Post Tagged with: "麥當勞"

有片   麥當勞芝士漢堡   消化後變黑色爛泥狀
by / on 05/08/2014 at 8:04 am

有片 麥當勞芝士漢堡 消化後變黑色爛泥狀

最近麥記搞到滿城風雨,我哋最鐘意食老麥嘅編輯錢無義都戒咗一排,睇嚟影響真係好大。無老麥食不妨翻睇吓之前有科學家做嘅實驗。佢哋將一個芝士漢堡放入同人體一樣嘅胃酸液體裡面,睇吓浸佢一排之後會變成點。結果?就係變成一堆黑色好似污泥嘅物體,我唔知係咪任何食物落肚之後都係咁,如果係,呢個實驗者都幾大整蠱。不過,溶溶爛爛都幾核突吓,睇完希望可以暫時抑制到錢編輯嘅食慾啦。

Read more ›

有片    內地網民狂玩「買雪糕不要分心」   店員反擊
by / on 11/07/2014 at 7:17 am

有片 內地網民狂玩「買雪糕不要分心」 店員反擊

呢條「買雪糕時不要分心。」嘅短片好多人都睇過,唔夠一個月已經有240萬個點擊。條片講居住喺澳門嘅女主角邊玩電話邊攞麥記店員遞上嘅雪糕,點知一手抓走咗上層嘅軟雪糕,留低揸住雪糕筒呆咗嘅店員。中國內地網友睇完覺得好好玩,紛紛有樣學樣走去麥記玩餐飽,大量GIF喺新浪微博瘋傳。你有你玩,店員都有應付方法。不過話時話,咁樣好浪費食物喎!

Read more ›
17款得意斑馬線    麥記薯條打橫瞓
by / on 09/07/2014 at 7:09 am

17款得意斑馬線 麥記薯條打橫瞓

每日我哋都會經過斑馬線,外國好多廣告都利用斑馬線做宣傳,例如將斑馬線變成麥當勞薯條、魚骨、鋼琴、拉鍊甚至3D畫。外國有網站搜羅咗世界各地17款特別嘅斑馬線設計,印象中香港好似未見過咁有特色嘅斑馬線,有嘅只係一班經常亂過馬路嘅人。

Read more ›
史上最hea二十個求婚方法     麥記 / facebook成求婚熱點
by / on 06/07/2014 at 2:29 pm

史上最hea二十個求婚方法 麥記 / facebook成求婚熱點

求婚呢啲嘢豐儉由人,睇得多超豪華嘅求婚過程,不如換個角度,睇吓史上最hea嘅20個求婚方法。由外國網喺網上搜羅返嚟,以為將隻戒指夾喺麥香雞包或者茄汁入面hea?原來天外有天,人外有人。當中喺facebook或者whatsapp求婚最求其,面都唔駛見,入嚟開吓眼界,下次做智囊團可以獻計比班豬朋狗友。

Read more ›
麥當勞新角色Happy變Scary    網友惡搞狂玩
by / on 04/06/2014 at 7:09 am

麥當勞新角色Happy變Scary 網友惡搞狂玩

幫麥當勞叔叔換完新裝後,最近麥當勞又有新嘢玩,就係推出咗個叫「Happy」嘅新角色,呢個Happy仔概念嚟自開心樂園餐個盒,衰在個樣有啲恐怖,外國網友索性幫佢改名叫「Scary」,因為話佢會嚇親細路。為咗證實Scary有幾驚嚇,網友落力整咗大量惡搞圖,將佢key落《午夜兇鈴》、《驚魂記》(Psycho)、《閃靈》以至《大白鯊》,睇落感覺好和諧,而且佢隻眼仲好有胡迪feel,潛力無限。

Read more ›
日本至尊漢堡手鈪套裝   隨意走芝士走生菜
by / on 02/06/2014 at 11:44 am

日本至尊漢堡手鈪套裝 隨意走芝士走生菜

初頭睇呢張相,我以為自己肚餓得濟出現幻覺,睇真啲,原來真係由漢堡佨組成嘅手鈪套裝。每隻手鈪都係漢堡包嘅其中一部份,想走芝士、走生菜隨你話事,簡單拎走其中一隻鈪就得,好方便。由日本時裝品牌FACETASM設計,開價14000円,夠買45個至尊漢堡。除咗彩色款,仲有全黑或者全白款式手鈪,不過識食/識戴嘅,一定係揀彩色。

Read more ›

麥記薯條換新衫     手機app賀世界盃
by / on 28/05/2014 at 7:20 am

麥記薯條換新衫 手機app賀世界盃

世界盃好快殺到,我都準備定嗌麥麥送夜晚幫我加油。最近外國麥當勞宣佈咗個新活動,經典嘅紅色薯條盒將會換上世界盃新裝,據聞係有史以嚟第一次換裝,而受影響嘅薯條包括中碼同大碼,一式十款新裝全部由世界各地知名藝術家專為世盃主題而設計。同步麥記都會出個新app叫「McDonald’s GOL!」,下載後用手機對住個薯條盒拍攝就可以開啟AR功能,薯條盒變龍門,手機屏幕變球場,手指篤篤就可以射波,好爽!唔知香港麥記會唔會跟埋一齊玩呢?

Read more ›
自創麥記漢堡包     最多人投票正式量產
by / on 24/05/2014 at 7:13 am

自創麥記漢堡包 最多人投票正式量產

麥當勞得閒就會推出吓新包,有時啱口味有時麻麻哋,估唔到最近居然咁大膽,比網民自創口味!英國麥記最近搞咗個網上活動,大家可以入佢哋嘅網站自創漢堡,由麵包以至配料都可以任揀,加芝士走煙肉多洋蔥乜都得,仲有大量新奇刺激嘅醬料任揀,整完幫個包改個名放上網,最多人投票嘅12個包就會比麥記評審試試味,最正嘅5個包就會連續5星期,每星期一款喺英國麥記發售,香港有無興趣搞返個?

