幻想力作武器 支持本地創作《方盒少年》

利申,我係唔識13013134嘅,只係偶然瀏覽面書知道此君存在,佢喺面書咁話:「本人畫了50頁漫畫參加了一個漫畫比賽,可以的,入去比多個Like支持下。」漫畫故事叫《方盒少年》,而參加乜嘢比賽,我無興趣知,我有興趣嘅係故事本身──講香港政府有種刑罰叫「方盒洗腦」,專用嚟對付反政府人士,反政府軍成員杜哲平喺深水埗俾異能指揮官鬼燈活捉,女朋友夢貝兒避走北帝廟,偶遇糟老頭方俠,方俠係唯一能夠保留心智嘅異能人,報應幫拖救人,但條件係要夢貝兒嫁俾佢,絕招係結界,武器係幻想力……唔多劇透嘞,一句到尾公仔畫得唔錯,分鏡成熟,故事有趣有追看性,係值得大家花十分八分鐘時間睇到尾嘅。成日口口聲聲話支持本地創作嘅你,有必要睇,我話嘅。

Read more ›