真係慘，條尾變咗花樽，仲要放上網成為大家嘅笑柄。講緊嘅係日本呢隻黑柴，主人幫佢捲埋嘅尾插咗朵粉紅色小花，效果好突出，入嚟仲有埋片睇，超搞笑。之後有網民出圖回應，不過佢隻八哥配小雛菊，效果好似怪怪哋喎。

黑柴本身已經好得意，仲要係黑柴BB！日本有網民放咗呢輯連環圖上Twitter，主人捕捉到隻BB黑柴打喊露嘅一刻，又伸脷又擘大口，加上個樣蠢蠢肥肥，真係超可愛。

實在太勤力嘞呢隻黑柴！日本有網民分享咗段片，佢隻黑柴「くま吉」兩隻前腳踩住塊布，之後向前滑行幫忙抹地，姿勢好純熟俐落，成日做運動，唔怪得之體型咁fit，入嚟有片睇，仲有多啲佢嘅生活照回帶。

爸爸媽媽結婚，做仔女嘅點可以無啲表示？呢段片喺日本Twitter熱傳，婚禮度門打開門，原來入嚟嗰個係隻黑柴！佢仲好聰明咁將隻結婚戒指送到入會場，睇得出佢有啲緊張，不過最後都成功完成任務，好叻仔！入嚟有片睇。

天氣咁熱，全身都係毛嘅動物出街都幾辛苦架。日本呢隻黑柴就好識嘆，自己走埋去山澗邊然後一嘢坐咗喺度，浸住半身涼涼浸，好明顯超爽，自製夏天川風呂呀！