Post Tagged with: "麥當勞"

日本網民記念 麥記停售大/中薯條前夕
by / on 18/12/2014 at 11:47 am

日本網民記念 麥記停售大/中薯條前夕

早兩日報咗,因為美國西岸勞工合約糾紛導致貨源短缺,所以日本麥記由噚日(17日)開始就會停售大/中薯條,只會得番細薯條,直至另行通知。於是,日本就好多人趁最後一日去食番個大薯條,仲放咗啲相上Twitter……大中細薯都係嗰啲薯條啫?我諗,係因為個包裝,同嗰份情懷啩……

Read more ›

【冇得加大】日本麥當勞宣佈 明天開始只得細薯條!
by / on 16/12/2014 at 7:06 pm

【冇得加大】日本麥當勞宣佈 明天開始只得細薯條!

如果麥當勞話你知,以後得細薯條,唔會再有中薯條同加大薯條,其實係咪真係咁大件事?我覺得都幾,細薯條喎,我夠膽講,大啖啲真係兩啖食完……至於原因呢,就係因為美國西岸嘅勞工合約糾紛,令到嚟自美國嘅薯仔供應短缺……咁跟餐又點呢?會變成跟細薯條,平50円。新聞仲做咗街訪,呢位囡囡話好失望囉冇咗大薯條。呢個措施會由聽日(17日)開始實施,直到另行通知。

Read more ›
日本麥記冬天限定 雪場蟹漢堡好味喎
by / on 05/12/2014 at 10:51 pm

日本麥記冬天限定 雪場蟹漢堡好味喎

你話我崇日都係咁話,總係覺得日本連麥當勞都好味啲,而且又多新包呢!最新就有呢個「カニクリームコロッケ」中間嗰件就係炸蟹餅,話裏頭啲肉係用雪場蟹肉製,加埋蘑菇同茄汁、生菜,絕對吸引。由12月17日開始至1月上旬供應,齋包390円,跟餐690円,等睇理想與現實圖。

Read more ›
【有片】唔同國家麥記汽水幾大杯? 最大新加坡香港差好遠
by / on 09/11/2014 at 11:40 am

【有片】唔同國家麥記汽水幾大杯? 最大新加坡香港差好遠

「加唔加大?」我習慣就多數唔加,因為加咗都好似冇加咁,尤其係薯條……「BuzzFeedVideo」最近就拍咗條片,比拼世界幾個唔同國家嘅麥當勞汽水杯大細,最大就係新加坡,細中大分別係16oz/21oz/30oz,香港都有份,同日本差唔多,細美國好多。不過,佢冇比埋價錢喎。

Read more ›
新片速報   麥當勞還原法   平民用iPhone影廣告相
by / on 05/11/2014 at 7:42 am

新片速報 麥當勞還原法 平民用iPhone影廣告相

大家都知麥當勞嘅廣告信唔過,之前我哋都報導過好多「理想與現實」嘅食物相,不過外國YouTube頻道DigitalRev TV就反傳統,嘗試將買返嚟嘅麥記,還原成盒面嘅靚仔外型,再用部iPhone重拍廣告照。原來要做到似模似樣堅係難,除咗要買多幾個包慢慢揀,仲要預備定較剪將啲芝士、洋蔥之類剪返隻角出嚟,重新舖喺包邊位裝假狗。至於拍攝方面,就用兩部iPad打燈加埋部iPhone手機影相。拍出嚟嘅效果居然同廣告相有9成相似,勁!

Read more ›
新片速報 麥記食物再造放高檔餐廳 食客讚好味有層次
by / on 25/10/2014 at 7:55 pm

新片速報 麥記食物再造放高檔餐廳 食客讚好味有層次

麥記,我就好鍾意食,但好多人叫佢垃圾食物,咁係咪同高檔餐廳菜式冇得比?荷蘭就有人將買番嚟嘅麥當勞食品切得靚靚再放喺高級餐廳,好似啲finger snacks咁囉。當然,客人唔知係幾號餐幾號餐,食完之後,佢哋受訪時就話嘩幾好味喎,味道好有層次,感覺好fresh咁……如果佢哋知係麥記,仲會唔會咁講?

Read more ›

新片速報   麥當勞變喼神   快閃餐廳賣新出牛肉卷
by / on 24/10/2014 at 7:13 am

新片速報 麥當勞變喼神 快閃餐廳賣新出牛肉卷

麥當勞都玩Pop-up store,今次呢間臨時搭建嘅快閃麥當勞造型好爆,好扮唔扮扮喼神。雖然佢自稱係lunchbox,但我覺得都係似喼神多啲。想親身體驗就要去澳洲,呢個喼神仲好巴閉,會喺悉尼、墨爾本、柏斯等幾個主要城市巡迴,目的係推廣佢哋新出嘅牛肉洋蔥卷Aussie rump steak,睇相見倒個樣相當正,口水都流咗兩滴,不如香港老麥整幾個喼神放喺金鐘旺角啦。

Read more ›
新片速報 麥記牛肉唔係牛? 官方拍片解畫
by / on 18/10/2014 at 5:20 pm

新片速報 麥記牛肉唔係牛? 官方拍片解畫

經常有人話麥當勞嘅牛唔係牛,肯德基嘅雞唔係雞。為咗平息大家嘅疑慮,麥當勞就帶大家去參觀佢哋喺美國加洲Fresno嘅工場,呢間叫Cargill嘅肉製廠係美國嘅快餐店牛肉供應界巨人。睇片見啲牛肉碾碎後入模整成肉餅,之後經過冷凍器鎖緊水分肉汁再pack箱送去分店,都係咁無乜特別。反而之前上海福喜過期雞肉事件搞到香港麥當勞一頭煙,我想睇佢哋拍返條香港版解吓畫。

Read more ›
新片速報   芝士漢堡擺放30日    麥當勞完好無缺?
by / on 17/10/2014 at 7:03 am

新片速報 芝士漢堡擺放30日 麥當勞完好無缺?

