fbpx

Tag: 龍小菌

有片:帶菌者新歌《繼續追》 高地仁插畫逐格畫超強

有片:帶菌者新歌《繼續追》 高地仁插畫逐格畫超強

龍小菌以「帶菌者」之名推出新歌《繼續追》,拍埋MV,但成個MV係見唔到龍小菌嘅。全條片都Zoom住一隻手Time Lapse畫公仔,畫嘅係《龍珠》、《IQ博士》等等,畫手係一個插畫師,叫高地仁。龍小菌喺面書話:「這是一個關於高地仁與龍珠的追夢故事,也許並非每一個人都懂,就如你的堅持在別人看來很傻。假如只有你知道那份堅持的意義所在……你,還會繼續追嗎?」嗯,繼續追夢,非常配合歌名咁話喎,Good。聽歌,當然要開聲,但記住一定留心睇,仲一定要睇到尾,以為高地仁成條片一格格咁畫唔知搞乜咩?唔劇透,睇到尾自有分曉,保證你嘩嘩聲。

Read more ›

有片:龍小菌「鉛」唱 《可惜我是水喉匠》

有片:龍小菌「鉛」唱 《可惜我是水喉匠》

越揭越臭,又越揭越無人肯企出嚟承擔責任,繼啟晴村之後,葵聯村、水泉澳村等屋村相繼被驗出自來水含鉛量超標,成壇嘢唔知點收科。唔想講政治,但人要生活就免不了同政治沾上邊,如果淨係屈個水喉匠受靶,我諗全香港人條氣都唔順,條氣唔順就不如聽首歌仔喇。有請龍小菌獻唱《可惜我是水喉匠》,此歌改詞自楊千嬅《可惜我是水瓶座》,啲歌詞都改得幾到位,笑中有激咁喇。

Read more ›
新片速報:惡搞吳若希 龍小菌唱《越南越愛》

新片速報:惡搞吳若希 龍小菌唱《越南越愛》

作為CCTVB膠劇《使徒行者》片尾曲,吳若希首《越難越愛》又真係幾洗腦嘅,理論上副歌音樂一出,個嘴就自不然條件反射地吐出「越難越愛」四粒字。人紅,就梗係多人惡搞架喇,最新有龍小菌整番首《越南越愛》,話用越南話唱《越難越愛》喎,歌詞講乜?鬼識咩,但啲古靈精怪嘅字音砌埋一齊,又確實幾搞笑。真心Mode,我覺得龍小菌唱得OK好聽喎。

Read more ›
新片速報:惡搞歌詞 龍小菌寸爆人形龍蝦

新片速報:惡搞歌詞 龍小菌寸爆人形龍蝦

  認真喎,我講緊嘅係唱功,龍小菌好認真唱呢首《龍蝦》自稱好聽版,個Beat準就應份,難得要高音有高音,要嗌有嗌無話走音,粒粒咬字亦異常清晰。咁當然,最過癮一定係啲惡搞歌詞,生動啜核又押到韻。家陣人形龍蝦出沒,CY老婆擺明嬲打,龍小菌完全唱出我心聲,抵畀十個Like佢,抄埋歌詞畀你一齊唱!掌聲鼓勵鼓勵!

Read more ›
卡通氣球當面具    靚過龍小菌

卡通氣球當面具 靚過龍小菌

香港幪面代表有龍小菌,其他人唔想比網友見倒自己個樣,除咗馬賽克之外,意大利設計師Laurina Paperina呢個氣球遮面設計都有得諗,起碼每個人樣都係鵝蛋臉型,仲有個下巴仔。每個被攝者手上嘅人樣氣球,設計師話係根據返佢哋嘅面貌同埋風格畫成,照咁睇,呢班被攝者都幾三尖八角‥‥‥  

Read more ›