Post Tagged with: "1:1"

【新片速報】日本媽咪1:1紙牌測試    防止1歲兒爆喊
by / on 09/12/2019 at 7:59 am

【新片速報】日本媽咪1:1紙牌測試 防止1歲兒爆喊

小朋友見少媽咪一陣都會喊,好似日本呢位1歲嘅痴身小朋友,為咗防止佢爆喊,屋企人諗到整呢個1比1等身高嘅媽咪紙牌楝喺屋企,效果超正!仲有站立同坐低兩款,睇落好和諧,小朋友無爆喊,樓主話最終維持到20分鐘,入嚟有片睇。

Read more ›

日本1:1薯片扭蛋 一式六款仲有經典蝦條
by / on 10/09/2019 at 7:44 am

日本1:1薯片扭蛋 一式六款仲有經典蝦條

唔講唔覺,原來呢款T-ARTS出嘅薯片扭蛋已經嚟到第6彈!今次推出6個款式,照舊都係1:1呎吋嘅薯片一塊,今次仲有埋蝦條同埋沙律味薯條,我最想抽中係芝士味Pizza薯片,一粒粒芝士喺薯片面層,睇見都想食!

Read more ›
日本官方《一拳超人》埼玉cosplay服 1:1等身高有埋頭套
by / on 09/04/2019 at 8:30 am

日本官方《一拳超人》埼玉cosplay服 1:1等身高有埋頭套

有無曾經喺夜深人靜時想過cosplay一拳超人嘅埼玉?機會嚟嘞,日本Cospa旗下嘅trantrip最近公佈推出埼玉嘅cosplay套裝,身長165-175cm,有齊黃色緊身衣、披風、紅手套、長靴、皮帶,不過最正係有埋個肉色頭套,唔駛剃頭都可以扮光頭,雖然膠啲。預計8月中發售,連稅售價14904円,如果真係想買入嚟有link。

Read more ›
日本超勁1:1等身高悟空   「全紙製」Twitter熱傳
by / on 25/09/2018 at 9:04 am

日本超勁1:1等身高悟空 「全紙製」Twitter熱傳

勁喎!日本有網民分享咗呢件作品,佢嘅uncle整咗個1:1等身高嘅悟空,仲要係戰損版,仲要係全部用紙製作!由於太勁,佢忍唔住放上Twitter分享,網民睇完都覺得好震驚,仲話好想要一個擺喺屋企。不過紙製嘅話保存力就弱啲,如果放喺香港,應該超級撒亞人悟空都會倒下。

Read more ›
新片速報 新作登場!《Rockman 11》下年推出
by / on 05/12/2017 at 6:36 am

新片速報 新作登場!《Rockman 11》下年推出

之前稻船敬二開發嗰隻反應麻麻,咁大家係咪都期待正統《Rockman(Mega Man)》有新作?有喇!第一作喺1987年12月17日,喺呢個就快30周年嘅日子,Capcom宣佈將會推出《Rockman 11》正統系列新作!靚背景,多裝備變化,吸引到爆!睇番第10集,原來已經係2010年3月1日出咯。遊戲會有PS4/Xbox One/Switch/PC版本,下年推出。

Read more ›
【I Am Your Son】木工爹哋製作1:1仔仔木雕    黑武士淪陷
by / on 17/05/2017 at 7:39 am

【I Am Your Son】木工爹哋製作1:1仔仔木雕 黑武士淪陷

外國嘅爹哋似乎特別多才多藝,呢位Dan Lefebvre精通雕刻,最近佢就跟住佢4歲仔仔嘅身體,雕咗個1:1嘅木像出嚟,但係點解係黑武士嘅樣呢?原來佢個仔好鍾意星戰,屋企仲有個黑武士面罩俾佢戴嚟玩,所以就有咁嘅概念嘞。不過堂堂一個黑武士,變咗小朋友身,仲要踎喺度,真係一啲霸氣都無。

Read more ›

日本推出1:1純金黑武士頭像 開價1億5400萬円!
by / on 26/04/2017 at 7:55 am

日本推出1:1純金黑武士頭像 開價1億5400萬円!

今年係《星球大戰》40周年,都預咗迪士尼會推出大量精品,不過估唔到咁誇張,竟然同日本嘅珠寶公司GINZA TANAKA合作,推出呢個1:1純金製黑武士頭像!最勁係個售價,賣1億5400萬円!即係超過港幣1千萬,究竟有咩人可以買到?啱啱喺日本舉行咗發佈會,睇相見到個頭像大個人頭,隻金仲發晒光好搶眼。另外仲推出限量77套嘅「 40周年記念 純金製小判額」紀念金幣,三款金幣,每款都雙面印製,價錢當然都係勁嘅,一套賣122萬5千円,為返港紙10萬蚊唔駛。全部都係5月4日星戰日發售,入嚟有得慢慢研究開吓眼界。

Read more ›
日本網民自製1:1「林寶」冰雪超跑      20小時製作像真度高
by / on 19/12/2016 at 7:18 am

日本網民自製1:1「林寶」冰雪超跑 20小時製作像真度高

日本持續落大雪,又係玩雪嘅時候嘞。有日本網民用咗20小時,用冰雪砌咗架1:1嘅林寶堅尼出嚟,放上Twitter後好多人RT。佢喺製作前畫晒草圖超認真,仲專登揀咗喺間學校園外嘅空地製作。佢仲放埋製作期間嘅花絮相上Twitter。講真,整咁大架車要計得準比例已經好難,仲要忍受住寒到入骨嘅天氣,少啲耐力都唔掂。

Read more ›
1:1等身高攬枕條裙可揭起 網民:「變態!變態!變態!」
by / on 05/09/2016 at 7:14 am

1:1等身高攬枕條裙可揭起 網民:「變態!變態!變態!」

1:1等身高攬枕係居家必備,不過可能大家嫌2D印刷太平面,最近有日本網民分享咗佢嘅私家珍藏,《ネトゲの嫁は女の子じゃないと思った 》攬枕著住嘅禮服居然可以揭起甚至卸除,好3D!網民留言就話:「感覺怪怪哋」、「一定要做個可以配置Tenga嘅」、「變態!變態!變態!」大家點睇?

