Post Tagged with: "2015"

【療癒系】8款蛋黃哥醒神早餐 納豆屁股好健美
by / on 05/01/2016 at 7:10 am

【療癒系】8款蛋黃哥醒神早餐 納豆屁股好健美

RE-MENT出嘅「蛋黃哥」食玩系列又有新作,作為食得嘅蛋黃哥,出食物最順理成章,今次推出嘅係早餐系列,一共有8款出餐,中、西、日都有,款款睇落都好好味。精選食品包括有跌咗落水嘅生蛋熱飲、蛋三文治、西式煎蛋、日式蛋奄列‥‥‥不過最搶眼都係納豆上嘅一個蛋黃哥屁股,好健美,唔落足眼力都睇唔倒。預計今個月18日推出,未推出前可以去食返個豐富早餐醫肚先。

Read more ›

【新片速報】日本2015最正電視廣告     橋本環奈/菲利 10分鐘任睇
by / on 30/12/2015 at 7:15 am

【新片速報】日本2015最正電視廣告 橋本環奈/菲利 10分鐘任睇

嚟到年尾,又係大事回顧嘅時候,呢段日本電視廣告片好正,可以一次過回顧2015日本最正嘅電視廣告,足足有10分鐘,有橋本環奈嘅合味道杯麵,菲利賣Kirin飲品、Softbank星球大戰、高達杯麵、貓貓按摩師等等,題材多元化,夠創意、概念正、拍法好,仲兼顧埋美感,梗有幾個你未睇過嘅,話我崇日都係咁話,日本廣告真係全球最正。

Read more ›
《National Geographic》最終20圍 相片預覽有得揀
by / on 24/12/2015 at 7:11 am

《National Geographic》最終20圍 相片預覽有得揀

《National Geographic》啲相一向超班,唔經唔覺又到「2015 Photo of the Day」選舉,評審根據相片喺online上嘅like數、點擊數、分享數等資料,選出20張今年嘅入圍作品,當然唔少得網上好紅嗰張企鵝發惡相。入嚟有得慢慢欣賞,鍾意影相嘅一定要睇。

Read more ›
【人生有幾個十年】《星戰》角色當年vs今日 Chewbacca/C-3PO都有真人對比
by / on 19/12/2015 at 12:08 pm

【人生有幾個十年】《星戰》角色當年vs今日 Chewbacca/C-3PO都有真人對比

新一集星戰睇咗未?暫時口碑都幾好,唔少fans都讚無做壞星戰牌頭。而fans最開心應該係見返好多舊角色今集出場,原來唔經唔覺,距離當年第一隻星戰上映已經38年,外國網站就將大量角色當年同今日嘅前後對比相做咗個回顧,除咗Han Solo、公主Leia之外,連Chewbacca、C-3PO都有真人對比,仲有今集無出場嘅都有近照回顧,超過18張相,入嚟慢慢睇。

Read more ›
【巴黎鞋陣代遊行】2萬對鞋進駐巴黎 安全表達環保訴求
by / on 01/12/2015 at 7:11 am

【巴黎鞋陣代遊行】2萬對鞋進駐巴黎 安全表達環保訴求

好壯觀!2萬2千對鞋擺晒喺巴黎廣場會係點?11月29日喺巴黎舉行世界氣候大會(COP21),呢兩日全球175個國家有超過72萬人出嚟遊行,呼籲各個國家首腦關注環保,今年舉辦國法國因為早前嘅恐襲,原訂有20萬人參加嘅大遊行被迫取消,不過一班環保人士就用咗好特別嘅方法表達佢哋嘅意見,就係喺巴黎嘅Place de la République擺放咗2萬2千對鞋,行唔到出嚟都要放對鞋出嚟,有啲鞋上面擺放咗鮮花、植物,有啲寫滿標語,全部都係表達佢哋對全球暖化、環保議題嘅訴求,好壯觀,巴黎人果然浪漫,連示威都特別有心思。