Read more ›
日本率先開賣 FIFA世界盃官方漢堡 吞個波落肚
by / on 17/05/2014 at 1:57 pm

日本率先開賣 FIFA世界盃官方漢堡 吞個波落肚

嚟緊下個月就世界盃喇,球星雲集,平時唔睇波嘅都會睇吓啦。香港麥當勞唔知有咩搞,日本就搶先出咗個FIFA世界盃官方漢堡,呢個漢堡夾住嗰塊係炸豬扒,最正係個包呈立體足球狀,好似食緊個波咁係咪好開心先?單買399円,餐就699円,加唔加大?

Read more ›
21款世界麥記獨家美食   芒果批麥炸蝦好吸引
by / on 12/05/2014 at 7:15 am

21款世界麥記獨家美食 芒果批麥炸蝦好吸引

麥記啱啱新推嘅德國辣雞堡,又炸雞又雞扒好吸引,有無人試咗?另一邊廂,其實世界各地嘅麥當勞都有推出專為當地人而設嘅特別菜單,外國網站Huffington Post搜羅咗21款世界各地嘅特式麥記美食,好多都係第一次見,睇到我口水流到一地都係。日本嘅薯仔煙肉批好吸引、奧地利嘅咖喱雞粗麵McNoodles同埋俄羅斯嘅麥炸蝦我都好想試,至於比較特別嘅,例如土耳其羊肉包McTurco、西班牙凍蕃茄湯Gazpacho、馬來西亞雞粥等就無乜興趣試。其實我想加多一樣,無錯,就係香港嘅麥麥開飯,雖然我仲未試過。

Read more ›
新片速報   麥當勞職員狂咀     外賣站玩驚喜
by / on 04/04/2014 at 11:39 am

新片速報 麥當勞職員狂咀 外賣站玩驚喜

McDrive,即係外國好普遍嘅高速公路麥當勞外賣站,車主經過可以順手拎外賣食物。為咗令大家食麥當勞食得開心啲,最近奧地利麥當勞就喺佢哋嘅站頭玩嘢,平時嘅員工突然掛住狂咀唔理顧客,轉頭又變成瑪利皇后裝扮嘅女高音喺度唱歌,仲有唔著衫嘅金腰帶男人同客人拗手瓜、Hip Hop友同幾位索女邊rap邊跳舞,玩到連太空人同鬼都出埋,好在外國人普遍好玩得,淨係睇佢哋嘅反應都夠好笑,balabababa。

Read more ›

童年再崩壞   美人魚變食人魚  薩爾達被綁
by / on 01/04/2014 at 7:03 am

童年再崩壞 美人魚變食人魚 薩爾達被綁

法國插畫師Sylvain Sarrailh aka Tohad應詃有個好陰暗嘅童年,最叻將麥當勞叔叔、Barbie、Winnie The Pooh呢啲小朋友偶像變殺人狂。最近又有新作,血腥程度略略收歛,不過照舊係超怪雞風格,小鹿班比用對角插死晒其他動物、美人魚變食人怪魚、Angry Birds咬甩豬仔隻眼珠,睇到人好心寒。

Read more ›
麥當勞單據紋上身   18歲挪威o靚仔玩大咗
by / on 28/03/2014 at 7:13 am

麥當勞單據紋上身 18歲挪威o靚仔玩大咗

麥當勞有幾好食?就算你日日食都唔夠呢個18歲o靚仔Stian Ytterdahl對麥記有愛,因為佢居然將成張單據紋上右臂!事緣佢比同學仔懲罰,罰佢要將當晚喺麥記食嘅晚餐單據紋上手,又或者將barbie公仔紋上屁股,佢最終揀咗前者,都好正路吖。睇返張單,佢食咗芝士漢堡同埋麥旋風,好識食,而個紋身其實都唔差,起碼佢自己幾欣賞,不過佢阿媽就唔係咁睇,當佢喺報紙見倒自己個仔搵啲咁嘅嘢嚟搞,即時激到紥紥跳,balabababa。 

Read more ›
勁!淨食麥當勞    90日減走37磅出書分享
by / on 10/03/2014 at 7:15 am

勁!淨食麥當勞 90日減走37磅出書分享

食麥當勞都可以減肥?我都好想試吓!呢位中學教師John Cisna,減肥唔係節食戒麥當勞,而係戒晒其他嘢,日日早午晚三餐齋隊麥當勞,最後竟然喺90日成功減走56磅肥肉!仲出埋書《My McDonald’s Diet》分享心得,堅!佢而家仲進行緊呢個「地獄式」減肥法,直至3月15日先正式完結,對於只可以食麥記,佢話都唔易,因為其實佢最鐘意食海鮮,辛苦晒。不過講返轉頭,最開心應該係麥記,成日比人彈唔健康食得多會癡肥,今次有人出頭,本書係咪你有份贊助o架!

Read more ›
越南首間麥當勞開幕 百人晨早排長龍
by / on 12/02/2014 at 8:00 pm

越南首間麥當勞開幕 百人晨早排長龍

唔講真係唔知,雖然早喺1997年,越南就已經有KFC,但原來一直都冇麥當勞。直至早幾日,越南第一間麥當勞正式喺胡志明市開幕,店內提供嘅座位就有350個。當日早上8點就已經引嚟上百人排隊,希望試吓巨無霸、炸薯條、麥樂雞等好嘢,我真係唔能夠想像如果香港冇麥記會變成點……而呢間麥當勞更加係越南首間可以揸車買外賣嘅餐廳。話時話,香港好似到o依家都未有。

Read more ›