今朝早餐有無食老麥?外國有人將7間快餐店嘅漢堡包,分別放喺玻璃瓶內,然後放佢30日睇吓會變成咩樣。最後Burger King變咗灰包、WENDY’S包面出晒霉菌,我哋最鍾意食嘅麥當勞呢?居然接近完好無缺!驚過見到佢腐爛。

Read more ›
新片速報 澳洲麥當勞 推出自選漢堡服務 咩包咩肉自己揀
by / on 15/10/2014 at 4:38 pm

新片速報 澳洲麥當勞 推出自選漢堡服務 咩包咩肉自己揀

如果你已經厭倦去到麥當勞就叫個1號餐加魚柳包或豬柳蛋,咁應該好嚮往澳洲麥記呢個服務。有澳洲食家拍咗呢段片,就係用麥當勞嘅「Create a Burger」裝置去製作屬於自己嘅漢堡,包、肉、芝士、醬汁嘅種類全部有得自己揀,十層芝士漢堡不是夢。

Read more ›
世界麥當勞奇特食品      麥樂蝦麥麥啤
by / on 04/10/2014 at 11:15 am

世界麥當勞奇特食品 麥樂蝦麥麥啤

網上見倒有人買咗100個魚柳飽比現場集會人士,小小心意,但就見證人間有情。外國麥記經常有奇特小食,例如俄羅斯有麥樂蝦、菲律賓有炸雞茄汁意、澳洲有藍醬汁棉花麥旋風,仲有麥麥啤,有啲睇見都唔想食,有啲似乎味道唔錯。BTW,以前文末我哋會加句巴啦爸巴霸,不過今日無心情。

Read more ›

日本麥記再出黑包   萬聖節兩款新包一黑一白
by / on 30/09/2014 at 7:08 am

日本麥記再出黑包 萬聖節兩款新包一黑一白

黑漢堡香港麥當勞早排都出過,至於日本呢邊呢?最近Burger King喺日本出咗個連芝士都係黑色嘅全黑漢堡包,吸引好多人搶住試。日本麥記都唔執輸,以萬聖節名義推出兩新款漢堡,有日本傳媒走咗去試味,真實同相片當然有出入,不過屬於可接受程度,其中一款麵包全黑,由墨汁加工而成,有蛋有芝士有吉列漢堡,齋睇相都覺得好飽。至於另一款白麵包款,加咗幾塊青菜,走咗塊超肥芝士,佢哋話味道唔錯。兩款都係萬聖節限定,只限西武新宿駅、新宿南口、新宿大ガード西店三間分店,統一賣370円,去開日本要試埋。

Read more ›
執汽水罐換麥記    20個罐換1個芝士漢堡
by / on 29/08/2014 at 7:17 am

執汽水罐換麥記 20個罐換1個芝士漢堡

喺香港地執罐汽水罐嘅通常係老人家,瑞典斯德哥爾摩嘅麥當勞就唔同,鼓勵年青人執多啲汽水罐嚟換麥記食物。事緣每到夏天,附近嘅戶外公園同埋音樂祭都會製造大量垃圾,於是當地麥記就諗到呢個計劃,20個汽水罐就可以換一個芝士漢堡,40個罐就可以換巨無霸,戶外廣告牌仲變埋汽水罐收集箱,夠環保,好過送半價板燒雞腿包優惠券喎。 

Read more ›
閃光彈可樂!日本麥當勞推出雙人杯裝
by / on 19/08/2014 at 1:03 pm

閃光彈可樂!日本麥當勞推出雙人杯裝

沐浴於愛河之中嘅人,會好想將自己嘅甜蜜喺網絡分享俾人睇,但佢哋唔知好多冇拍拖嘅會俾佢閃親……日本麥當勞最新就有呢杯雙人可樂,容量650c.c.,單買190円,餐加100円就有,被網民稱為「リア充専用だ!」有人仲即刻畫圖教學,等單身人仕都可以自拍甜蜜照放上網,咦杯可樂酸嘅?

Read more ›
狂玩垃圾食物    麥樂雞薯條人超驚嚇
by / on 18/08/2014 at 7:12 am

狂玩垃圾食物 麥樂雞薯條人超驚嚇

藝術嘅嘢我哋識乜吖。不過見倒啲薯條、麥樂雞、芝士漢堡,我覺得好有親切感!名為Junk Food Portraits嘅作品,由英國藝術家James Ostrer創作,搵咗一班模特兒返嚟,將佢哋全身舖滿垃圾食物(Junk Food),都幾大整蠱。BTW,原來我都幾垃圾,入面好多都係我日日食嘅正嘢。

Read more ›