Post Tagged with: "麥當勞"

麥當勞x Kitty精品 係時候食漢堡包
by / on 12/07/2013 at 12:00 pm

麥當勞x Kitty精品 係時候食漢堡包

又嚟喇喂,麥當勞同Hello Kitty都唔知聯乘過幾多N次,家陣又推出甚麼「Circus of Life」馬戲團精品套裝啦,作為一個稱職嘅男朋友,都唔使女朋友出聲,都應該自動自覺食漢堡包啦。

Read more ›

補完報導 日本麥當勞 1,000円尊貴漢堡 靚盒裝有說明書
by / on 06/07/2013 at 8:31 pm

補完報導 日本麥當勞 1,000円尊貴漢堡 靚盒裝有說明書

今日晏晝報導咗今日同下周六同下下周六,日本麥當勞都會推出一日限定嘅1,000円貴價漢堡,1,000円唔係餐喎,齋包喎!咁今日就有日本傳媒走去買嚟食,嘩勁,純白色硬盒,仲有個襯番色嘅紙袋,最搞笑係有「說明書」,話你聽個包用咩整!趟出個盒,個漢堡仲有條白色紙條圍住!呢種尊貴嘅享受,1,000円就得到……仲有,849kcal。

Read more ›
新片速報 1,000円個包 日本麥當勞1日限定黑松露包
by / on 06/07/2013 at 2:57 pm

新片速報 1,000円個包 日本麥當勞1日限定黑松露包

麥當勞成日靜靜加價,但如果同你講佢出咗一個新包賣1,000円,即係70幾蚊港幣,唔跟薯條冇汽水,你點睇?日本麥當勞就推出咗3款新包,煙肉、菠蘿嘅Gold Ring、黑松露汁嘅Black Diamond、腸、牛肉嘅Ruby Spark,分別喺今日、13日同20日期間限定,每款包只賣1日!加200円先有餐!睇完條片,去開日本我都唔會用70幾蚊去買。

Read more ›
新片速報 涉谷排隊1000人 等試麥當勞新包
by / on 20/06/2013 at 7:13 pm

新片速報 涉谷排隊1000人 等試麥當勞新包

日本麥當勞除咗送杯之外,仲推出咗兩款新包「クォーターパウンダーハバネロトマト」同「クォーターパウンダーBLT」,有辣有唔辣,而且仲搵咗本田圭佑賣廣告(入嚟有得睇)。而喺今日(20日)仲喺涉谷搞咗個活動,就係試食新包之餘,頭1000人仲有一件限量Tee,於是,喺微雨之下都引嚟1000人排隊!據報導仲話要等3個鐘先可以入到舖頭食呢個「快餐」!真係咁想要?定一話真係咁鍾意排隊?入嚟有現場片睇。

Read more ›
新片速報 日本麥當勞一樣送杯 仲有影相App
by / on 19/06/2013 at 10:17 pm

新片速報 日本麥當勞一樣送杯 仲有影相App

香港麥當勞又有杯換,原來日本都一樣送緊呢套杯,不過仲有個影相app俾你下載。只要用AR實景功能影吓張宣傳紙,就可以進入影相模式,啲玻璃杯變到識行catwalk,咁你就要捕捉佢哋嘅動作,另外入嚟亦有日本版嘅廣告片睇。但係我想講,以呢個杯嘅形狀,再變成識行識走識彎軟綿綿,我睇見有少少覺得……好似……有啲唔妥當嘅地方。

Read more ›
內地麥當勞奇觀    熱情男揚威海外
by / on 16/06/2013 at 9:58 am

內地麥當勞奇觀 熱情男揚威海外

內地麥當勞又揚威海外,呢張貼圖喺日本網站見倒,首先呢間加咗擋風玻璃,十足銀行櫃位嘅內地麥當勞已經令人大開眼界,再睇睇圖中呢位熱情顧客,居然可以完全無視呢個設計,將半個身監生攝入櫃位!難怪成為外國人眼中一大奇景。老實,點解要裝玻璃?估計都係啲人太熱情,成日將個身貢埋櫃位噴晒口水花嚇親店員,不過我最想知係當職員擰轉身見倒呢個熱情顧客時會有咩反應,同埋呢個顧客點樣先可以將自己轉返出嚟。

Read more ›

全球唯一 美國Sedona 綠色麥當勞
by / on 09/06/2013 at 11:55 am

全球唯一 美國Sedona 綠色麥當勞

香港嘅麥當勞,間間都播唔同歌,聽講好似播歌都有少少規限,咁到底係咩呢?有冇麥記員工可以話我知?好喇,無論佢哋播咩歌、啲員工有冇禮貌,個標誌都係紅底黃色M字吖?其他顏色真係未見過。我唔知呢間嘢已經開咗幾耐,但事實係美國亞利桑那州嘅Sedona就有一間麥當勞係用綠色M字做標誌,據知係話要襯番嗰個區嘅環境喎……

Read more ›
麥記奇景大集合 進擊之叔叔有女友 發霉薯條燭光8號餐
by / on 05/06/2013 at 11:23 pm

麥記奇景大集合 進擊之叔叔有女友 發霉薯條燭光8號餐

係,我唔係食家,我同麥當勞叔叔好好朋友,雖然我知食得多冇益,但8號餐對我嚟講吸引力真係好大,仲有麥旋風、脆香雞翼、麥樂雞……不過你有冇留意麥當勞入面會有咩奇景?自從大量自由人湧入,我哋都睇唔少,不過點都唔夠外國勁,有超巨型幾層樓高嘅進擊之叔叔,又有真人版,仲有女版叔叔,又有人騎馬去買外賣,有個廁所頂仲有個叔叔踎喺度……不過又咁講,佢哋冇人去強國嘅麥記啫,否則更多嘅奇景都應該有。

