fbpx

Tag: 龍蝦

春夏潮流「龍蝦小手袋」 Kate Spade出品Twitter熱傳

春夏潮流「龍蝦小手袋」 Kate Spade出品Twitter熱傳

Fashion嘅嘢,大家都係唔明架喇。最近日本網民熱傳呢個龍蝦手袋,紐約品牌Kate Spade出品,日本賣61560円,即係4千零蚊港紙左右,就可以令你成為眾人嘅焦點,側揹喺身好霸氣,好想Tag前特首夫人叫佢買返個。

Read more ›

【你真識食】日本喵星人怒食龍蝦 大力咬表情勁肉緊

【你真識食】日本喵星人怒食龍蝦 大力咬表情勁肉緊

喵星人天不怕地不怕,最怕係無嘢俾佢玩。最近日本網民放咗呢張相上Twitter,佢隻喵喺屋企見到隻龍蝦,主人都未食佢就搶先開餐,首先用手撳吓個蝦頭,見無反應就出口咬,睇相見佢好肉緊咁咬住條龍蝦鬚就想笑。龍蝦笨唔係咁食架!

Read more ›
【餓嗎?】上海Pizza Hut推出龍蝦Pizza 連殼上盡顯霸氣

【餓嗎?】上海Pizza Hut推出龍蝦Pizza 連殼上盡顯霸氣

幻覺嚟唧,呃我唔倒嘅,呢兩日外國好多網站都有報導,上海Pizza Hut專為新年推出咗呢款龍蝦Pizza,勁在龍蝦連殼上,夠霸氣附合國情,但咁樣分開食,為咩呢?每個賣人仔98蚊,pizza有煙肉、蘑菇、露筍、紅椒、蝦同龍蝦汁,仲有半隻龍蝦殼,唔知龍蝦入面有無肉?嗌返嚟之後點分?BTW,外國仲有人順便講起同外賣pizza有關嘅都市傳說,話有個外國人飲咗酒之後嗌咗pizza,到貨後發現個pizza得餅無餡料,之後打落餐廳發爛渣狂鬧……最後發現原來係佢飲醉酒,將個pizza盒倒轉咗打開‥‥‥

Read more ›
【無限商機】新片速報 聰明狗狗潛入水底 活捉龍蝦無難度

【無限商機】新片速報 聰明狗狗潛入水底 活捉龍蝦無難度

狗係好聰明嘅動物,訓練得好佢仲可以幫人類搵食添!好似呢隻狗狗Lila就學識咗潛入水底活捉龍蝦,睇片見佢快而準,好勁!訓練佢嘅trainer叫Alex Schulze,係慈善團體Devoted To The Ocean嘅職員,今次用另類嘅方式拍片吸引大家關注呢個團體。不過話時話,識活捉龍蝦,而且快而準嘅絕技,的確無限商機喎。

Read more ›
網圖分享:白衣厲鬼摑龍蝦 港漫人作畫靚抽

網圖分享:白衣厲鬼摑龍蝦 港漫人作畫靚抽

  呢兩日鬧得最沸沸揚揚嘅新聞,一定係萬聖節白衣厲鬼怒摑龍蝦,花生友固然當鬧劇咁睇,本地漫畫人孫威軍、Cuson、阿Cheap、DDED、爵爵&貓叔、Hello Wong、賤人新世紀亦群起出手作畫,抽到大西洋都乾。鍾意嘅記得入去佢哋facebook讚一讚!

Read more ›
新片速報:惡搞歌詞 龍小菌寸爆人形龍蝦

新片速報:惡搞歌詞 龍小菌寸爆人形龍蝦

  認真喎,我講緊嘅係唱功,龍小菌好認真唱呢首《龍蝦》自稱好聽版,個Beat準就應份,難得要高音有高音,要嗌有嗌無話走音,粒粒咬字亦異常清晰。咁當然,最過癮一定係啲惡搞歌詞,生動啜核又押到韻。家陣人形龍蝦出沒,CY老婆擺明嬲打,龍小菌完全唱出我心聲,抵畀十個Like佢,抄埋歌詞畀你一齊唱!掌聲鼓勵鼓勵!

Read more ›

新片速報    巨型龍蝦叔見家長   70歲重11.5磅

新片速報 巨型龍蝦叔見家長 70歲重11.5磅

睇見呢隻超巨型龍蝦,我覺得好肚餓。呢隻龍蝦足足有成11.5磅重,而且年紀好大,有成60-70歲,好誇張。今次係由勁鍾意潛水嘅生物學家Forrest Galante喺加洲Anacapa Island搵倒佢,佢唔捨得即刻放返隻龍蝦落水,於是帶咗隻龍蝦返屋企見吓自己屋企人同埋屋企隻狗,再諗吓食唔食好,同屋企人商量之後,最後都係決定放返佢入海,唔,好嘥!

Read more ›
日本Muveil龍蝦手袋 潮流嘅嘢你識條蝦咩?

日本Muveil龍蝦手袋 潮流嘅嘢你識條蝦咩?

記得之前日本都出過龍蝦造型嘅手機殼,如果襯埋呢個手袋就真係冇得輸。呢個Muveil推出嘅龍蝦手袋,用牛皮製造,個肚有條拉鏈俾你打開,賣50,400 yen,嗚。潮人天地門檻好高。

Read more ›
龍蝦電單車模型    霸氣盡現

龍蝦電單車模型 霸氣盡現

打定底,唔係新聞但我啱啱先睇倒。呢位台灣廚師黃銘波好慳儉,食完嘅龍蝦殼佢唔係拎去煲湯,而係攞去參展,因為佢用所有殼整咗架電單車模型!呢架型爆電單車仲去埋大陸福福州美食展展出,最近吸引埋外國傳媒報導,老實,真係幾靚幾有霸氣,不過望住佢我好肚餓。

Read more ›
浮誇無極限  龍蝦iPhone殼

浮誇無極限 龍蝦iPhone殼

邊個話iPhone殼一定要又薄又輕?墨爾本設計師Noddy Boffin向Dali大師當年嘅龍蝦電話致敬,設計咗呢款龍蝦iPhone殼,特色係會阻住你個影相位、令你尷尬、放唔倒入褲袋手袋、唔啱手型、唔食得落肚,功能多不勝數,所以佢仲未正式量產。不過其實我好欣賞佢嘅浮誇,你貪快貪新鮮第一日就貴價買部iPhone5返嚟用,無非都係想人望多兩眼唧!係咪?

Read more ›