Read more ›
ACG TOYS 1:6石黑龍人偶 LCX先睹為快
by / on 24/11/2015 at 12:45 pm

ACG TOYS 1:6石黑龍人偶 LCX先睹為快

如果你係石黑龍躉,咁就絕對有必要去老尖海港城LCX走番轉,事關LCX正展出ACG TOYS出品嘅1:6石黑龍人偶,人偶可以換手腕,唔使擺花巧Pose,齋戙企已經好型棍,Nike眉、金毛、刀疤、綠色蠍子背心、雙截棍,中晒我心目中嘅元祖級「柔道小魔童」神髓。想據為己有?我都係,不過暫時未知價錢,淨係知2015 ToySoul亞洲玩具展正式發售,等吓啦。

Read more ›

【終於有高質】日本九州大學選美 6位候選靚女好難揀
by / on 22/11/2015 at 1:40 pm

【終於有高質】日本九州大學選美 6位候選靚女好難揀

早兩日睇過九州大學選美啦,無論男定女,全部都唔合格fail。以為而家日本嘅大學生已經無靚女?又唔係喎。有日本網民喺2ch放咗兩位今年嘅青山學院大學嘅女候選者,水準好高,有網民認為已經達到藝人嘅級數,我同網民一樣,鍾意健康膚色嘅山賀琴子,唔止呢兩位,其餘幾位候選者都好高質,好難揀喎!

Read more ›
鬆弛熊家居cosplay服 冬天最強hea爆裝備
by / on 21/11/2015 at 11:07 am

鬆弛熊家居cosplay服 冬天最強hea爆裝備

冬天就嚟殺到,又係時候準備定半冬眠嘅裝備,噚日介紹過日本有隻懶人必備嘅假手,可以伸出床舖外拎電視遙控,呢件鬆弛熊晨褸都好有懶到爆嘅效果,著住佢再笠埋頂帽,就十足十披咗熊皮嘅鬆弛熊。佢可以摺袖、有專用位伸隻手指出嚟,長度125cm,175cm嘅model著上身都無拖地,賣7800円,上年都有出過,不過今年呢件質地舒服啲輕身啲,移動方便啲,仲有個咕臣套可以入住件褸,其實我想買。

Read more ›
九州大學選美出事 男女參加者唔合格 紅衫大媽突入
by / on 20/11/2015 at 7:11 am

九州大學選美出事 男女參加者唔合格 紅衫大媽突入

日本好興選美,特別係大學選美,啱啱就有日本網民放咗九州大學小姐參賽者嘅相出嚟,嘩!網民睇完都話嚇親,6個參加者之中,過半數都唔合格,其中紅色衫報稱1989年出世嘅美國學生大媽,仲被網民質疑佢嘅年齡。有人甚至留言話自己著女裝都可愛過佢哋!有網民跟手放埋九州大學先生今年嘅入圍者出嚟,估唔到效果一樣驚人,尤其係啲甫士。

Read more ›
【政界萬能Key】美國總統候選人Donald Trump 網民瘋狂惡搞
by / on 14/10/2015 at 7:10 am

【政界萬能Key】美國總統候選人Donald Trump 網民瘋狂惡搞

今年美國總統候選人之中,呢位共和黨總統參選人Donald Trump嘅人氣絕對係三甲之內。除咗因為佢自創嘅髮型夠話題性之外,仲因為好多人鍾意惡搞佢。網站Design Crowd最近搞咗個活動,比網民將Donald Trump個樣key入經典電影場面入面,網民反應超踴躍,《戰狼300》、《大白鯊》、《閃靈》、《驅魔人》、《沉默的羔羊》,貴為設計網站,參加者大部份都係設計師,所以水準好高,加上Donald Trump平時嘅表情又夠誇 (特別係同奧巴馬相比嘅話),堪稱政界萬能Key,key去邊都無乜違和感,難怪網民都話如果佢當選以後肯定有排玩。

Read more ›
【紐約Comic Con】大量Coser圖集 女版Bowser洛克人 / 大量Marvel角色
by / on 11/10/2015 at 3:38 pm

