Post Tagged with: "15歲"

【有片】15歲繪畫小神童 專畫動物全部比例記入腦
by / on 22/06/2018 at 7:26 am

【有片】15歲繪畫小神童 專畫動物全部比例記入腦

15歲嘅時候你做緊啲咩?塞爾維亞呢個小神童Dušan Krtolica已經開咗6個展覽。佢由2歲開始揸筆畫畫,強項係畫動物,而且係唔需要對住張相就畫到,因為佢話所有嘢都記咗喺佢個腦入面,而且每隻動物嘅比例同姿勢都正確,好勁。而家每日佢都會花幾個鐘畫畫,由野生動物到絕種咗嘅恐龍都有,佢之前仲畫過百科全書,入嚟有回帶。

Read more ›

【有片】木村拓哉15歲囡囡曝光    超強基因登日版《ELLE》封面
by / on 28/05/2018 at 8:18 am

【有片】木村拓哉15歲囡囡曝光 超強基因登日版《ELLE》封面

呢兩日日本Twitter超多人講嘅話題係木村拓哉嘅次女木村光希,最近佢上咗日本版《ELLE》嘅雜誌封面,擁有木村同工藤靜香嘅超強遺傳基因,15歲女已經170cm高,個樣靚得嚟仲好有個性,膚色黑黑哋嘅佢,某啲角度的確幾似木村,有啲位又似阿媽,有人話眼似爸爸口似媽媽,入嚟有多啲相睇。

Read more ›
【相集】日本酒屋15歲「看板貓」 每朝巡舖最叻瞓晏覺
by / on 10/07/2017 at 7:13 am

【相集】日本酒屋15歲「看板貓」 每朝巡舖最叻瞓晏覺

呢隻日本喵星人「みーちゃん」好可愛,已經15歲嘅佢係一間酒屋嘅「看板貓」,每朝10點開工,主要工作都係巡吓舖同瞓吓晏覺。間酒屋位於東京嘅浜田山,店名叫「伊勢屋商店」,去開附近可以採吓佢呀。BTW,呢個專影日本店舖貓嘅專題「パブリックキャット」喺日本網TimeOut有得睇,而家已經去到第34回,每張相都好高質,真心推介。

Read more ›
【寫真】15歲Angelina Jolie寫真首次曝光 攝影師:「我以為佢18歲」
by / on 10/06/2016 at 7:14 am

【寫真】15歲Angelina Jolie寫真首次曝光 攝影師:「我以為佢18歲」

  女神呢個字用到濫,不過用喺Angelina Jolie身上係夾嘅。呢位又靚又性感又有愛心嘅女星,啱啱過咗佢嘅41歲生日,仲公開咗一輯佢15歲時影嘅寫真。輯相由著名攝影師Harry Langdo操刀,當時佢以為Angelina已經18歲。咁睇返啲相,的確好難相信佢當年只得15歲,鬼妹的確係生得比較成熟,入嚟有得慢慢欣賞。

Read more ›
新片速報 180度擰轉頭 印度「彈性王」技驚四座
by / on 26/03/2015 at 7:13 am

新片速報 180度擰轉頭 印度「彈性王」技驚四座

  印度人肢體似乎特別柔軟,好似《街霸》嘅Yoga Fire印度佬,手長腳長仲識噴火,今次呢個印度嘅15歲小朋友Jaspreet Singh Kalra仲勁,居然可以將個頭調轉180度!唔止個頭喎,連膊頭都可以360度旋轉,變形金剛柯柏文都係咁樣變架車出嚟咋!佢被譽為全世界軟柔度最高嘅人類,勁到電視台都訪問佢,外國傳媒都介紹佢,佢啲friend仲幫佢改咗個好無霸氣嘅名「Rubber Boy」,不過佢就好謙話想以破Daniel Browning Smith嘅記錄為目標。而我呢,最唔抵得係佢飲可能都180度調轉個頭飲,型到呢,你睇吓啲同學仔個樣幾羨慕?

Read more ›
女神崩壞   橋本環奈素顏嘟嘴相   嚇親網民
by / on 15/01/2015 at 7:17 am

女神崩壞 橋本環奈素顏嘟嘴相 嚇親網民

條題係有啲嘩眾取寵,其實,女神都係人,都有狀態差嘅時候,講緊係呢個被譽為日本千年一見嘅15歲女神橋本環奈,最近日本有網民就放咗佢咗佢嘅素顏嘟嘴相上網,的確同平時有啲差別,黑眼圈勁咗少少,之後有人就拎17歲嘅童星福原遙同佢做比較,個人認為福原遙清純啲商業味無咁重,不過講標緻,都係橋本環奈生得靚啲,你點睇?

Read more ›

有片    15歲神童玩stop motion     經典電影 LEGO化
by / on 20/10/2014 at 7:10 am

有片 15歲神童玩stop motion 經典電影 LEGO化

唔係最新不過啱啱先睇到,呢位只得15歲嘅Morgan Spence,由細到大好鐘意玩LEGO,仲識用LEGO整成stop motion動畫,所有片都放喺自己嘅YouTube頻道Morgspenny Productions,好受歡迎。最新作品就係將多套經典電影LEGO變成Stop Motion影片,電影包括《鐵達尼號》、《少年Pi的奇幻漂流》、《E.T.外星人》、《危險人物》等等,雖然每套電影得幾秒stop motion,不過要砌晒所有道具主角一啲都唔易,佩服。

Read more ›