fbpx

Post Tagged with: "黃玉郎"

《龍虎5世3世仇》修羅門全軍覆沒 妖帥死得咁兒戲?
by / on 28/08/2020 at 9:00 pm

《龍虎5世3世仇》修羅門全軍覆沒 妖帥死得咁兒戲?

唔係盲撐,我係真心去到依家第14期都仲Like《龍虎5世3世仇》嘅,又或者因為睇得投入,所以對於今期用幾頁就整死妖帥,我覺得好浪費呢個角色。Really完全唔明,妖帥點會霎時間弱化得咁緊要?之前幾期又話得道心靈力,突破乜突破物突破到半男半女功力大進,點知一嘢就畀曹博士陰到,呢下已經有少少講唔通;返到修羅門諗住仲有戲做啦,點知又俾邪神一掌燒到淨番棚骨,仲以為黃玉郎有心煲起呢個角色,咁之前花咁多篇幅描述妖帥出身做乜呢?仲有呀,嗰啲甚麼南神忍呀、北電王呀、地藏魔佛呀,又話甚麼甚麼絕世高手,今期兩三頁已經俾人打到頭身分家;仲有二魂,乜魂物魂我都未記得清楚個樣And個名,得一格,係細細的一格,連過兩招嘅機會都無,做交代佢哋陣亡,乜修羅門啲所謂絕世高手咁兒戲架?

Read more ›

網圖分享:戇男的《小仆街》+王風雷
by / on 01/08/2020 at 10:00 am

網圖分享:戇男的《小仆街》+王風雷

戇男是個很勤力的漫畫家,喺面書出圖好密。呢期港漫界熱話非黃玉郎復刻《小流氓》不果莫屬,佢都玩嘢地出番幅《小仆街》封面圖贈吓興,構圖當然係龍虎三皇喇,寫明「正牌戇男作」,「每頁六毫封面另計」,仲話「如果賣到一千書,我可以計到數做!」哈哈哈,雖然明知吹水,但我真心笑咗。另一個港漫界焦點,當然係即將推出嘅《新著王風雷》,戇男都有出賀圖呀,簡簡單單大頭王風雷一幅,好靚!

Read more ›
黃玉郎道歉撻Q 送《小流氓》計劃胎死腹中
by / on 30/07/2020 at 10:15 pm

黃玉郎道歉撻Q 送《小流氓》計劃胎死腹中

Sure咗架嘞,係肯肯定無得睇復刻《小流氓》架嘞,黃玉郎喺今期第10期《龍虎5世3世仇》「玉郎一周」詳細交代送書計劃胎死腹中原因:一,人手不足,Call唔到咁多馬幫手包裝入書喎;二,收到「另一出版公司的律師信,說《小流氓》的版權及商標是屬於他們的,暫時不宜將《小流氓》隨書附送」。咁樣算唔算欺騙讀者?雖則好失望,但我唔想用「欺騙」兩個字嚟形容,畢竟送書係Bonus,有就錦上添花,無亦無傷大雅。不過呢,為表誠意,單單撩幾字道歉係唔夠嘅,我覺得黃玉郎應該考慮作出補償,我大膽建議──下期畫多一半篇幅,一期書出夠期半頁數,即係Total有45頁,照舊賣番$23──咁就保證讀者們條氣順番晒,Do you agree?

Read more ›
無《小流氓》睇有因 文化傳信出聲明捍衛「小流氓」版權
by / on 24/07/2020 at 8:45 pm

無《小流氓》睇有因 文化傳信出聲明捍衛「小流氓」版權

呢鋪真係要買定花生半噸了,點解《龍虎5世3世仇》未能隨書附送《小流氓》,文化傳信喺面書專頁出Post畀咗答案,因為「小流氓」商標同版權屬於文化傳信囉。此Post一出,好多讀者都話文化傳信無情,唔明點解要將黃玉郎趕盡殺絕,此聲明對港漫界係「弊多於利」云云。又為此,文化傳信揸Fit人杜比再出Post話:「對於近日我司刊登的《龍虎門、小流氓》『版權及商標聲明』是公司作為版權持有人希望保護版權的一個舉動,並沒有對任何人有任何不必要的敵意。」仲話同玉皇朝關係一向友好,同黃玉郎傾緊合作計劃添。法律嘅嘢,作為讀者嘅我識條鐵,誰是誰非唔識講,我淨係想睇書啫。希望兩間公司可以傾掂數,出得成書,搞番旺個市,先係港漫迷之福,對不?