【紐約Comic Con】大量Coser圖集 女版Bowser洛克人 / 大量Marvel角色

印尼11月都有Comic Con,勁羨慕。啱啱今個星期就係紐約Comic Con,外國網站Geeks Are Sexy深入會場影咗大量Coser靚相,今年水準都好高,《回到未來》嘅博士好神似,仲拎埋全球限量6500支嘅百事,我都想要返支。另外女coser嘅角色幾有驚喜,有比達,孖寶兄弟入面嘅惡龍Bowser都有。不過普遍都係鬼妹size,比較大隻啲。仲有大量Marvel角色,入嚟有得慢慢睇。

Read more ›

日本郵區推出《多啦A夢》郵票連公仔 收藏值高即日開放預訂
by / on 17/09/2015 at 7:07 am

日本郵區推出《多啦A夢》郵票連公仔 收藏值高即日開放預訂

而家send個email發個WhatsApp超方便,應該好少人會寫信貼郵票嘞,不過呢套日本郵局新出嘅《多啦A夢》郵票連公仔應該好多人想要!專為「多啦A夢誕生50週年」而推出,最特別係每個設計都係原著入面同信件有關嘅場景,例如讀信讀到喊晒嘅靜香、變咗郵筒嘅多啦A夢,設計好用心。一套10個52円嘅郵票,,再加多個特製多啦A夢心口掛住個郵票嘅公仔,全套賣4000円,9月16日至11月16日喺日本嘅郵局有得預訂,不過就要下年1月28日先有得拎,我都好想買返套。

Read more ›
【超想要】蛋黃哥8件日常工具 蛋黃布甸座/petpet咭片夾萌爆
by / on 07/09/2015 at 7:21 am

【超想要】蛋黃哥8件日常工具 蛋黃布甸座/petpet咭片夾萌爆

出名懶嘅蛋黃哥又嚟嘞,今次日本re-ment出嘅呢8款小工具堅想要!最想要係蛋黃哥變咗布甸嘅手機座,其次係托住支筆懶辛苦嘅筆座,仲有用pet pet夾住咭片嘅咭片架、冚住塊煙肉覺覺豬嘅書籤、扮晒扣住啲蛋白嘅集線器‥‥‥係,我認,全部8款我都好想要呀!每盒380円,不過要等到今個月14號先有得買,有無朋友去開日本,不如幫我哋團購?

Read more ›
【開學出GAME表】9月至10月 [PS4 / XBox One / PS3 / Xbox / PC / Wii U/ 3DS / PS Vita]
by / on 03/09/2015 at 5:15 pm

【開學出GAME表】9月至10月 [PS4 / XBox One / PS3 / Xbox / PC / Wii U/ 3DS / PS Vita]

今個月個出GAME表遲咗,首先因為《METAL GEAR SOLID V》出咗,機迷實好唔得閒啦,再者 9月1日開學,大家都無乜時間打機啩我諗,加上呢幾日又落雨,今日又放假,聽日又星期五,後日又星期六……講返9月至10月真係勁多game玩,玩完《MGSV》仲有大量運動game接連推出 -《FIFA 16》、《Winning 2016》、《NBA 2K16》,淨係online約朋友都有排忙,嚟緊10月仲有隻刺客《Assassin’s Creed Syndicate》同Xbox One隻《Halo 5: Guardians》,仲未計PS4隻《Uncharted Collection》同《GOD EATER RESURRECTION》,點解年年都係返學先嚟出咁多game?

Read more ›
船梨精涉谷Parco主題餐廳 忽然爛面刨冰崩壞
by / on 22/08/2015 at 2:35 pm

船梨精涉谷Parco主題餐廳 忽然爛面刨冰崩壞

出名百厭嘅船梨精Funassyi,鋒頭最近比hea爆嘅蛋黃哥搶晒,不過喺日本佢仲有好多fans,最近官方就喺涉谷Parco再搞期間限定嘅主題餐廳「THE GUEST cafe&diner」,記得之前同一位置都搞個主題cafe「ふなっしーのFUNAcafe」,日日喪排長龍,今次時間長啲,由9月4日至11月3日,有嘢飲有嘢食,好多新菜式,除咗好襯船梨精嘅班戟之外,仲見到爛面版嘅沙律拼盤‥‥‥同埋刨冰?

Read more ›