fbpx

Tag: 黃玉郎

《天妖玄奇》換徐大寶做美術主筆 加兩Part床戲得唔得?

《天妖玄奇》換徐大寶做美術主筆 加兩Part床戲得唔得?

其實早幾個禮拜都已經吹緊風了,今個禮拜終於塵埃落定。今期第23期《天妖玄奇》書末專欄,已經由「彬彬有禮」改為「妖‧徐便講」,「徐」者,徐大寶是也,即係話美術主筆一職,正式由徐大寶頂替鄺彬強。Fine,久違了的徐大寶揸旗,唔知會唔會加番兩三番Part床戲呢?計落,嗯……海奇同姬發呢Pair唔錯,玄舞同問天就擺明會發展成情侶,尤其剛剛出場嘅九尾孤仙,直頭係淫娃妖精潛力股,有得諗喎。

Read more ›

大呼過癮!黃玉郎拍片講解《迷戀當代》畫展

大呼過癮!黃玉郎拍片講解《迷戀當代》畫展

繼前日搵個靚女拍片後,今日本尊終於出鏡了。黃玉郎親自拍片講解佢個《迷戀當代》個展,畫展分「經典」、「封面」、「巨著」、「十大神兵」四個系列,屆時會推出收錄50幅畫作嘅《迷戀當代》場刊畫集,屬會場限定。咁有新書推出咯喎,梗順便Sell埋《戰國殺國士無雙》喇,頭50位入場朋友仲有機會得到藏書票添,買場刊送第一款,買《戰國殺國士無雙》送第二款,買原畫或套裝版畫送第三款。成條片過癮之處在,一,黃玉郎係拎住住貓紙照稿讀的;二,佢不忙都要講番呢句對白:「老友記必定睇到大呼過癮。」真過癮!我就係鍾意呢種玉郎味!希望大家撐一撐場喇。

Read more ›
分三版本 黃玉郎《戰國殺國士無雙》8月7日見街

分三版本 黃玉郎《戰國殺國士無雙》8月7日見街

之前因為書名字體擺位有啲尷尬,仲以為黃玉郎本新書叫《國士無雙戰國殺》,原來係叫《戰國殺國士無雙》,8月7日正式見街。And,今期第19期《天妖玄奇》出咗正式宣傳廣告,普通版售$138,春秋版售$178,狂龍版售$178,如果喺黃玉郎個《迷戀當代》畫展裡面買書呢,就送多張獨立藏書票。大家收到未?

Read more ›
Fans留意!黃玉郎開個展!

Fans留意!黃玉郎開個展!

睇完今期第18期《天妖玄奇》,有驚喜呀喂,驚喜不在劇情,而在書末一個廣告──黃玉郎開個展呀喂,地點喺V POINT,8月6日開展。作為死忠Fans的你我他,無理由唔去。

Read more ›
黃玉郎+鄺彬強8月出新書《國士無雙戰國殺》!文敵都有份?

黃玉郎+鄺彬強8月出新書《國士無雙戰國殺》!文敵都有份?

睇完今期第17期《天妖玄奇》,劇情推進稍為明快咗多少,但仲係唔太睇得出主線脈絡喺邊,只隱隱感覺到風竹應該會因妒生恨變反派、問天同契爺玄舞會互生情愫、海奇應該會出賣姬發、金甲龍尊應該同天龍世子正式決裂開拖,而全書比劇情更驚喜驚奇者,盡在書封底廣告。驚喜者──黃玉郎加文敵加鄺彬強8月將推出新書《國士無雙戰國殺》,仲很精準地講實全書有386頁,保證一氣呵成云云,連頁數都有,斷估唔會唔成事啩?驚奇者──文敵?喂,文敵唔係已經魂歸天國咩?遺稿定點?好想知,希望下期「玉郎一週」可以開估。

Read more ›
拍片宣佈投票活動結果 黃玉郎愛做「King」

拍片宣佈投票活動結果 黃玉郎愛做「King」

之前面書「玉郎有請」搞咗個新視頻環節名字投票活動,黃玉郎剛剛拍片宣佈「玉郎漫漫King」呢個名字大比數勝出,並從中抽出一位冠軍得獎者,因為極Buy該位得獎者嘅評語:「『玉郎』即係我個名喇,『漫』即係漫畫喇,『漫King』就係漫畫皇帝,咁加埋起上嚟仲有無得輸呀?無得輸喇,所以佢贏咗嘞。」呵呵,黃玉郎始終都係鍾意「皇帝」呢兩個字,非常符合佢性格,畢竟一統港漫江山捨佢其誰,鍾意稱皇稱帝絕對可以理解。不過呢,我想講嘅係,《天妖玄奇》雖然有我最Buy嘅滿滿玉郎味,畫功面相亦高質,但故事好似十幾期都無乜點推進過喎,如果想繼續做「King」,就要加多兩錢肉緊喇,加油呀喂。

