Tag: 黃水斌

黃水斌助陣 《戰譜》三月見街

一路以為即將推出嘅《蘭陵王》係叫《蘭陵王》,原來真名叫《戰譜》,英文名叫《The Legend of War》,而之前喺面書專頁邀請讀者畀書名Logo意見,大渡亦似呼有咗定案,仲鐵定新書喺三月推出添。

Read more ›

大渡移師酒吧 開新書發佈會

好,好得很,真心Mode要讚大渡,上次搞Event同讀者一齊食雞煲盡興一晚,今次就移師Relax 99酒吧搞「2015年大渡新書發佈會」,估計到時仲過癮,做讀者嘅我同你,可以同班主筆一齊摸酒杯底、打Snooker同掟鏢,離距離全接觸,呢啲機會真係可一不可再。

Read more ›

說好了的《欲望之翼》呢?黃水斌事先張揚脫期!

黃水斌喺面書出咗幅黑白原稿圖,拋低一句:責無旁貸!第二期要一月才可見街!」拿,雖則我都係黃水斌Fans,《欲望之翼》大拿拿$78都照撐,但脫期呢家嘢,就真係有少少爭唔落。月刊嘛?梗係每月推出喇,等咗足足一個月,想睇先嚟話無,你話係咪要插先?大渡乜都好,就係有呢度唔好,無的起心肝嚴格控制旗下刊物出版時間,呢個問題要好好檢討嘞。

Read more ›

《欲望之翼》第二版添食 送原畫卡

即係咁,唔好成日話港漫無出路,只要質素高、古仔好,就一定有捧場客,大渡省靚招牌之作《欲望之翼》賣斷,依家加推第二版,仲話不計成本膠面印刷兼隨書附送封面原畫卡一張添,12月18日準時見街,未買嘅係時候入手喇。

Read more ›

《魔武渡》第二輯聽日見街 開天惡晒?

芸芸大渡作品中,論精琢細雕當然數唔到佢,但本人覺得《魔武渡》確實係幾好睇嘅,故事性強節奏明快,三個主角一漂、開天同千葉各有伏線,一句講晒追看性強。第二輯故事聽日見街,有兩個封面版本選擇,撐開嘅要繼續撐,無撐開嘅不妨問本睇睇,睇吓啱唔啱你心水。

Read more ›

大渡聯乘食肆出《重慶姑爺雞煲》?

始勿論你Buy唔Buy大渡出品,但真係不得不服呢間漫畫公司敢於嘗試,屢創新猷,如果無睇錯呢個宣傳廣告的話,如無意外《重慶姑爺漫畫》係聯乘「重慶姑爺雞煲放題專門店」之作,咁都作到古仔出漫畫?係咪咁犀利呀?

Read more ›

《欲望之翼》創刊號 大師級之作

係誇張,但絕不失實,《欲望之翼》創刊號堪稱「Masterpiece」,實在太完美,基本上無一格係可以挑剔嘅,花六個月時間先製作一本書,呢啲就係慢工出細貨嘞,質素非一般期期都打但又唔知為乜而打嘅流水作業式港漫可比,賣$78,係好貴,但真心Mode,值。

Read more ›

《欲望之翼》原稿會場特別版海報曝光

好靚呀張海報,好Sexy呀條女,你好想將呢張《欲望之翼》海報據為己有呢?我都係呀。賣幾錢?Sorry,有錢都未必買到呀,因為屬限量發售嘅原稿會場特別版,只有參加大渡一周年讀者交流會先有機會買到。睇完呢張海報,有無增加你參加交流會嘅衝動?有,我絕對有。唔知滿咗額未呢?

Read more ›

大渡搞交流會 有相影有獎抽有嘢食有書睇

大渡搞一周年讀者交流會,真係Good到無可再Good,可以坐定定同司徒劍僑、袁家寶、曹志豪、鄺彬強、黃水斌同少傑六大主筆打番個老邊,食飽影靚相,影完相抽獎,抽完獎睇新書《欲望之翼》,諗吓都開心呀。

Read more ›

黃水斌最新漫畫 中秋節推出

記得5月尾同大家講過黃水斌將會喺7月推出一本新漫畫,家陣都8月咯,究竟幾時見街先?最新消息,大渡話將會喺中秋節時分推出,農曆八月十五,即係9月喇,好,我等你。

Read more ›

八大主筆聯合編繪 大渡出一周年紀念特刊

唔覺唔覺大渡原來已經成立咗一年,為此專登推出一周年絕念特刊《集結號》,7月4日創刊,創刊第一回叫〈鬼哭神號〉,賣點係集齊八大主筆聯手創作,Sell人強馬壯,有啲睇頭咁款喎。

Read more ›

好消息!黃水斌7月出新書!

黃水斌對上一本作品,無記錯應該係上年動漫節推出嘅畫集《Fruitpunch》,佢畫女叻係人都知,如果畫技擊漫畫又點睇?聽清楚,係一格一格講古仔嘅漫畫而非畫集,我就好期待嘞,唔知大家點睇呢?

Read more ›

網圖分享:原子筆下的性感美女

畫女靚嘅大有人在,唔數邊個就數林祥焜,畫o靚模出神入化,再數有黃水斌本畫集《Fruit Punch》,頁頁美女一樣性感而不令人反感,Julian Landini仲勁,只用原子筆,靚女一樣畫到躍然紙上。

Read more ›