Read more ›
黃玉郎《龍虎5世3世仇》撻Q 無《小流氓》送
by / on 24/07/2020 at 8:30 pm

黃玉郎《龍虎5世3世仇》撻Q 無《小流氓》送

未至於好好好好嬲,但真係好好好好失望囉。早喺周四之前,各大中小港漫討論平台已經吹晒風話黃玉郎會撻Q,兌現唔到隨《龍虎5世3世仇》第9期附送《小流氓》嘅承諾。去到周四,落到書報攤,Oh,No,Oh,No,真係無。黃玉郎喺書裡面出咗個「道歉啟示」,照Copy and Paste如下:「因新冠病毒疫情再度爆發,情況嚴峻,影響了隨書附送贈品此項目的大量人手製作流程,故此迫於無奈之下,暫時擱置,直至另行通知。在此敬向各位親愛的粉絲們致以萬分歉意!」人手不足都係藉口?唔會啩!定又係版權問題呀?去到Last一刻先俾文化傳信煞停呀?我估係,希望唔係,因為我真係好想睇《小流氓》的。

Read more ›
《龍虎5世3世仇》超多角色登場 人名/下期書名撈亂咗?
by / on 19/06/2020 at 2:45 pm

《龍虎5世3世仇》超多角色登場 人名/下期書名撈亂咗?

大家仲有無撐《龍虎5世3世仇》?今期第4期好㩒睇,因為好多字,而甚麼修羅門,甚麼一邪二帥三魔佛四魂五惡六癲狂,其實都估到係呢啲套路。有人話食老本,有人直頭話好老土;食老本係鐵一般事實,老唔老土就見仁見智喇,唔知點解我就係鍾意呢種玉郎味,仲係睇得咁津津有味。不過呢,讚完都有嘢要彈,由於想快快去橋所以倒水咁倒狂出新角色,睇到我眼都花埋,邊個角色屬於昊天教,邊個角色係焚天邪神門下,睇嗰陣都要Load一陣先分得開。大抵唔只我眼花,連植字or編劇都眼花呀,先有第四五頁跨版同第21頁裡面嘅毒魂、凶魂撈亂咗,再有下期預告同一框框內出現兩個唔同下期書名,究竟下期係〈萬妖蟲谷〉定〈萬妖蟲林〉呢?校對要加多兩錢肉緊了…….

Read more ›

撐《龍虎5世3世仇》兩版本 即送貼紙
by / on 28/05/2020 at 10:15 pm

撐《龍虎5世3世仇》兩版本 即送貼紙

係囉,有嘢送先開心嘛。依家幫襯「收藏家港漫專區」買黃玉郎《龍虎5世3世仇》創刊號,一次過買晒普通版同草圖版兩本書,即送貼紙1張,夠開心啦。

Read more ›
黃玉郎《龍虎5世3世仇》創刊 讀後有感
by / on 28/05/2020 at 9:30 pm

黃玉郎《龍虎5世3世仇》創刊 讀後有感

預咗洗版,今日人人都談論黃玉郎新書《龍虎5世3世仇》,我當然都有真金白銀捧場,閱畢全書有幾樣嘢想講講。先講封面,三拉頁,邱福龍出手無嘢好彈啦,畀100分唔過份。畫功方面,肯肯定靚過《新著龍虎門》,希望唔好係新創刊三幾期式虛火。內容呢,都係龍龍虎虎咁喇,你可以話老土,但我又真係幾Buy呢種睇慣睇熟嘅玉郎味。武功方面,金鐘罩、易筋經同六神訣零驚喜,招式名稱有少少趕客,甚麼「金剛錐鑽」又「錐」又「鑽」,「錐」完就梗係「鑽」架啦,是但掟走一個字係咪會好啲呢,另一招「大鵬金翅斬」就直頭好似無諗過咁,求其湊夠五個字算數,唔多討好。劇情推進方面,第一期主要介紹角色登場,有文場有打戲,OK合格喇,不過中間介紹「曹清柔」同「東野虎」出場嗰兩格,使唔使霸晒一頁Full Page咁誇張呀?專欄方面,「創刊詞」、「彬彬有禮」、「點滴在心頭(1)」同「玉郎一周」屬大路嘢,好彩象嘅四格漫畫尚在,不過就順勢改名,由「龍虎三傻」變成「瘋狂5世」,一樣笑得出。As a conclusion,我係會繼續撐嘅,黃玉郎加油呀。

Read more ›
網圖分享:CK Keung的龍虎…
by / on 27/05/2020 at 9:00 am

網圖分享:CK Keung的龍虎…

斷估係因為黃玉郎唔再編繪《新著龍虎門》,所以CK Keung作畫一幅致敬。畫作無疑係畫得靚嘅,但睇完之後,我腦海浮起咗三個問話符號。一,點解明明係敵對關係,但邪神同龍虎三皇卻同坐一條龍?二,點解王小虎同石黑龍無眼睛,連條龍都有眼無珠?三,邪神戴面具唔怪佢,但點解王小龍卻不露臉用背脊示人?唔通有甚麼隱喻?或者,根本係我自己諗多咗……

