Post Tagged with: "麥當勞"

有片   麥當勞時光隧道    特高櫃枱大人專用
by / on 09/02/2014 at 12:34 pm

有片 麥當勞時光隧道 特高櫃枱大人專用

打定底,唔係最新,不過幾得意好想分享吓。細細過去麥當勞嘅興奮感覺你仲記唔記得?秘魯嘅麥當勞為咗令一班大人重拾那些年去麥當勞嘅感覺,特別將其中一間麥當勞嘅櫃枱位造高咗,咁大人去買嘢食時就要抬起個頭落order,十足當年小朋友買嘢時嘅感覺,入嚟有片睇。但係,如果真正嘅小朋友滿心歡喜走入呢間麥當勞,連櫃枱嘅姐姐都望唔倒,會唔會喊呢?

Read more ›

新片速報 麥當勞反擊 公開麥樂雞製作影片
by / on 04/02/2014 at 4:47 pm

新片速報 麥當勞反擊 公開麥樂雞製作影片

網上一直都流傳一張粉紅色肉條嘅相片,耐不耐就回帶,聲稱係製造麥樂雞嘅原料……好喇,喺今年美國超級碗期間,麥當勞就出咗條片,企出嚟澄清,仲帶埋我哋入去加拿大嘅Cargill製作工場,睇吓點樣用雞肉製作麥樂雞。不過俾你拍得放片上網,梗係好睇好食啦……算啦,反正我信了,因為我真係好鍾意食麥樂雞配燒烤醬……

Read more ›
食漢堡包正確手勢   日本節目科學分析
by / on 03/02/2014 at 11:56 am

食漢堡包正確手勢 日本節目科學分析

有無發覺食漢堡包時,啲餡料經常會喺周圍跌出好尷尬?仲有啲茄汁或者沙律醬食得太投入時都會從後咇出‥‥‥日本電視節目《ホンマでっか》最近就搵咗幾位科學家做分析,教大家拎漢堡包嘅正確手勢,仲將漢堡包變成粒子做模擬圖分析,好專業。總括係要每邊三隻手指喺包上面輕按,底部就每邊用手指公同尾指托住,咁樣包嘅餡料就會向前推唔會四散,主持人仲即場示範。有無興趣轉頭落麥記做返個實驗?

Read more ›
最近北極麥當勞 聖誕老人買套餐
by / on 08/01/2014 at 12:40 pm

最近北極麥當勞 聖誕老人買套餐

雖然聖誕過咗,但係有日本網站就做咗篇報道,係去探訪最新北極嘅一間麥當勞。呢間位處於芬蘭Rovaniemi City嘅麥記,24小時營業,係最新聖誕老人村嘅麥記,而且距離北極圈只係10KM,所以店舖入面都大晒喺北極光下食包呢個賣點,望落好Warm喎。

Read more ›
日本麥記玩懷舊   重溫50年代美國風味
by / on 28/12/2013 at 12:58 pm

日本麥記玩懷舊 重溫50年代美國風味

台灣麥當勞又空姐又女僕,香港就有曾志偉,咁日本呢?啱啱都宣佈有新推廣,由1月7日開始會重新推出美國麥當勞50年代嘅經典食物,連宣傳海報都懷舊過人。暫時見倒有一款雙層牛肉漢堡配芝加哥牛扒汁加薯茸,仲有一款炸雞漢堡配車打芝士加蜜糖芥末醬,不過最吸引我都係款薯條,面層有半溶芝士同煙肉碎,睇見都流口水。緊接50年代之後仲會有70年代美食,由1月底開始,最近去開日本,除咗食拉麵仲可以食埋老麥。

Read more ›
終於來了!女僕、空姐之後 台北麥當勞現水手服店員
by / on 27/12/2013 at 10:55 am

終於來了!女僕、空姐之後 台北麥當勞現水手服店員

前日女僕,噚日空姐,今日仲有水手服!台北麥當勞今次跨年「變裝主題派對」去得好盡,盡到我好想飛過去台灣食一個8號餐。據知活動會去到1月2日,薯條仲有得買一送一,太過份!太過份喇!香港竟然只係得曾志偉……  

Read more ›

【有片】女僕之後變空姐 台北麥當勞跨年玩大佢
by / on 26/12/2013 at 9:37 pm

【有片】女僕之後變空姐 台北麥當勞跨年玩大佢

噚日(25日)報道咗台北館前嘅麥當勞姐姐變女僕,原來仲有新嘢,台灣蘋果今日報道小巨蛋店已經有新一波空姐制服,佢哋係為誇年嘅「變裝主題派對」做準備,各店嘅店員會都著上變裝制服為食客服務……照常理咁計,女僕、空姐之後,好正常應該係護士、水手服、啦啦隊服、旗袍……我個排名係咁囉。

