1989年10月18日放送嘅《龍珠Z》(ドラゴンボールZ)第23話「ヤムチャ死す!おそるべしサイバイマン」……當年其實唔算好大件事，只係悟飯阿爸……唔係，係阿樂被培植人自爆爆死咗……不過近年呢個場面玩極唔厭……今日就係32周年喇，大家都好支持悟飯阿爸……唔係，係阿樂，於是大量改圖又再重現。

平時見到TikTok都唔開胃，不過今次係一個日本Twitter分享出嚟，而且真係有心思。話說呢位外國人製作咗一段影片，同電視中嘅比達有互動，就係幫佢打針，實在配合得好好……

《龍珠》呢套作品，真係自懂事以嚟到依家都仲有得睇，嚟緊又有新嘢，就係劇場版《ドラゴンボール超》新作「スーパーヒーロー」，啱啱有片睇。而且今次會由原作者鳥山明本人編寫劇本，更聲稱係史上以嚟最大參與度劇場版喎。

依家睇新番動畫梗係容易，當年要喺電視追，記得好似係一星期播兩集，而且係深夜時份先播，而且動畫個節奏……淨係儲氣都儲大半集，「弟弟弟弟」足半集終於開打就完……今日4月26日就係《龍珠Z》當年喺日本開播之時，由1989年播到1996年。唔少網民都出片回憶一下，仲有人提到當年鳥山明話改「Z」呢個名，係因為佢係英文字母入面最後一個，佢想喺「Z」呢度完結呢套作品。

嚟緊呢隻龍珠格鬥遊戲《DRAGON BALL FighterZ》喺9月會有新DLC，今次最驚喜新參戰角色應該就係佢，「亀仙人」呀！而且影片中仲見到佢嘅必殺技係「魔封波」！機迷們話其實更加期待宇宙最強……小雲可以登場！

大家有無玩《動物森友會》？日本繼續好多人玩、好多人喺Twitter分享，有網民重現《龍珠》阿樂爆死一幕，有人玩廁所，亦有網民將森林變咗做現代街道，入嚟有大量精選片段睇。

由日本知名遊戲團隊CyberConnect2製作，跟住故事玩，有晒史詩式故事，龍珠迷都要買啦？呢隻PS4/Xbox One/PC《ドラゴンボールZ KAKAROT》公開咗發售日，係2020年1月16日，仲有3大早期購入特典。

呢段廣告宣傳片好型，龍珠手機遊戲《Dragon Ball Z Dokkan Battle》公佈全球下載數突破3億，段新片見到喺渋谷最旺嘅街頭，以至世界各地嘅屏幕，都被入侵見到斯路嘅宣言！段片喺Twitter一日唔夠已經超過500萬瀏覽，入嚟有片睇。

呢個世界記錄……其實香港可能都有人破到喎？健力氏記錄有新嘢，係「Largest collection of Dragon Ball memorabilia（最も大きなドラゴンボール・コレクション）」世界記錄，呢間被稱為「孫悟空グッズ専用部屋」嘅主人，叫内田斉，內裏有10,098樣收藏，當中有4,000件係關悟空。

玩《龍珠》遊戲，劇情都好重要，如果可以重溫晒啲劇情當翻睇多次動畫，又有得玩唔駛坐定定聽「deedeedeedee」聽半集更佳。嚟緊就有呢隻《ドラゴンボールZ KAKAROT》，第2彈PV重現悟飯 VS 斯路劇情。2020年初推出。

好可愛！有日本網民分享咗張貓相喺Twitter，隻貓喺床上瞓得好冧，細心一睇，張床左上角仲有幾隻貓腳印，似乎係行行吓攰得滯就咁撻底咗。有網民出圖回應，有人仲諗起《龍珠》阿樂爆死一幕‥‥‥

如果有機會參加「天下第一武道會」，你會著咩衫去？如果係女仔可以考慮呢件。有日本網民放咗上網，女版悟空，睇落莊重得嚟仲有啲性感，不過價錢唔平，要54000円，即係港幣4千蚊左右！

龍珠睇得多，變晒武士裝嘅佢哋估唔到型成咁。外國藝術家Guillem Daudén設計咗一系列新造型俾佢哋，悟空、比達、杜拉格斯、笛子魔童、莊子‥‥全部都好正，我同日本網民一樣，最鍾意係比達，超型！

如果你1986年已經打緊機，咁你對呢隻遊戲《ドラゴンボール 神龍の謎》同對個包裝盒一定有印象。不過今次唔係復刻遊戲，而係由DOTLIKE推出新Tee，有唔同款式，仲有襟章(1,389円)，不過講到最正，都係跟番以前個遊戲包裝，6,300円，唔知有冇說明書？

有無玩《Apex Legend》？日本好多人玩緊，除咗大逃殺之外，有機迷仲諗到將遊戲同《龍珠》結合。呢段喺Twitter上熱傳嘅片由用戶@neko_kk2 製作，用咗《龍珠》嘅經典配樂「M8-11」，即係悟空變超級撒亞人打菲利嗰場用嘅音樂，用嚟配落Apex Legend嘅畫面度，佢仲專登做咗啲戲劇性嘅zoom in zoom out加強動畫效果，好正！臨尾仲有JoJo！網民都好欣賞佢嘅創意，段片已經超過100萬瀏覽，大家仲建議佢嚟緊整個Gundam版本，用嚟有片睇。