Post Tagged with: "黑武士"

《Star Wars》黑武士線香座     光劍變幼線香超創意
by / on 24/10/2018 at 7:40 am

《Star Wars》黑武士線香座 光劍變幼線香超創意

估唔到Star Wars官方會審批呢件產品,所以更加值得買。台灣玩具品牌eyecandle最近公佈咗呢個「半身黑武士黃銅香插組」,平時揸開嘅光劍變咗做線香,仲可以冒煙,效果好正!而個黑武士嘅半身銅像造工都幾靚,高度大約10公分,仲附送18支紅色線香,而家開放預訂,售價港幣$1119.9,有興趣入嚟有link。

Read more ›

古天樂設計香水樽 樽身《Star Wars》黑武士
by / on 10/08/2018 at 1:00 am

古天樂設計香水樽 樽身《Star Wars》黑武士

古天樂有個私人倉庫擺放玩具,勁迷《Star Wars》係人都知,所以佢幫香水品牌Guerlain設計The Bee Bottle香水樽,都用《Star Wars》做主題,成件事好合理。香水樽純黑,樽身以黑武士為籃本,係幾型,好想知究竟係乜嘢味。留意番,只要喺面書留意支持古天樂,Guerlian就會為每個帖文捐出$5,支持國際培幼會「愛‧女孩」行動,善事嚟嘅,大家支持吓。

Read more ›
【有片】紙製Cosplay服好方便 3.980円變身黑武士
by / on 14/06/2018 at 9:53 pm

【有片】紙製Cosplay服好方便 3.980円變身黑武士

勝在夠平,而且一塊咁整出嚟摺就搞掂,係好方便嘅!呢個「着れちゃう!ダンボール ダース・ベイダー編」紙皮Cosplay服賣3,980 yen,秋天賣售,萬聖節啱啦?

Read more ›
日本推出超精緻黑武士杯 江戶切子百年工藝限量800隻
by / on 30/12/2017 at 1:29 pm

日本推出超精緻黑武士杯 江戶切子百年工藝限量800隻

江戶切子係日本嘅傳統珍貴嘅工藝,相傳喺1834年江戶時代開創,簡單講就係喺玻璃上雕花,通常應用喺清酒杯、葡萄酒杯之類。最近Star Wars就同江戶切子合作,推出咗隻超精緻嘅黑武士玻璃杯,酒紅色嘅杯身,杯底有銀河帝國嘅Logoz,杯身有不同嘅切割面,喺唔同嘅光線下會有唔同嘅折射,由PREMICO發行,預計下年1月底發售,數量限定800隻,仲有個桐木箱保存,價錢都幾貴,賣39800円,啱富貴嘅星戰迷。

Read more ›
【相集】黑武士遇上經濟危機      搵工返乜都要做
by / on 08/12/2017 at 7:01 am

【相集】黑武士遇上經濟危機 搵工返乜都要做

黑武士遇到經濟危機點算好?比利時攝影師Michaël Massart就拍咗呢個相集,幫黑武士設想一下。扶呀婆過馬路、洗碗、洗車、做保安、送Pizza乜都有,不過有啲浪費咗佢一表人才,想活用把激光劍可以做埋音槳指揮、幫人脫毛,似乎實用啲,如果用埋原力應該可以搵更多錢,入嚟有得慢慢睇。

Read more ›
很想要吧?型爆黑武士茶壺套裝!
by / on 04/11/2017 at 6:00 pm

很想要吧?型爆黑武士茶壺套裝!

正呀喂,一茶壺、兩隻有耳杯、兩隻杯碟加多個糖樽,全部都係黑武士造型,閃閃令勁搶眼,又係買咗都未必捨得用嗰隻,59.99美金,抵玩。雖然我唔係好飲茠,但有無人送畀我呀?真係好想要呀。

Read more ›

官方黑武士毛毯睡袋 瞓覺不失殺氣
by / on 26/08/2017 at 5:08 pm

官方黑武士毛毯睡袋 瞓覺不失殺氣

之前都有類似嘅產品,最近Disney官方網店Fantasy Shop有呢款黑武士毛毯睡袋買,迫真程度好高,無人瞓嘅時候成個黑武士瞓喺度幾有殺氣,瞓上去之後你就變咗黑武士,呎吋80×210cm,賣5990円,有咗佢想喺屋企邊個位置瞓都得,而且有瘦身作用,不過係單人床專用,好彩入面有抓毛好保暖,一個人瞓都唔會凍。如果有另一半,可以買另一款美人魚套裝比佢,好性感,大家都開心,入嚟有得睇。

Read more ›
【小休】日本河邊驚見黑武士/白兵 悠閒傾計Twitter熱傳
by / on 22/05/2017 at 7:49 am

【小休】日本河邊驚見黑武士/白兵 悠閒傾計Twitter熱傳

Cosplayer揹住成身裝備,老實講都幾攰,所以佢哋間中抖一抖都好合理嘅,不過喺旁人睇落就好得意嘞。最近有日本網民經過河邊,竟然見到兩個熟口熟面嘅身影 ─ 白兵同黑武士!佢哋坐咗喺草地休息,仲伸晒腳好悠閒,一啲敵意都無。張相放喺Twitter兩日唔夠已經超過6萬個轉發,好誇張。

