Tag: 黑面

日本超可愛「黑面喵」 不滿表情Twitter熱傳

日本超可愛「黑面喵」 不滿表情Twitter熱傳

呢隻日本嘅黑面喵好可愛,最近喺Twitter好多人RT。據講當日主人夜咗返屋企,一入到屋就見到隻喵露出呢副不滿、無眼睇嘅表情,搞到主人好內疚。睇返佢平時啲相,個樣明顯無咁黑面,左邊係黑面後,右邊係黑臉前,好明顯佢當晚真係好不滿,係咪餓咗好耐無嘢食?入嚟有多啲呢隻喵嘅相睇。

Read more ›

【村長級】黑面Juno喵星人相集 經常憤怒勁有威嚴

【村長級】黑面Juno喵星人相集 經常憤怒勁有威嚴

可能叫得Juno嘅都係比較有性格,呢隻一身灰白黑潮人造型嘅喵星人,天生個樣好有性格,主人都形容佢係Angry Cat。佢個樣唔止經常嬲嬲哋,睇落仲好似好有威嚴,十足村長咁款。入嚟有多啲佢嘅相睇,原來佢屋企仲有好多隻喵星人,不過都係佢個樣最有惡。

Read more ›

為福龍平反!黑面照樣可以好友善!

無聊瀏覽面書,見邱福龍有以下留言:「剛接受蘋果訪問竟選我是城中十大惡人!黑面王…真的不明所以…惟有染番個頭令自己斯文點!」當真笑到我架架聲!即係咁,我出席過「Dark Club 2012漫畫達人聚會」,見過佢本尊真人,講真……感覺都幾惡樣吓,同佢喺「福龍周記」裡面個靚仔樣完全兩回事,不過聚會當日佢侃侃而談,親民無架子,同全場所有讀者簽名影相畫親筆畫,友善到不得了,要讚。至於黑面咯喎,樣係天生嘅,無得講,要講應該講內涵,猶記得本網站開皮之初,另一編輯曾經親臨福龍Office做訪問,猛讚佢好人,影相採訪全程配合,仲讚佢踎凳仔咬煙仔起稿個Look勁型棍添……福龍黑面照樣可以好友善!最後我想同福龍講,染金個頭唔覺斯文咗喎,心底話,反而MK咗……

Read more ›

黑面喵星人成功上樓 癈置空屋被發現繼續擺款

又有喵星人成功上樓!不過佢唔係走可愛路線,個樣天生黑口黑臉超不爽,但其實佢心入面應該係好開心可以成功上樓。說話Paul Tateosian去咗美國佛羅里達州郊外一間空屋做調查,期間發現咗呢隻睇落好耐無食嘢嘅喵星人,佢喺附近搵咗個芒果俾佢食,點知喵星人黑晒面表示無興趣喎。最後調查完畢,呀Paul諗起呢個地方有蛇有鷹好危險,放是就乘機帶呢隻喵星人返屋企養嘞,仲幫佢改埋名叫Garfield,好幸福!BTW,邊個話喵星人開心唔可以黑面架?

Read more ›

新片速報 不爽喵Grumpy Cat黑面度身做蠟像 年底進駐杜莎夫人

喵星人都可以做杜莎夫人蠟像館嘅蠟像?呢隻Grumpy Cat不爽貓全球都有大量fans,最近官方宣佈年底佢會進駐美國三藩市嘅杜莎夫人蠟像館,早前佢就比人捉咗去度身嘞,除咗度身,仲要打手印、配返近似嘅眼珠、毛髮,三圍身高通晒天,無晒私隱,睇佢個樣真係超不爽,主人快啲買返啲零食氹吓佢啦!

Read more ›