fbpx

Tag: 黃書慶

網圖分享:說好了的「金鐘救地球」呢?

網圖分享:說好了的「金鐘救地球」呢?

唔盲撐,由最初〈無名罪〉篇發展至今,《新著龍虎門》劇情都好多Bug吓,搞到好多讀者都睇到O晒嘴係鐵一般的事實。唔係面書朋友仔黃書慶畫呢個三格漫畫,我都差啲唔記得有這麼的一回事了,係呢,說好了的「金鐘救地球」呢?金羅漢去咗邊?點解講講吓無晒影嘅?希望編劇加番多兩錢肉緊,好好執番順啲橋喇。加油,一個港漫死忠上。

Read more ›

《漫畫賓治2》12月3日出版 課金支持唔好得個講字

《漫畫賓治2》12月3日出版 課金支持唔好得個講字

都係嗰句,支持港漫唔係得個講字,要用實際行動,即係課金,難得有班有心人搞興個市,我哋係咪好應該擺低$88以示鼓勵呢。且看12月3日出版嘅《漫畫賓治2》陣容──陸志明、鄭少現、陳明、Yas、上官小威、上官小洪、張萬有、甘小文、謝志榮、少傑、鄧本邦、黃書慶、梁偉家、金城、郭小峰、Ah Wah、Cody、Joe Wong、李紅劍、周蔭龍、小魚毛等等,唔敢話個個都識,唔敢話個個手畫都啱你睇,但拎上手嗰種沉甸甸手感,正正係實體書先畀到你嘅睇公仔書味道。唔使諗,撐喇,好睇嘅,追買番第一期都唔過份。

Read more ›
繼續真心撐港漫 《漫畫賓治2》11月推出

繼續真心撐港漫 《漫畫賓治2》11月推出

即係咁,出得第二期,即係創刊號銷情唔錯喇,講緊嘅係《漫畫賓治》,已經正式截稿,並鐵定嚟緊11月推出第二期,當真可喜可賀。內容方面,第二期《漫畫賓治2》有李紅劍《虫變》、金城《重新》、Joe Wong《James come true》、黃書慶《笑傲江湖》等等,搞手喺面書咁話:「在此感謝今次所有賜稿的嘉賓主筆,當中包括:頂級主筆、行內高手、幕後精英、業餘畫手及隱世高人等的大力支持協助……希望各位只求付出,不問收穫的無私精神,讓港漫一直延續,多謝。」讓港漫一直延續,亦我心願也,希望撐咗創刊號嘅朋友撐埋第二期,無買創刊號嘅一次過買齊兩本喇,多多捧場呀老友。

Read more ›