Tag: 黑熊

林祥焜 x Iron Thai Boxing Studio黑熊Tee

林祥焜 x Iron Thai Boxing Studio黑熊Tee

久違了的林祥焜有新作出,佢幫「Iron Thai Boxing Studio」創作咗件10週年別注紀念Tee,走復古Feel,有Tattoo元素,主調色係黑紅二色,黑熊打Boxing個Print好靚。佢仲做埋Model影埋靚相掟上網公諸同好添,唔知有無得公開發售?

Read more ›

黑熊坐姿勁嘆網上熱傳   日本網民:「真實版『鬆弛熊』!」

黑熊坐姿勁嘆網上熱傳 日本網民:「真實版『鬆弛熊』!」

呢隻黑熊好識嘆,坐喺梳化上面仲要蹻晒腳,然後隻手輕輕搭住梳化‥‥‥幾張上最近喺網上熱傳,仲紅到去日本,日本人話佢係真實版嘅「鬆弛熊」,外國人就覺得佢似賤熊。隻熊係喺加拿大Northern Manitoba嘅垃圾場被發現,當時護士Mandy Stantic經過,見到有隻熊好嘆咁坐咗喺梳化,所以影咗呢輯相,睇返其他相,黑熊似乎係呢個垃圾場嘅大佬,難怪坐得咁有氣勢,係欠杯啤酒唧。

Read more ›
外國女人焗Brownie太香   為食黑熊企圖硬闖入屋

外國女人焗Brownie太香 為食黑熊企圖硬闖入屋

睇相的確幾好笑,不過現實應該好恐怖。最近美國小村莊Avon嘅一位女人喺屋企焗Brownie,可能太香,竟然吸引咗附近一隻黑熊想衝入屋。睇相見到隻黑熊企喺玻璃門前好想入去,突破唔到廚房門防線嘅佢,仲試埋其他玻璃門。屋企嘅女主人勁驚,嗌埋鄰居嚟幫手,最後更加要報警收場。不過警察嚟之前黑熊已經走咗,但係空手而回嘅佢究竟會唔會返嚟再試吓呢?

Read more ›

日本63歲伯伯徒手擊退黑熊 空手道高手勁過《復仇勇者》

一講起徒手打熊就諗起電影《復仇勇者》嘅里安納度,戲入面佢俾隻熊傷到體無完膚,不過現實世界就有個63歲嘅日本阿伯成功擊退熊人,仲成為日本網民熱話。呢位身高170cm嘅伯伯係空手道高手,日前釣釣吓魚有黑熊出現襲擊,佢唔驚之餘仲好有計謀,出手插熊眼,最後成功擊退隻熊,而自己就受咗輕傷。警察呼籲民眾下次見到熊時唔好同佢戰鬥,應該要悄悄轍退然後報警。網民嘅留言好正,例如:「偷偷離開之前已經被襲擊了」、「如果係我,四目交投嗰吓就已經腳軟」,照咁睇,里安納度應該要學空手道。

Read more ›

【似成咁】超像真黑熊睡袋 呀媽女友實尖叫

星期六,想瘋狂瞓都好正常吖,所以今日介紹完鬆弛熊晨褸,再寫呢件熊人睡袋都好合理吖。講返正題,如果鬆弛熊係比女仔嘅,呢件雄糾糾嘅黑熊睡袋,真係男人必備!試幻想吓著咗佢再攤喺張床度瞓教,阿媽或者女朋友都一定會尖叫!咁瘋狂嘅設計果然係出自日本人手筆,設計師係Eiko Ishizawa,靈感來自之前嘅野生熊Bruno,不過要扮黑熊一啲都唔平,呢個極像真嘅睡袋賣美金2,350,呢個價錢夠買張靚床加床褥,不過就無咁型咯。

Read more ›
黑熊標本肚內居住13日  網上有直播

黑熊標本肚內居住13日 網上有直播

行為藝術嘅嘢,我哋一般人好難理解。好似圖中呢位法國藝術家Abraham Poincheval,就發起喺熊標本身上住足13日嘅藝術表演,而家喺法國嘅Hunting and Wildlife Museum嘅熊標本身上住緊,網上仲有得睇佢嘅直播,如果你無聊到極點(好似我咁)可以入去參觀吓,不過要快手,因為佢瞓到4月13日就會閃人。

Read more ›