Read more ›
Joker頭麥當勞身   邪惡coser入型入格
by / on 01/06/2013 at 8:13 am

Joker頭麥當勞身 邪惡coser入型入格

佢究竟係慈祥嘅麥當勞叔叔,定還是邪惡嘅Joker?呢個coser好入戲,其實齋睇塊面,真係成個Joker咁款,不過纖瘦身形又好襯當勞叔叔。好喇,我唔再夾硬拉長呢段新聞,因為對唔住,我真係搵唔倒出處,我只係知呢張相由攝影師DTJAAAAM操刀,而望住佢我又有啲肚餓。

Read more ›
日本熱氣王 100磅日女一次食8包薯條 Mega Potato每包重341g
by / on 26/05/2013 at 5:57 pm

日本熱氣王 100磅日女一次食8包薯條 Mega Potato每包重341g

開飯時間!唔怕同你講,就算個個都話嗰啲係垃圾食物,但我真係好鍾意食麥記,一個星期唔食番三兩餐都唔安樂。唔知你哋有冇試過,叫細薯條唔夠食,叫加大餐食晒包薯條時都會有啲失落感,係,我知好熱氣,但其實我每次內心都有個疑問,就係到底我一次過可以食幾多包大薯條呢?日本有傳媒就搵咗一個100磅嘅日本女仔嚟試,佢用咗2個鐘,食咗8包,即係4,568個calories,佢仲話狀態好其實可以食到10包……另外佢哋亦都搵咗日本早前推出嘅Mega裝薯條嚟磅一磅,發現每包係重341g,多大裝薯條1倍!順便講埋,中薯條係135g,細薯條係74g。

Read more ›
老麥蘋果薯條    唔怕熱氣生暗瘡
by / on 22/05/2013 at 4:48 pm

老麥蘋果薯條 唔怕熱氣生暗瘡

日本麥當勞推出加大碼薯條,有網民就自製蘋果薯條,除咗一條條蘋果似足肥版炸薯條之外,連個麥當勞盒都係用蘋果雕成,厲害!食晒成包都唔怕熱氣唔怕生暗瘡,最啱用嚟呃啲好鐘意食薯條嘅小朋友,不過可唔可以炸炸佢先,香口啲。

Read more ›

日本超大薯條開賣 原料價62.3円賣490円!?
by / on 19/05/2013 at 3:13 pm

日本超大薯條開賣 原料價62.3円賣490円!?

日本麥當勞冇碟頭飯冇黑白漢堡,但就喺早兩日(17日)出咗超大薯條Mega Potato,我哋之前都報導過,賣490円。不過喺佢出咗冇耐,好快就有人拎佢出嚟同其他裝嘅薯條比較,網上仲流出一啲資料,話呢包Mega Potato其實成本價只係62.3円,50.85円係薯仔,11.45円係包裝,咁……

Read more ›
日本麥記開心Share 超大薯條現真身
by / on 12/05/2013 at 3:13 pm

日本麥記開心Share 超大薯條現真身

今日母親節,冇得食麥當勞啦?之前都報導過,日本網上流傳一個巨型薯條包裝紙兜,證實之後,呢個唔知叫Mega Potato定Share Potato嘅超巨大裝薯條將會喺周中發佈,並會喺5月17日試賣、5月24日喺日本各麥當勞正式開賣,490円,7.7算都要$37港幣!有日本傳媒就得到呢張真身相片,埋去中薯條側邊比一比,350g嘅超巨裝大過143g嘅中薯條一倍唔只,其實日本喺2011年都賣過超大薯條,不過當時就係長型(入嚟有片回帶),今次就向橫發展,咁大包,如果唔同人Share,肯定熱氣到爆。

Read more ›
分甘同味 日本麥當勞推出加大裝2人前薯條!?
by / on 05/05/2013 at 5:26 pm

分甘同味 日本麥當勞推出加大裝2人前薯條!?

呢個傳聞,係日本2ch傳出,仲有圖有真相。而之後,就俾自稱為日本麥當勞員工嘅網友「證實」。傳說呢款曾經喺2010年聖誕期間推出過嘅巨型薯條,即將會喺嚟緊5月17日回歸日本麥記,而且仲會改個名做「Share Potato」,賣490円。即係兩個人食一包薯條好Sweet?你女友陪唔陪你食麥當勞o架?

Read more ›
日本傳媒單車測試 麥當勞免提薯條座
by / on 28/04/2013 at 5:33 pm

日本傳媒單車測試 麥當勞免提薯條座

之前都報導咗,日本麥當勞喺4月24日開始出咗個薯條架,俾大家喺車度用,放包薯條上去邊駕車邊食熱氣嘢,浪漫囉,起碼好過香港啲麥頭飯。咁到底呢個座實唔實用呢?有日本傳媒就換咗個做實試,不過佢唔用車,用單車,一邊踩車一邊食薯條,雖然冇得點茄汁,而且應該好快凍,但嗰份情懷,真係唔知去邊度搵到。  

Read more ›