Read more ›
邱福龍《龍虎5世3世仇》彩圖版封面釋出
by / on 26/05/2020 at 4:15 pm

邱福龍《龍虎5世3世仇》彩圖版封面釋出

邱福龍為《龍虎5世3世仇》畫創刊號封面,除咗之前嘅草圖版,家陣連彩圖版都有喇,真係靚到啪啪聲。佢喺面書公開呼籲曰:「龍虎五世之三世仇(創刊號)週四出版,大家支持黃生,唔該大家。」大家收到未?記得聽龍少話,買番本支持吓。

Read more ›
有啲亂!《龍虎門》Or《新著龍虎門》Or《XX龍虎門》?
by / on 25/05/2020 at 8:30 pm

有啲亂!《龍虎門》Or《新著龍虎門》Or《XX龍虎門》?

有啲疑惑,有無C-Hing可以指教吓?這邊廂鄺志德面書出圖話:「2020十陽聖火相傳,易筋無間延續」、「新著龍虎門1047期,君臨天下易筋經」;那邊廂文化傳信早前都有出圖話:「承蒙讀者老友記多年支持,龍虎門精神仍在延續,漫畫傳奇仍未完結」,卻並未出現「新著」二字。咁究竟嚟緊6月5日見街嘅,係回歸返以前簡簡單單叫《龍虎門》定繼續Keep住用《新著龍虎門》做書名?到時封面會唔會一併出現「新著第1047號」、「總2327期」、「XX創刊零號」等字眼?媽我好亂……

Read more ›

網圖分享:阿傑多作畫致敬
by / on 21/05/2020 at 10:00 pm

網圖分享:阿傑多作畫致敬

黃玉郎因版權問題未能再主編《新著龍虎門》,唔少港漫迷Including me都好欷歔,同歎一個時代的終結云云。為此,阿傑多作畫兩幅致敬,其實佢講得啱,時間永遠向前走,舊嘅唔去新嘅唔嚟,相信佢都同我同一諗法,真心希望《龍虎5世3世仇》可以大賣。

Read more ›
《龍虎5世3世仇》加推尊貴燙金版+草圖燙銀版
by / on 21/05/2020 at 7:15 pm

《龍虎5世3世仇》加推尊貴燙金版+草圖燙銀版

一切塵埃落定,黃玉郎雖然肯肯定要同親生仔《新著龍虎門》分開,但好彩仲有新書《龍虎5世3世仇》撐住個雞頭,5月28日就有新書睇,我開心死了。咁話晒新書,老例都要出多幾個版本,由於封面由邱福龍出手,所以除一貫嘅普通版同草圖版外,額外添加限量300本嘅尊貴燙金版同草圖燙銀版以供選擇,「收藏家港漫專區」獨家代理。留意番,全部版本均一價每本$23。

Read more ›
文化傳信出Post 《龍虎門》肯肯定唔摺
by / on 19/05/2020 at 8:15 pm

文化傳信出Post 《龍虎門》肯肯定唔摺

甚麼黃玉郎畀唔起版權費所以要摺《新著龍虎門》,跟住又話邊個邊個主筆接手,啲風吹到天花龍鳳都唔知堅定流,搞到我上兩周嘅心情就如吞服千刀萬蟻丸,籮籮攣唔知點算好。家陣好咯,隨住文化傳信出Post鐵定話「龍虎門精神仍在延續,漫畫傳奇並未完結」,我個心終於安靜下來。停一個禮拜啫,6月5日《龍虎門》會繼續出版,仲可以見到龍虎三皇,我開心到想哭。

Read more ›
黃玉郎《龍虎3世》5月28日出版
by / on 15/05/2020 at 4:30 pm

黃玉郎《龍虎3世》5月28日出版

Sure咗嘞,喺今期第181期《山海逆戰》裡面,終於出現全頁《龍虎3世》廣告,白紙黑字寫明「2020年5月28日,強勢出擊!」,而早前邱福龍自謙「粗粗哋」畫嘅賀圖,亦Sure咗係新書創刊號封面。雖然繼續甚麼「飛龍在天」同「猛虎在柙」,又係甚麼龍龍虎虎繼續食老本,但我真心唔Care,黃玉郎肯出新書,書報攤多一本公仔書,始終係一件好事,我希望出長篇添呀。

Read more ›