fbpx

Tag: 龍虎三皇

網圖分享:蛋散版龍虎三皇

網圖分享:蛋散版龍虎三皇

坊間勁傳《新著龍虎門》再次易手,仲話未來揸旗者係鄺彬強,一日未Sure都繼續買定花生半噸喇。張君豪好快手,來了一個蛋散版龍虎三皇,畫得好過癮,好正。

Read more ›

《新著龍虎門》動漫節1100期精品特別企劃

《新著龍虎門》動漫節1100期精品特別企劃

感覺上有關方面好似無乜特別宣傳,但今年動漫節《新著龍虎門》都搞咗個1100期精品特別企劃,叫做湊吓熱鬧咁喇。產品有四,一,《新著龍虎門》1100期紀念畫板,一套四款每張$50;二,《新著龍虎門》1100期紀念100%純棉毛巾,$30;三,龍虎三皇小型紀念畫板,一套三張$150;四,《新著龍虎門》1100期紀念福袋,$580。唔知大家點睇喇,但As一個《龍虎門》死忠,對我嚟講都有一定吸引力。

Read more ›
網圖分享:梁偉家的龍虎三皇

網圖分享:梁偉家的龍虎三皇

呢期一街都係《龍虎門》,梁偉家都唔執輸,拎番N年前舊作出嚟,掟上面書公諸同好。我覺得呢幅龍虎三皇幾特別,罕有地以王小龍做主角,王小虎同石黑龍靠邊站;And,三皇用黑線,龍、虎同蠍子用紅線,原來紅色撞黑色可以咁搶眼,讚。

Read more ›
《正宗小流氓封面畫集》三版本有早書 石黑龍版送書簽

《正宗小流氓封面畫集》三版本有早書 石黑龍版送書簽

「收藏家港漫專區」剛剛出咗Post,黃玉郎《正宗小流氓封面畫集》有早書嘞。龍虎三皇分佔三個版本封面,一字排開又真係幾有氣勢。留意番,石黑龍封面屬「收藏家港漫專區」獨家發售,隨書附送石黑龍書簽一張。三個版本都係賣$48,聽日又要出旺角走一趟了。

Read more ›
網圖分享:右貓的龍虎三皇I字平衡

網圖分享:右貓的龍虎三皇I字平衡

呢排Twitter唔知點解興起I字平衡,由初初Post真人相,到有網友用模型或Figure擺Pose代替之,到家陣輪到大量畫作洗版。插畫家右貓都跟跟風,畫咗幅龍虎三皇贈興,但見王小虎出一招朝天腳,跌晒膊咁都不知幾可愛,後面嘅石黑龍同王小龍就做緊熱身。佢仲好好心機地摷番《新著龍虎門前傳火雲邪神》第10期封面出嚟,封面裡面嘅勇哥都係做緊I字平衡,應該係出緊霸腿一式「一將功成萬古枯」。

Read more ›
牛佬自爆生死一線間 李浩東去龍虎門酒家講數

牛佬自爆生死一線間 李浩東去龍虎門酒家講數

事忙,搞到今日先有時間靜靜哋坐低睇《勝利人生李浩東》第2期,今期我係先睇專欄嘅,因為想知牛佬身體狀況。據專欄透露,原來佢前後入院兩次,嚴重到要即刻做開肚手術,之後要接受深切治療,佢形容自己情況係「生死一線間」。噓,依家無事無幹出番嚟,就唔該好好保重身體咯,牛佬唔該聽話,扯少兩飛煙喇。另,今期故事都係介紹登場人物同江湖勢力分佈為主,節奏算明快,驚喜位在老虎幫同蛇頭幫講數地點居然係──龍虎門酒家。哈哈,唔知下期會唔會有疑似龍虎三皇呀、王風雷呀等《龍虎門》角色出場做侍應呢?又或,玉兒企酒家門口做知客?呵呵。

Read more ›

鄺志德報料 動漫節出《新著王風雷》

鄺志德報料 動漫節出《新著王風雷》

真的很開心,港漫界好耐都未試過咁熱鬧喇,嚟緊又多一本公仔書睇喇。鄺志德分別喺今期第1051期《新著龍虎門》同面書賣廣告,話7月動漫節將會推出《新著王風雷》,屬外傳性質。都啱數嘅,龍虎群英中,除三皇外最受歡迎角色一定係頭髮永遠豎起嘅邪拳小魔王,今次仲要玩穿越橋添,王風雷揸住戰機返到日本慶長三年,聽落都幾有新鮮感,拭目以待。

