fbpx

Tag: 麵包

【有片】日本麵包店新系統      自動識別麵包款式高科技

【有片】日本麵包店新系統 自動識別麵包款式高科技

去親日本都好鍾意買麵包食,估唔到而家嘅麵包店進步到有自動辦識收銀系統,照一照盤上面嘅麵包,就可以自動識別數量、款式、價錢,每款麵包仲會自動退地顯示喺價錢表上面,有咗佢店員收錢就快好多嘞。有日本網民影咗相放上Twitter,即刻吸引好多人留言討論。網民仲放返之前電視介紹過嘅石川縣「神級麵包女店員」影片,店員望住10款麵包可以使出摩打手打打打打快速輸入,超強記憶力令人一睇難忘,入嚟有回帶。不過,有咗呢部機之後佢咪無晒發揮空間?

Read more ›

【有片】日本即食丸子新煮法 夾麵包變飛碟超美味

【有片】日本即食丸子新煮法 夾麵包變飛碟超美味

櫻井翔最近有個CM宣傳新食品「おにぎり丸」,呢粒肉丸可以放入飯團度當食材,30分鐘自然解凍,都幾方便。不過有網民就發現新食法,佢買咗咖哩豬肉丸,用兩塊麵包夾實佢再烘一烘,飛碟造法,呎吋啱啱好,咬開嘅時候啲肉汁咇晒出嚟超美味,睇完好想試!

Read more ›
日本超可愛兔仔麵包    網民Twitter留言:「好想試!」

日本超可愛兔仔麵包 網民Twitter留言:「好想試!」

日本人出品嘅食物經常有驚喜,最近喺Twitter熱傳嘅有呢款兔兔麵包,有網民喺東京新高円寺駅附近嘅「兔座」買到,好似法式麵包,但就變咗兔仔頭造型,輯相放上Twitter後好多人RT,大家都話要去買嚟試吓。咁得意,會唔捨得食先?

Read more ›
【有片】堅整!搓麵粉發酵 超小型焗爐焗麵包

【有片】堅整!搓麵粉發酵 超小型焗爐焗麵包

  迷你廚具見好多,不過真係拎嚟用嘅……由搓麵粉到發酵再放入焗爐,真係整到喎,之後仲要切片搽果jam……

Read more ›
日本油揚豆腐銀包 超像真仲有白麵包iPhone套

日本油揚豆腐銀包 超像真仲有白麵包iPhone套

呢個日本油揚豆腐銀包超正,由日本嘅Design Studio GOES設計。無多餘嘅裝飾,面層仲要有啲凹凸不平,令令哋油油哋,仲有炸完嘅彎彎曲曲感,打開之後有幾個裝咭位,拎住佢出街俾錢一個字:型。另外佢哋仲設計過白麵包嘅iPhone套,一樣超特別,唔知有無機會量產呢?

Read more ›
日本《妖怪手錶》麵包死士親試 咬開一半似喪屍

日本《妖怪手錶》麵包死士親試 咬開一半似喪屍

日本便利店經常都有動漫角色麵包買,中伏圖都見唔少。由10月18日起Family Mart就推出咗呢個《妖怪手錶》朱古力包(ジバニャンまん),無錯,入面嘅餡料係朱古力,甜甜哋‥‥‥真係要有一定勇氣先買得落手。每個連税200円。有死士買咗食咗再放埋上2ch討論區。未食前個樣像真度都算唔錯,起碼無浮晒水氣個樣溶晒咁,不過一咬開‥‥‥點解好似喪屍咬到一口血咁?如果小朋友見到應該會喊。不過有網民留言話:「比起史萊姆個肉包已經算好好。」我完全同意。

Read more ›

【超騎呢】日本人面麵包扭蛋 睇見唔開胃好想儲

【超騎呢】日本人面麵包扭蛋 睇見唔開胃好想儲

日本扭蛋出名設計古怪,繼我最鍾意嘅奇譚之後,最近呢間扭蛋公司「バカねプロダクション」都好有潛質,第一彈推出嘅扭蛋已經好驚喜。呢款人面麵包,一式四款,有豆沙包、咬咗一啖嘅豆沙包、多士同咖喱雞包,每個麵包上面都有個超迫真嘅人面,見到都唔開胃,但又好想儲喎。預計10月推出,到時去開日本記住留意吓嘞。