Read more ›

要買!第400期《復刻龍虎門》送拉頁三皇海報

要買!第400期《復刻龍虎門》送拉頁三皇海報

就算無全套儲開,我覺得都有必要買番今期第400期《復刻龍虎門》睇睇,如果你曾幾何時都係《龍虎門》Fans的話。想當年嘅400期,黃玉郎喺書中送拉頁海報,三皇掛帥,Nike眉粗線條肌肉,滿滿的玉郎味,依家睇番,感覺好Good Old Days。

Read more ›
送完Postcard 黃玉郎《天妖玄奇》改送口罩

送完Postcard 黃玉郎《天妖玄奇》改送口罩

都係回饋吓讀者咁喇,黃玉郎《天妖玄奇》送完十張「天妖誌」Postcard後,喺下期第11同第12期會改送口罩。口罩有「神兵玄奇」同「玉郎與你」兩個系列,總共十款,隨書隨機奉送,鍾意儲精品嘅你與我與他,買書嗰陣咪攞漏口罩呀喂。

Read more ›
黃玉郎《天妖玄奇》搞抽獎遊戲 送「天妖誌」Postcard大卡

黃玉郎《天妖玄奇》搞抽獎遊戲 送「天妖誌」Postcard大卡

來到第三彈了,黃玉郎繼續送「天妖誌」未切割版本Postcard,今次主角係元始天妖十子之二嘅太白山君同千目妖佛。老例,抽獎方法依舊係讚好、答問題同開心Share,Total有8張,5月25日3:00pm截止。

Read more ›
黃玉郎《天妖玄奇》搞抽獎遊戲 送「天妖誌」Postcard大卡

黃玉郎《天妖玄奇》搞抽獎遊戲 送「天妖誌」Postcard大卡

為谷書,送禮是很合理的,黃玉郎話過《天妖玄奇》會一連十期隨書送多張「天妖誌」Postcard,唔知大家有無儲呢?我有,所以對佢送嘅呢張未切割版本Postcard大卡非常有興趣,Total有8大張,有埋親筆簽名是常識吧。點送法?老例玩抽獎遊戲喇,4月13日3:00pm前讚好面書「玉郎有請」同留言寫低最愛嘅《天子傳奇》或《神兵玄奇》角色,就可以參加抽獎,大家請踴躍參加。

Read more ›
網圖分享:亞傑多二創 大拳老都睇《天妖玄奇》

網圖分享:亞傑多二創 大拳老都睇《天妖玄奇》

亞傑多係一個非常盡責嘅港漫從業員,除咗期期都撚盡十二成功力幫和仔大人同邱福龍畫封面外,得閒仲會玩吓二創,幫其他港漫宣傳。就好似《天妖玄奇》創刊咁,佢將創刊號封面Key入《封神紀‧黑天龍》第10期封面,變成──大拳老都捧黃玉郎場呀喂。我笑點低,笑咗。

Read more ›

龍少就是強 《天妖玄奇》第二期封面釋出

龍少就是強 《天妖玄奇》第二期封面釋出

買封面都抵!龍少畫嘅封面真係無得輸的!黃玉郎剛喺面書釋出《天妖玄奇》第二期跨版封面,係咪好靚呢?第二期有另一主角姬發出場,黃玉郎話畫足38頁喎,希望大家多多捧場。

Read more ›
賀黃玉郎生日+《天妖玄奇》創刊 Fans送蛋糕好感動

賀黃玉郎生日+《天妖玄奇》創刊 Fans送蛋糕好感動

仲唔係愛?計我話絕對係大愛來的。話說《天妖玄奇》創刊,Kent Chu特登預備咗個蛋糕賀一賀佢,兼預早替黃玉郎慶祝生日。蛋糕唔係買現成貨架,係Kent Chu專登設計,構圖係黃玉郎策馬奔馳,上有「神兵蓋世,壽與天齊」八個大字,加埋個創刊號封面牌仔,成件事真係好令人感動。黃玉郎有Kent Chu呢個死忠Fans,應該好好好好好開心。

Read more ›
黃玉郎《天妖玄奇》創刊 講明《龍虎5世3世仇》第二季會續出

黃玉郎《天妖玄奇》創刊 講明《龍虎5世3世仇》第二季會續出

買咗《天妖玄奇》了,仲翻睇咗多一次添,都係睇慣睇熟嘅玉郎味喇,於我係十分OK嘅。而講到全書最大驚喜高潮位,並唔最後一頁問天被斬手一格,而係書末專欄「玉郎一周」提到:「『腰斬』?有些老友記以為《龍仇》被腰斬了……非也非也……《龍仇》暫停一吓,第二季預算三個月左右,以更型仔姿態同各位見面,到時候敬請支持!」即係《龍虎5世3世仇》第二季出書有望喇,Fine,三個月就三個月,等你呀。

Read more ›
黃玉郎《天妖玄奇》今日創刊 連續10期送Postcard

黃玉郎《天妖玄奇》今日創刊 連續10期送Postcard

黃玉郎《天妖玄奇》今日出版了,大家買咗未?記住,無論你買邊個版本都好,都會隨書附送「天妖誌」Postcard一張,如果唔見有,記得問書攤攞番。而Postcard總共係一套10款,背後有詳細人物介紹,連續隨十期書附送,而創刊號則送第一款「天龍世子」,望相都覺得好精美,值得收藏。

Read more ›