Post Tagged with: "黃水斌"

支持實體書 黃水斌《英雄本色電影鋼筆手繪漫畫》開賣
by / on 15/01/2018 at 6:33 pm

支持實體書 黃水斌《英雄本色電影鋼筆手繪漫畫》開賣

無訂書嘅朋友仔唔緊要,如果有心撐請記得1月18日呢個日子,黃水斌《英雄本色電影鋼筆手繪漫畫》正式開賣,敢講筆筆都係心血結晶,線線都係功力所在。黃水斌喺面書留言曰:「希望大家尊重同支持香港漫畫業!我們是依靠買實體書才得回報的!」講得非常啱,拎得上手可以逐頁揭嘅先係書吖嘛,上網睇邊有癮架?睇書要有書香,呢本畫集,我必撐,水斌加油,永遠支持你呀。

Read more ›

黃水斌開新專頁 推出鋼筆手繪漫畫《英雄本色》
by / on 13/07/2017 at 8:52 am

黃水斌開新專頁 推出鋼筆手繪漫畫《英雄本色》

黃水斌最新面書專頁「英雄本色鋼筆手繪漫畫」,大家一定要Add。呢個絕對係2017港漫界好消息,話說水斌同電影公司攞正牌,將會繪畫鋼筆電影漫畫系列《英雄本色》,水斌剛剛喺面書登咗幾幅作品,堪稱有聲Post,啲線密到呢,構圖準到呢,面相靚到呢,一睇就知佢畫緊邊個場景,幕幕經典回憶返晒嚟。睇Post,我仲睇到感動位,水斌留言曰:「做了這個行頭二十多年!一份手藝由被人尊重,到近幾年行業式微而不受重用!這感覺好難受,希望大家给我一個機會,支持我繼續畫落去!這幾年真的要多謝我的家人,尤其是媽媽!沒有她支持,我方向盡失,多謝你!沒有你支持我也不會實行這些夢想。」有媽的孩子像個寶,水斌媽媽真好。支持你呀水斌,努力幹下去呀!

Read more ›
靚女Rachel做Model 想要Fruit Punch Tee唔該PM黃水斌
by / on 11/07/2017 at 9:28 pm

靚女Rachel做Model 想要Fruit Punch Tee唔該PM黃水斌

今年書展,黃水斌搵咗個靚女坐鎮,靚女叫Rachel,負責宣傳水斌產品。有幾靚?嗯,講到天花龍鳳無意思,自己睇相Please。Rachel仲著住書展攤位工作Tee做Model影咗張靚相。人靚,件Tee都靚,如果有興趣入手的話唔該PM佢……我指件Tee呀,PM水斌呀,水斌會積極考慮做番三五七件咁話喎。

Read more ›
《Fruit Punch 3.0》+Tee套裝 限量30份要搶
by / on 30/06/2017 at 6:11 pm

《Fruit Punch 3.0》+Tee套裝 限量30份要搶

希望呢條News出得唔太遲,事關水斌決定加推《Fruit Punch 3.0》特別版畫集連Tee套裝,盛惠$450,限量30份,講到明唔會再量產。由於要照顧Tee呎碼問題,所以有心入貨唔該早早落訂,講定Size畀水斌知,都係嗰句,有買趁手呀,要搶架。

Read more ›
Fans留意!黃水斌書展推出《Fruit Punch 3.0》畫集!
by / on 28/06/2017 at 9:00 am

Fans留意!黃水斌書展推出《Fruit Punch 3.0》畫集!

係囉,出多啲書港漫界先熱鬧啲架嘛,講出書又點少得黃水斌份兒?佢決定喺嚟緊書展推出《Fruit Punch 3.0》畫集,剛剛喺面書將封面公諸同好,一貫水斌水準,好難唔買。佢仲透露會推出限量產品,先預訂到時喺書展取貨,水斌作品必屬佳品,Fans要搶,我話嘅。

Read more ›
黃水斌愛《攻殼機動隊》Fruit Punch Tee第17彈開訂
by / on 06/04/2017 at 3:15 pm

黃水斌愛《攻殼機動隊》Fruit Punch Tee第17彈開訂

  黃水斌Fruit Punch Tee第17彈今日上架喇喂,今次主題係《攻殼機動隊》,阿Scarlett Johansson畫得靚唔靚呀?老規矩,限量12件,每件$280,有興趣的話快啲PM佢,報告完畢。

Read more ›

Fruit Punch Tee第十二彈開訂 黃水斌唔畫女改畫殺手
by / on 23/02/2017 at 9:00 pm

Fruit Punch Tee第十二彈開訂 黃水斌唔畫女改畫殺手

Fruit Punch Tee嚟到第十二彈嘞,今次黃水斌唔畫女,畫《這個殺手不太冷》(Leon: The Professional)主角Leon。原來水斌係呢套電影忠實Fans,經常返睇,覺得Ending尤其感人云云。老例限量12件,每件$280,有興趣唔該快快PM佢。

Read more ›
Fruit Punch Tee賀年版第10彈開訂 每件$380
by / on 14/01/2017 at 6:30 pm

Fruit Punch Tee賀年版第10彈開訂 每件$380

呢件Fruit Punch Tee都係Count落第10彈,不過係賀年版,或者因為天氣凍呀,所以今次黃水斌畫嘅靚女都著得好密實吓,不過只限上身,下身依然晒長腿,一樣係性感而不令人反感,我Like,每件$380,有買趁手。

