Tag: 黑社會

【有片】幫病童紋身FB熱傳 扮黑社會小朋友笑晒

小朋友紋身?怪獸家長見到可能會尖叫。其實呢啲只係短暫性嘅紋身,外國紋身師Benjamin Lloyd為咗令一班病童重現笑容,特別幫紐西蘭兒童醫院Auckland’s Starship Children’s Hospital嘅小朋友逐個紋身,照足大人嘅紋法無偷工減料,紋果好正。佢本來喺自己Facebook提出呢個諗法,話只要有50個like佢就會付諸行動,點知最後有超過44萬個like。不過而家佢最擔心係呢班小朋友唔肯去沖涼‥‥‥

Read more ›

有片:唔劈友改逐鬼 張家輝做《陀地驅魔人》

首先講講電影名字,《陀地驅魔人》點解會譯做《Keeper of Darkness》?橫睇掂睇「Keeper of Darkness」都應該譯做「黑夜揸Fit人」喎。入番正題,主角又係我至愛嘅張家輝,今次佢飾演MK驅魔大師,專幫同門兄弟逐邪逐鬼,觀其一頭白毛與一身造型,真係好有古惑仔味,戲中佢同郭釆潔仲有場人鬼戀,加埋黑社會、靈異、動作等等元素,炒埋一碟一定緊張刺激。同埋,齋睇呢條預告片,啲特技好似做得幾有水準,感覺唔太流,應該有啲睇頭,值得捧場。

Read more ›

25套經典「黑社會」電影 《無間道》《教父》榜上有名

平時黑社會都係收喺枱底,但係近呢個月,我哋將呢個字放上枱大大聲講,每日睇新聞都好似睇警匪片咁款。外國網唔知攞景定贈興,做咗個史上25套最佳黑社會電影專題,最經典嘅《教父》系列、香港嘅《無間道》都榜上有名。不過如果比我揀,點少得杜琪峯套《黑社會》?仲有陳浩南嘅《古惑仔》、發哥嘅《英雄本色》同埋黃秋生嘅《洪興大飛哥》!

Read more ›