Read more ›
有相有片 台北麥當勞 變身女僕餐廳
by / on 25/12/2013 at 1:15 pm

有相有片 台北麥當勞 變身女僕餐廳

嗚呀!台灣真係一個好地方,繼上年除夕嘅女僕主題店之後,今年又嚟,而且仲喺聖誕期間嚟咗個預演。可能因為上年反應好到日本網都瘋傳,所以今年制服同囡囡嘅質素都好高,而且唔係Model呀,而係真店員!當中仲有曾經被台灣蘋果稱為麥當勞之花嘅張楚珊(入嚟有佢facebook)!有台灣blogger已經去咗呢間館前店拍咗女僕們點餐時嘅影片,仲影咗大量相片,入嚟睇完之後,再落樓下間麥當勞,我見到曾志偉話今次我點都會中……落差會唔會太大。

Read more ›
那些年食老麥   經典設計回顧
by / on 13/12/2013 at 10:37 am

那些年食老麥 經典設計回顧

仲記唔記得細過食老麥嘅興奮心情?外國網Guardian將經典麥記包裝放上網比大家重溫,睇返當年嘅麥包盒唔係紙製而係好似發泡膠嘅包裝,仲有朱古力杯都好懷舊,唔講唔知,原來麥記都有出過Pizza,仲有筷子餐具比大家用,有啲包裝我都唔肯定係外國先有定係我出世前嘅產物,入嚟慢慢懷舊吓,睇完我又想食麥記。

Read more ›
日本麥記送瑪利奧精品    任天堂主攻小朋友市場
by / on 18/11/2013 at 7:17 am

日本麥記送瑪利奧精品 任天堂主攻小朋友市場

香港嘅麥當勞開心樂園餐最近送緊Paul Frank精品,馬騮仔我麻麻,反而日本麥當勞嘅瑪利奧精品我有啲興趣。可能任天堂都知PS4同XBoxOne勢如破竹,所以今個月主攻小朋友市場,一式八款玩具11月22日起喺日本麥記買開心樂園套餐就有,主打係瑪利奧,不過都有一款公主同恐龍仔。最正係玩具有埋聲效,例如捐水管,過關拉旗仔嘅聲都有埋,一連三個星期,有無人去開日本幫我換返隻?

Read more ›
新片速報 走過窮人大地延續篇 麥當勞100円包日傳媒試食
by / on 04/10/2013 at 5:51 pm

新片速報 走過窮人大地延續篇 麥當勞100円包日傳媒試食

早前都報道咗日本麥當勞會喺今日(4日)推出一個100円煙肉芝士包,勝在夠平嘛。但原來呢個包已經喺20個國家嘅麥當勞推出過,外國仲有人影過相分享,真紙咁薄!咁去到日本會點呢?日本有傳媒即時買咗嚟食……至於條新片,就係呢個包嘅廣告,兩位西人……

Read more ›

新片速報 日本麥當勞廣告 瘋狂小孩好恐怖
by / on 02/10/2013 at 6:24 pm

新片速報 日本麥當勞廣告 瘋狂小孩好恐怖

嘩呀呀呀!我都話小朋友好恐怖o架啦!日本嘅開心樂園餐唔知係咪真係咁愛小朋友歡迎,最新個廣告入面啲小朋友見到啲玩具好似Take咗嘢咁,手腳唔受控制,面部表情扭曲……其實早喺2011年,開心樂園餐廣告嘅瘋狂小孩已經出咗名,仲俾2ch班友惡搞咗個remix版,笑點滿載。

Read more ›
新片速報 Burger King巨型薯條   免費WiFi站
by / on 27/09/2013 at 8:06 am

新片速報 Burger King巨型薯條 免費WiFi站

薯條之中,我最鍾意呢種粗身嘅扭紋款式,諗起都想食。Burger King最近出咗呢款扭紋薯條,脂肪卡路里仲減咗幾十%,為咗宣傳吓,整咗一大堆超巨型薯條放喺紐約、洛杉磯同埋芝加哥嘅路中心,行埋去就有免費Wi-Fi用,上面大大隻嘅hashtag「#WTFF」唔係粗口,而係「What the French Fries」咁解,隻薯條就叫Satisfried,嘩,食字都食到飽。

Read more ›
43個麥當勞飽層層叠     嚇親麥叔叔
by / on 19/09/2013 at 7:33 am

43個麥當勞飽層層叠 嚇親麥叔叔

之前日本好興喺麥當勞狂嗌薯條,再倒埋一堆營造震憾場面,外國呢?有麥當勞死忠Nick哥竟然將43個不同種類嘅飽堆埋一齊,效果一樣好震憾,仲用咗美金$140.33。佢仲走去搵麥當勞叔叔同佢合照,不過玩完之後呢堆飽相信要掉咗佢先得,嘥咗啲喎!

Read more ›
麥記手機app   落單比錢一次過
by / on 13/09/2013 at 7:43 am

麥記手機app 落單比錢一次過

麥記最近再推將軍漢堡,搞到編輯錢兄餐餐狂食。美國Bloomberg報導,德州Austin等幾個地方,而家試行緊顧客用手機app自己落order同埋比錢,估計可以加快交易時間,尤其專為揸車人士而設嘅公路麥記最啱用。不過唔知用手機落order會唔會減低執漏或者執錯食物嘅風險?因為我嘅個人經驗係,十次去麥記買嘢食,總有兩次會執錯執漏,返到屋企先發現嬲到爆。 BTW,呢張圖係香港出名嘅偽娘Coser嚟。

Read more ›