Read more ›
【好肚餓】日本人氣麵包教室 自製超靚龍貓/蛋黃哥麵包

【好肚餓】日本人氣麵包教室 自製超靚龍貓/蛋黃哥麵包

早排好興麵包機,身邊嘅女朋友或者媽咪可能都整過俾你食,不過而家玩厭咗冰封咗,想食?都係自己落麵包舖買算嘞。不過日本呢位媽咪就唔同,佢每日都會整唔同嘅麵包,而且喺東京開咗間麵包教室「Konel Bread」。佢嘅絕技係喺麵包上面製作圖案,由卡通角色龍貓、蛋黃哥,以至水果類西瓜、奇異果,再到另類啲嘅豹紋、班馬紋都有,好多圖案靈感都係嚟自佢嘅囝囝嘅繪圖。另外食材色素全部都係用全天然物料,食得放心。

Read more ›
【唔食得】日本麵包/荷包蛋變家品 超像真居家必備

【唔食得】日本麵包/荷包蛋變家品 超像真居家必備

日本出嘅家品經常有驚喜,最近呢款麵包椅同荷包蛋被就好受網民歡迎。首先個麵包有4段調節,坐地下睇書打機時挨住佢爽爆,而且唔算貴,賣5378円。另外仲有張同荷包蛋一樣嘅被,開著冷氣時用嚟冚吓腳都得,賣2678円,兩樣都像真度極高,好想買晒佢!

Read more ›
【肥仔手】日本Twitter熱傳BB手   一節節肥到似麵包

【肥仔手】日本Twitter熱傳BB手 一節節肥到似麵包

好多BB嘅手都肥嘟嘟好似米芝蓮人咁,好得意,最近日本有網民就將佢嘅BB嘅手同麵包做對比,估唔到出奇地相似,輯相仲好多人狂RT。不過呀B個樣似乎唔多滿意。係囉點解會食到咁肥架?

Read more ›
【又出事】雞仔麵包焗出禍 似大火後逃生雞群

【又出事】雞仔麵包焗出禍 似大火後逃生雞群

日本囡囡好鍾意烹飪,不過又經常失手,今次嘅完成品實在太慘烈,所以好多人喺Twitter瘋狂RT。本來一盤麵包有16隻可愛雞仔,兩粒粟米扮嘴仔好可愛,但係焗完出嚟之後‥‥‥好似籠入面有大火,一班燒燶晒嘅雞仔想衝出籠外嘅感覺,個嘴變咗孖潤腸,好慘。入嚟有得回帶睇返女子偶像組合成員「橘エリ」之前整嘅爆炸版麵包超人,唔,都係出街食安全啲。

Read more ›

鍵盤戰士有嘢食 Keyboard窩夫配滑鼠麵包好飽肚

鍵盤戰士有嘢食 Keyboard窩夫配滑鼠麵包好飽肚

鍵盤戰士都要食嘢嘅,呢款Kickstarter集緊資嘅Keyboard窩夫倒模啱晒!今個月到貨,每個窿都可以放唔同嘅嘢食,放粒藍莓又得,放啲蜜糖又得,不過都唔夠隻Mouse滑鼠吸引,一包五嚿有齊唔同味,唔駛自己煮,打開就食得,最啱一邊單手食一邊打keyboard。

Read more ›
【超靚】日本IG麵包達人 隔住芒都聞到香味

【超靚】日本IG麵包達人 隔住芒都聞到香味

星期日朝早起身食麵包是常識,我指食麥當勞嘅麵包,如果有今次介紹呢啲咁靚嘅麵包做早餐,真係爽死。呢位IG戶口名umi0407嘅麵包達人,好鐘意整動漫角色嘅麵包,首選係啡色嘅LINE公仔熊大、鬆弛熊,其餘仲有龍貓、Winnie The Pooh、多樂貓、Snoopy等等。唔似一般好重色素嘅蛋糕或麵包,佢嘅製成品睇落好天然好美味,隔住芒都聞到麵包香。加上影啲相又靚,難怪好快已經儲咗大班fans,幾時出書教吓天下間嘅豬妹呀?

Read more ›
【找錯處】狗狗巨躉似麵包    越望越肚餓

【找錯處】狗狗巨躉似麵包 越望越肚餓

狗狗同麵包有乜嘢共通點?睇完呢幾張相應該會明晒。呢隻好可愛嘅狗狗喺twitter好多人RT,雖然佢面尖尖,但就有個超級巨躉,又圓又多肉,加上毛色嘅分佈,有網民就發現同我哋平日食嘅麵包好相似,睇完有無啲肚餓?

Read more ›
日本黑貓之手麵包    肉球變白朱古力

日本黑貓之手麵包 肉球變白朱古力

好得意!貓貓嘅手仔軟棉棉好好摸,尤其是日本人稱為肉球嘅幾嚿肉仔,得意到無朋友。大阪酒店「大阪新阪急ホテル」為咗慶祝開業50週年,酒店入面間麵包舖會賣呢隻叫做「黒猫の手」嘅麵包,肉球變成白色朱古力,手仔中間夾住朱古力醬,一隻手賣230円,最怕你唔捨得放落肚。

Read more ›