Read more ›
【I Am Your Son】木工爹哋製作1:1仔仔木雕    黑武士淪陷
by / on 17/05/2017 at 7:39 am

【I Am Your Son】木工爹哋製作1:1仔仔木雕 黑武士淪陷

外國嘅爹哋似乎特別多才多藝,呢位Dan Lefebvre精通雕刻,最近佢就跟住佢4歲仔仔嘅身體,雕咗個1:1嘅木像出嚟,但係點解係黑武士嘅樣呢?原來佢個仔好鍾意星戰,屋企仲有個黑武士面罩俾佢戴嚟玩,所以就有咁嘅概念嘞。不過堂堂一個黑武士,變咗小朋友身,仲要踎喺度,真係一啲霸氣都無。

Read more ›
日本推出1:1純金黑武士頭像 開價1億5400萬円!
by / on 26/04/2017 at 7:55 am

日本推出1:1純金黑武士頭像 開價1億5400萬円!

今年係《星球大戰》40周年,都預咗迪士尼會推出大量精品,不過估唔到咁誇張,竟然同日本嘅珠寶公司GINZA TANAKA合作,推出呢個1:1純金製黑武士頭像!最勁係個售價,賣1億5400萬円!即係超過港幣1千萬,究竟有咩人可以買到?啱啱喺日本舉行咗發佈會,睇相見到個頭像大個人頭,隻金仲發晒光好搶眼。另外仲推出限量77套嘅「 40周年記念 純金製小判額」紀念金幣,三款金幣,每款都雙面印製,價錢當然都係勁嘅,一套賣122萬5千円,為返港紙10萬蚊唔駛。全部都係5月4日星戰日發售,入嚟有得慢慢研究開吓眼界。

Read more ›
【新片速報】阿爸扮黑武士嗌醒囝囝 慶祝星戰日
by / on 11/05/2016 at 7:12 am

【新片速報】阿爸扮黑武士嗌醒囝囝 慶祝星戰日

5月4日係Star Wars Day,世界各地嘅星戰迷都用自己方法慶祝,外國呢位爸爸Rob Lopez俾咗個驚喜佢個兩歲仔仔Sebastian,因為佢將自己cosplay成黑武士,仲用光劍嗌呀仔起身!據講呀仔係星戰狂迷(但好明顯呀爸先係),最正係阿仔俾黑武士叫醒無被嚇親,反應好冷靜,仲識拎起自己支光劍反抗。所以片尾呢位阿爸都話,原來呀仔無畏無懼,原力好強吓。

Read more ›

【堅想買】星戰黑武士牙籤架 光劍變牙籤斗篷有機關
by / on 13/03/2016 at 12:23 pm

【堅想買】星戰黑武士牙籤架 光劍變牙籤斗篷有機關

《Star Wars》產品已經到達無孔不入嘅地步,不過日本Bandai呢個黑武士牙籤架令人堅想買。黑武士唔拎光劍改拎牙籤,身後有個手把位,只要向旁邊推,斗篷就會打開可以換牙籤。一直都搵唔到個又型又靚嘅牙籤架,今次呢個啱數,預計6月30日發售,日本amazon賣緊2371円。

Read more ›
【破風圖】神級單車手GPS繪圖 「踩」出黑武士/尤達大師
by / on 18/02/2016 at 7:11 am

【破風圖】神級單車手GPS繪圖 「踩」出黑武士/尤達大師

首先每日平均踩70公里單車已經好誇張,呢位英國破風高手Stephen Lund唔止踩70公里,仲用手機App「Strava」嘅GPS路線功能嚟畫圖。佢嘅完成品包括黑武士、尤達大師、長頸鹿、恐龍等,過去一年就成功畫咗70張圖,最長嘅路線係畫美人魚,踩足220公里,堅!佢話最難係條路要連到一條線,所以要事先設計好路線。睇落幾好玩,有無人想試?

Read more ›
星戰光劍變自拍神器 黑武士都要玩自拍
by / on 02/01/2016 at 11:24 am

星戰光劍變自拍神器 黑武士都要玩自拍

作為星戰迷,屋企應該有收埋唔少把光劍,不過呢把有啲唔同,唔識發光,但可以帶出街玩自拍。呢把黑武士嘅光劍自拍棍終於有人出,喺Kickstarter有得買,開價美金$19.99,官方認可產品,生產商仲話佢同真嘅光劍有共通點,就係要用嘅時候先至延長,唔用嘅時候可以收埋佢。另外iPhone用家可以撳把劍上嘅掣嚟影相。不過睇埋佢張黑武士戴住頭盔自拍嘅宣傳相,就有啲膠味。 

Read more ›
【相集】黑武士之日常 失業在家嘆世界
by / on 27/12/2015 at 11:21 am

【相集】黑武士之日常 失業在家嘆世界

買個黑武士頭盔所費無幾,所以一直以嚟「黑武士之日常」呢個相輯系列好多人都鍾意玩,今次我哋介紹嘅呢位Devin Kelly有啲唔同,之所以介紹佢,因為佢過去一年經歷辭工、搬屋、失業,不同嘅人生大轉變,為咗令自己鼓起勇氣,佢影咗呢輯黑武士之日常,紀錄自己呢一年嘅生活,係咪好有意思?喂,唔好玩喇,快啲搵工啦!

Read more ›