,是次港漫派對由西九龍中心、Dark出版社同收藏家漫畫專區聯辦,宣傳海報咁寫:「一個100%完全屬於香港漫畫的派對,極期待大家的支持和參與,希望大家漫眾一心,令港漫再次發光發熱,亦希望這次活動能夠成為一個真正只屬於港漫的節日。」有幾屬於港人先?望名單,OK喎,港漫人邱福龍、鄺志德、馮志明、上官小強、梁偉家、戴慶賢、廖光祖、鄧達軒同馬遜都落實出席;有乜睇先?小型漫畫展梗唔少得,精品銷售攤位都應該幾有吸引力,再加埋可以玩情景拍攝,有交代喇。我就當呢個Show係7月香港電玩動漫節預演,有福龍牽頭,撐得過喇。

Read more ›