Read more ›
Fruit Punch Tee第十彈開訂 靚女圖案印衫背
by / on 12/01/2017 at 10:30 pm

Fruit Punch Tee第十彈開訂 靚女圖案印衫背

不經不覺,Fruit Punch Tee已經嚟到第十彈,今次黃水斌好有心思,圖案印喺衫背,圖案係一個性感比堅尼妹回眸一笑,戙企成「1」,再喺側邊加個「0」,合埋湊成「10」。老規矩,限量12件,每件$280,隨Tee附送同圖案相片一張,有買趁手,報告完畢。

Read more ›
網圖分享:港漫人2017新年賀圖
by / on 01/01/2017 at 2:10 pm

網圖分享:港漫人2017新年賀圖

  睇港漫人新年賀圖啦喂!2016年有何不快不安不忿不足不甘心不情不願,唔該統統抹晒佢,踏入新一年,大家醒神呀。展望2017年,大家機繼續打劇繼續煲公仔書繼續開開心心睇,本網站祝大家新年進步,身體健康。

Read more ›
網圖分享:2016港漫人的聖誕賀圖
by / on 25/12/2016 at 5:00 pm

網圖分享:2016港漫人的聖誕賀圖

一年容易又聖誕,2016年話咁快又得番幾日,普世歡騰嘅日子,大家好應該過得得開開心心,之前有乜不快,唔該統統抹晒佢。港漫人出聖誕賀圖,排名不分先後──王澤、Eric Chow、何志文、杜比、Chan Ming、Cuson、孫威軍、馬遜、鄧本邦、廖光祖、Jim Lai、是但哥、黃國興、門小雷、林祥焜、丹青、黃水斌、邱福龍、崔成安、Tommy Lin──請慢慢欣賞,本網站仝人亦祝大家聖誕快樂,新年進步。

Read more ›

《今晚打喪屍》漫畫化 誰是主筆等余兒開估
by / on 08/11/2016 at 10:45 am

《今晚打喪屍》漫畫化 誰是主筆等余兒開估

拿,余兒呢個Post係11月3日出嘅,曰:「好耐無搞漫畫,今次有啲啲壓力,因為⋯⋯《今晚打喪屍》漫畫化決定!主筆犀利嘞,大家估下係邊個?」而我遲遲都唔報呢單News,係因為等開估,點知等到今日11月8日,余兒都仲未肯爆料邊個畫,有人估夏偉義,有人估牛佬,洪永仁、伍永新、白金龍、上官小明、葉偉青、胡紹權、甘小文、上官小寶、上官小威、黃水斌甚至連黃玉郎同馬榮成等等都有人估……余兒,究竟幾時開估?幾時出?乜形式推出?好期待。諗諗吓,一本純本土創作嘅小說先電影化再漫畫化,都咪話余兒唔叻仔,讚!

Read more ›
咁賤都得?冒充水斌親筆畫拎去賣?
by / on 27/10/2016 at 9:00 am

咁賤都得?冒充水斌親筆畫拎去賣?

瀏覽面書,忽見黃水斌出Post,附兩張畫作,一聶風一步驚雲,並留言曰:「在網上看到的,此君無相神功確有一手,可惜簽名就…………」嘩!有人模仿佢畫風兼冒充簽名,此舉有可動機?唔通誠如讀者Yuk Fai Yeung所講:「既然畫到咁,係咪又攞出去呃錢?」如果真有其事,咁就真係乖乖不得了,扮主筆親筆畫拎去賣,真係賤到無人有!不過我相信都幾難呃到人,一,誠如水斌所言,簽名唔似,筆跡呢家嘢,根本點「無相」都「無相」唔嚟;二,畫作徒具其形,無其神髓,步驚雲一幅都尚可,聶風一幅線條唔夠綿密,透視都有啲錯,個眼罩畫得古古怪怪咁,畫功同水斌起碼差兩班。等錢使呢家嘢我梗係明,親筆畫有市有價我都明,但真係唔該唔好渾水摸魚囉,尊重吓主筆們好唔好?

Read more ›
超Sexy美少女擺心口 Fruit Punch time第五彈開訂
by / on 29/09/2016 at 9:00 pm

超Sexy美少女擺心口 Fruit Punch time第五彈開訂

越來越發覺黃水斌份人都幾有趣,Fruit Punch Tee第五彈推出之初,先喺面書登一張美少女全身圖,留言話:「主題係……明天公報!」好嘞,到咗明天嘞,佢又登兩張圖,大頭美少女圖與靚股配波鞋圖各一張,即係又要人估主題啦;Finally,終於有真身睇嘞,Wow,主題原來係「Just Do It」,圖案原來係全裸美少女肉體橫陳零舍銷魂,誠如佢咁話:「喜歡的便放膽試!」咁Sexy,你又有無膽著出街呢?照舊每件$280,照舊12件,有興趣快快PM水斌啦。

Read more ›
向Mark哥致敬 黃水斌Fruit Punch Tee第四彈登場
by / on 23/09/2016 at 2:45 pm

向Mark哥致敬 黃水斌Fruit Punch Tee第四彈登場

黃水斌Fruit Punch Tee去到第四彈,今次主題係「向喜愛的電影角色致敬」,即係邊個呢?即係發哥囉,咁即係發哥邊個角色呢?咁梗係《英雄本色》Mark哥啦。不過據水斌喺面書講,由於涉及肖像權問題,所以第四彈會註明「Not for sale」,即係唔會公開發售,新Tee會用眾籌形式推出,價錢同樣係$280,Tee係黑色Tee,隨Tee送多張原畫相片,有興趣嘅朋友可以直接PM水斌。

Read more ›