Read more ›
網圖分享:Pariz Wong的Q版龍虎三皇

網圖分享:Pariz Wong的Q版龍虎三皇

《龍虎門》深入民心,所以唔少港漫迷都臨摹過書中角色自娛,但鮮有如面書朋友仔Pariz Wong咁,女仔一個都咁鍾意龍虎三皇,仲畫得鬼咁Cutie添。佢本身有畫開自創角色大頭靜,今次就將三皇大頭靜化,而三者之中,我最Like王小龍,回眸,拎住打狗棒蘿柚兀兀咁,好得意呀喂。

Read more ›
網圖分享:Yeak Looi的《新著龍虎門》角色

網圖分享:Yeak Looi的《新著龍虎門》角色

唔使審,Yeak Looi肯肯定係《新著龍虎門》死忠Fans,其無相神功已臻化境,畫乜似乜。喺2019年底,佢一口氣畫咗龍虎三皇、王風雷同韋陀5個角色,幅幅都好有神髓。我最鍾意韋陀嗰幅,肢體動作流暢、衫花畫得好仔細,雖然係黑白鉛筆畫,但氣勢依然,如果表情可以畫得再兇狠啲,會更加正。

Read more ›
網圖分享:Cuson的龍虎三皇四格漫畫

網圖分享:Cuson的龍虎三皇四格漫畫

有無畫過呢?唔Sure,但印象中真係好似無,剛剛瀏覽Cuson面書,終於睇到佢畫嘅龍虎三皇四格漫畫。Q版畫風,面相好萌,古仔講王小虎同火雲邪神隻揪,正邪兩方陣營各自打氣,如此肉緊係因為……落咗重注,一場生死鬥變成賭博工具。著實正呀喂,值得掌聲鼓勵兼畀Like。

Read more ›
網圖分享:Milk DoNg的地獄版龍虎三皇

網圖分享:Milk DoNg的地獄版龍虎三皇

雖則唔明面書朋友仔Milk DoNg點解咁話:「如無意外…應該係最後一次畫呢三隻嘢。」但佢口中嘅呢三隻嘢確實係破格之作,印象中未見過,甚至諗都未諗過原來可以咁玩法──將王小虎變成閻王、王小龍變成馬面、石黑龍變成牛頭──嗯……咁仲唔係地獄版龍虎三皇?

Read more ›

網圖分享:卓翹的著色版女人化龍虎三皇

網圖分享:卓翹的著色版女人化龍虎三皇

咁快手!抵讚!話說早三兩日前,面書朋友仔卓翹畫咗三幅女人化龍虎三皇,齋勾線未著色;到今日,上色版本極速出籠喇。齋黑白嗰陣,我覺得石黑龍最正,家陣上咗色,我覺得王小虎正啲喎,唔知大家點睇?不過點睇都好,總之就係好睇,畫多啲畫多啲,加油!

Read more ›
網圖分享:卓翹的女人化龍虎三皇

網圖分享:卓翹的女人化龍虎三皇

唔玩無相神功,絕對係二次創作,面書朋友仔卓翹好有心機,作畫三幅將龍虎三皇女人化,各有所屬嘅龍、虎同蠍子襯底,咁心口當然畫埋星星、閃電同蠍子圖案喇。暫時只係勾咗線,只得黑白,非常期待上埋色。努力,加油。

Read more ›
網圖分享:Alex Lee Alex的元祖版龍虎三皇

網圖分享:Alex Lee Alex的元祖版龍虎三皇

好畫欣賞時間到,我諗大家要畀個Like阿Alex Lee Alex兄,佢畫嘅《龍虎門》三皇真係無得頂,雖則只屬「無相神功」,但臨摹技巧確實發揮得淋漓盡致,唔知仲以為係八九十年代公仔書送畀讀者嘅主筆印畫,最新一幅「霹靂狂龍」我直頭睇到拍爛手掌,港漫元祖味濃到化不開。唔好停,畫多啲,加油!

Read more ›
何志文畫興大發 龍虎三皇靚爆

何志文畫興大發 龍虎三皇靚爆

從來都Buy何志文嘅畫風,尤其鍾意佢勾嘅面相,想當年《絕世無雙》我有跟到尾架。家陣佢雖然無單行本作品推出,但都有Keep住練畫,呢三幅龍虎三皇,夠靚爆啩?

Read more ›