Read more ›
【網購】Amazon訂真車竟然有1:1紙箱 日本網民狂RT
by / on 28/08/2016 at 11:17 am

【網購】Amazon訂真車竟然有1:1紙箱 日本網民狂RT

Amazon乜都有得買,包括車。估唔到有人真係喺Amazon訂車,更加估唔到係Amazon真係有咁大嘅紙箱裝住架真車。有日本網民放咗呢幾張連環圖上Twitter,吸引好多人轉發討論。不過勁還勁,唔少人就話咁大個紙箱好唔環保,唔知會唔會循環再用呢?

Read more ›
【變態之國】日本1:1巨乳滑鼠墊 等身大超立體C90有得買
by / on 08/08/2016 at 7:13 am

【變態之國】日本1:1巨乳滑鼠墊 等身大超立體C90有得買

人類已經阻止唔到日本人嘅瘋狂創意。之前大家都見識過巨乳滑鼠墊,最近有公司就諗到推出1比1等身大嘅立體版本,全長146厘米,由頭部至到胸部,8月12日至13日喺Comic Market 90嘅MEDICOS展位有得買,角色係《ネトゲの嫁は女の子じゃないと思った?》嘅アコ。日本2ch網民熱烈討論,大家都話佢已經失去咗做滑鼠墊嘅意義,仲話日本已經成為變態之國‥‥‥

Read more ›

【唔食得】日本薯片1:1超像真扭蛋 1式8款波浪紋都有
by / on 08/06/2016 at 7:12 am

【唔食得】日本薯片1:1超像真扭蛋 1式8款波浪紋都有

日本嘅扭蛋出名古怪,薯片扭蛋都算係其中一種嘞!之前Takara Tomy都同Calbee合作出過,最近エール又宣佈推出1式8款嘅薯片扭蛋,有鹽味、清湯味、紫菜味,連波浪紋薯片都有!而且1:1超像真,掛喺身得閒拎用嚟呃吓人都好玩。預計9月推出,每扭一次200円。我最想要都係波浪紋,因為睇落最好味。

Read more ›
【真老友】老婆唔俾去旅行 老友印製1:1紙牌帶佢落夜店
by / on 19/04/2016 at 7:13 am

【真老友】老婆唔俾去旅行 老友印製1:1紙牌帶佢落夜店

乜嘢叫做真‧老友?為咗幫朋友慶生,外國呢班男士組隊去旅行,本來五個小生去旅行,點知其中一個成員Kevin婉拒咗,理由係怕老婆鬧。但係班老友無輕易放棄,反而印咗張Kevin嘅一比一等身紙牌,帶埋佢一齊去玩!其間佢哋又踢波又食嘢,仲去埋夜店蒲,Kevin仲俾囡囡圍‥‥‥輯相放上網後好快被瘋傳,但係Kevin睇到之後一啲都無感激班老友,反而覺得受到傷害,佢解釋話去唔到係因為第二個小朋友啱啱出咗世,想陪吓屋企人同埋慳啲錢佢選擇留喺屋企。網民笑完佢之後都想幫呢班好朋友緩和吓氣氛,有人將Kevin個樣key成Minions,希望佢睇完無咁嬲。其實佢嬲係咪因為自己無得去蒲‥‥‥?

Read more ›
【型在細節】日本AQUA黑武士1:1雪櫃 只可以雪一罐汽水
by / on 09/11/2015 at 7:12 am

【型在細節】日本AQUA黑武士1:1雪櫃 只可以雪一罐汽水

仲有1個月多啲,12月17日就可以睇到《Star Wars VII The Force Awakens》,不過電影未出,fans嘅錢都已經吸到差唔多乾晒。新產品出完又出,今次呢個係日本電器品牌AQUA推出嘅1:1黑武士迷你冰箱,個樣無乜特別,都係黑武士頭盔,但型在入面只可以雪一罐汽水。方法就係拎起黑武士個頭,汽水就收埋喺佢嘅頸部位置,每次打開仲有聲效,係咪勁?不過講實用度可以話係近乎零,相信只有真心而又有錢嘅fans先會買,12月20日發售,開價42,984円,即係港幣2800蚊左右,唔平。補充一句,AQUA即係之前公佈咗出R2-D2識得郁嘅迷你雪櫃嗰間公司,R2-D2仲貴,賣998,000円,接近港幣7萬,真係要好有閒錢先買得起。

Read more ›
泰國神人神作 1:1絲模版變形俠醫
by / on 08/10/2014 at 4:05 pm

泰國神人神作 1:1絲模版變形俠醫

我一直都知泰國人整嘅螺絲鐵皮公仔好勁抽, 不過見到Ban-Hun-Lek製作嘅呢件, 我都真係嚇咗一嚇, 1:1變形俠醫, 幾個身位外, 真係真假難辨, 原來成個身都係用六角形絲模所造, 真係點得佢做出咁順滑嘅肌肉紋理呢吓!? 而且個表情仲要咁真!

Read more ›