Tag: 2013

聖誕老人玩鯊魚 東京水族館有新意

又嚟聖誕老人!今次呢個有新意,出沒地點係東京池袋嘅「サンシャイン水族館」(Sunshine Aquarium),人哋聖誕老人騎雪鹿佢就騎鯊魚,好有霸氣!呢個水族館12月份嘅特備節目,參觀者可以睇倒著蛙鞋戴潛水鏡嘅聖誕老人,點樣喺水底餵魚餵烏龜。咁好睇,自然吸引咗大量日本網民影相放上Twitter分享。不過我最想知係聖誕老人嘅白鬍鬚點解可以黏得咁實‥‥‥

Read more ›

新片速報 Google總結2013年搜尋趨勢

Google真係Google,新片放上YouTube兩日時間已經過百萬views,而且肯定無篤數(啩)。今次總結返2013年全球搜尋趨勢,影片入面有南非總統曼德拉、碧咸,連台灣蘋果動新聞劈炮嘅跳舞女,同埋勇救葛咸城嘅蝙蝠俠小朋友都有份。有口痕友問Google同啲片有乜關係,唔,咁YouTube都係Google架嘛。另外入嚟有得試玩名為Trends Globe嘅Google網站,可以睇倒世界各地每一日最多人搜尋嘅題材,不過我一入去就自動設定咗我喺廣州,點解呢?

Read more ›

新片速報 300套電影回顧 剪輯成7分鐘短片

年尾流流又到總結時間,自問係電影迷嘅你要睇吓呢條新片,一次過剪輯晒超過300套2013年上映嘅電影trailer,淨係條片都有7分鐘長,由網友Gen Ip炮製,好有心機。我發現原來今年自己都睇咗好多套戲,有無邊套係你嘅心水?

Read more ›

新片速報 新西蘭航空 空姐機長變《哈比人》

新一集《哈比人》12月12日香港上映,聖誕檔必睇!未有戲睇之前可以睇吓新西蘭航空嘅全新廣告片,食正哈比人熱潮,廣告一開始就見倒機長變咗大腳掌著唔倒鞋,靚靚空姐又有對尖耳好嬌俏喎,原來佢哋係搭乘去中土Middle -Earth嘅新航班。條片無論特技、配樂、演員都好正,仲有Dean O’Gorman客串。好喇睇完條片,其實佢想賣啲乜?原來係睇完片答問題,參加抽獎贏機票酒店、電影哈比人嘅戲飛或者去參觀哈比人景點,見你咁有誠意,即管參加吓啦。

Read more ›

騎呢聖誕Barbie 靚女變雪鹿

距離聖誕節仲有一個月,有無諗過Barbie聖誕去蒲會著成點?英國設計師Stephen Jones最近設計咗一套五款嘅Barbie聖誕套裝,相當驚嚇!例如將佢變成一棵聖誕樹、水晶玻璃球,甚至係頭頂生角嘅雪鹿!老老實實,你係咪同Barbie有仇?呢幾個古怪聖誕Barbie喺倫敦大型百貨公司Selfridges有售,仲要港幣$2500一隻,嘩,多謝曬。

Read more ›

雪櫃磁石 提醒你食物到期日

健康嘅嘢我睇得好淡,炸雞、薯條呢啲嘢好難避免嘅,不過過期食物我就點都唔會食。有無試過雪櫃食物過晒期被迫要掉咗去?呢款雪櫃專用磁石好實用,有掃描QR Code功能,記低每樣嘢嘅到期日,再將磁石貼喺雪櫃面,當食物就快過期佢就會變色提示你。咁實用唔怪得之可以捧走2013 Red Dot設計大獎,可惜仲未量產,同埋我雪櫃有好多零食‥‥‥

Read more ›

新片速報 美國cosplay巨型圖集 美女遊街 Jessica Nigri化身眼鏡娘

啱啱過去嘅周末所有美國cosplayer都好忙,因為西雅圖嘅Pax Prime同埋亞特蘭大嘅DragonCon同時舉行,後者仲有最出名嘅cosplayer遊街環節,有睇開報導都知,外國cosplayer出名身裁好,但個樣唔襟老,不過今次有大量令人眼前一亮嘅model級cosplayer,除咗靚女,仲有好多超認真cosplayer,連捉鬼敢死隊都有團隊cos,睇見都開心。入嚟有得睇我哋精選嘅40幾張相,最開心係比我見倒熟悉嘅Jessica Nigri,好有親切感!

Read more ›

2013動漫節──Cosplayer相集

擒日動漫節,身邊不乏阿爸阿媽拖住十歲八歲子女一家大小進場,而我,已不下三次聽到啲父母對奇裝異服嘅Cosplayer指指點點。

Read more ›

2013動漫節──朗尼、傑斯Figure超像真

數逼爆攤位,有排都未數到Zcwo,但一個二個飾櫃,卻圍住大班龍友左閃右閃,無他,因為佢出產嘅1:6珍藏Action figure真係超像真。

Read more ›
2013動漫節──天下攤位現人龍

2013動漫節──天下攤位現人龍

馬Sir完結《風雲》,連報紙都大肆報導,或者因為咁,今年天下推出嘅動漫節精品,特別受Fans歡迎,攤位長期出現人龍。

Read more ›

2013動漫節──睇黃玉郎舊作珍藏

玉皇朝攤位佔地好大,搞咗個「黃玉郎作品金禧大展」,今年係黃玉郎作畫五十周年紀念,展覽展出好多六七八十年代珍貴公仔書封面,講歷史,分分鐘大過你。

Read more ›

2013動漫節──唔好Miss漫人偶匠

我無本網站編輯苦茶咁神通廣大,可以早一晚漏夜鼠入會場,惟有靠自己排隊啦。傳媒都要排隊?係,雖則我有Pass理論上可以免費入場,但一樣要排隊。

Read more ›

25吋最巨METROPLEX殺到 《中華英雄》8.22出書送赤劍

  變形金剛中最巨嘅METROPLEX嚟咗動漫電玩節, 足25吋高, 係暫時使上最大隻變型金剛! 據知孩之寶嗰邊為咗隆重其事, 仲喺頭部同腿部加咗電鍍位, 跟機仲送博狂兩派12角色公仔, 都算落足本! 至於其他展覽攤位方面, SUPER ALLOY 1:6 Figure好搶眼! Hot Toys照舊係人氣王, 不過見佢成9點幾都仲係俾各間傳媒夾住影相, 相信通頂整都臨開場一刻, 都應該走唔甩!

Read more ›

新片速報 Google示範母親節冧媽短片 / 專頁教路

仲有幾日就到母親節,諗定同母親大人去邊度慶祝未?Google最新upload咗段Youtube短片,教各位科技兒女將出世以至成長片段剪輯成一段「Here’s to the Mom」短片氹媽咪開心,跟手仲開咗個專頁教你孝順招式,包括用hangouts同佢視像保持聯絡、Youtube拍溫馨短片、用Google Map搜尋花店、仲可以加媽咪入Google+朋友圈拉近距離,有時,送禮唔一定要貴嘅。

Read more ›

日本女体曆 365個靚女陪倒數

    有無人屋企仲用緊日曆?我指嘅係每日撕一張嗰款傳統日曆。如果用緊,係時候轉用呢款「女体曆」,令你一年365日過得更加驚喜。最近日本網站好多人討論「女体曆」,所謂「女体曆」,即係將每日嘅日子塗上女性身體,再透過鏡頭特寫。可惜暫時只得搵到以前嘅女体曆相片,2013?我會繼續努力搵,到時再滙報比大家。

Read more ›