Post Tagged with: "麥當勞"

美國麥當勞「四川醬」缺貨引抗議 日本電視節目剖析
by / on 12/10/2017 at 7:52 am

美國麥當勞「四川醬」缺貨引抗議 日本電視節目剖析

點會有人估到有市民會為咗買唔到麥當勞嘅麥樂雞四川醬而抗議?仲引嚟警察出動?件事喺美國發生,連日本嘅電視節目都報導去剖析事件。呢隻四川醬之所以咁受歡迎,全因為外國動畫《Rick and Morty》入面,神經科學家Rick一生致力要得到Mulan Mcnuggets sauce,一班fans都同科學家一樣想搵呢個醬,最後美國麥當勞決定重新推出呢道醬「四川醬」,不過就限定10月7日一日。點知當日超多人排隊,有分店得70盒醬但有過千人排,最後大部份人買唔到,喺舖外大叫「We want sauce」嘅口號,仲有人寫埋版「Give us the sauce」抗議,最後出動警察,睇返班細路其實都係玩多過嬲,睇嚟好快麥當勞又會再「限時」推出呢道醬嘞。

Read more ›

【有片】日本麥當勞送1億3千萬杯咖啡 記住嗌埋肉桂捲
by / on 12/10/2017 at 7:32 am

【有片】日本麥當勞送1億3千萬杯咖啡 記住嗌埋肉桂捲

日本嘅麥當勞咖啡一直聲譽麻麻,為咗吸納一班咖啡迷,佢哋嚟緊會推出號稱史上最好嘅咖啡,最威係會有1億3千萬杯免費提供!而家日本人口大約1億2千7百萬,即係每人一杯計埋遊客都有找,好大手筆。由10月16日至20日,連續5日每日下午3-7時免費提供。想飲咖啡配返少少嘢食嘅,記住嗌埋佢哋絕咗版嘅シナモンメルツ,即係麵包淋上熱嘅肉桂醬,好多之前試過嘅人都話超正。去開日本記住試吓。

Read more ›
日本麥記煙肉薯仔批回歸 仲有iPhone電話殼
by / on 28/09/2017 at 5:15 pm

日本麥記煙肉薯仔批回歸 仲有iPhone電話殼

上年係日本麥當勞45周年,翻出咗一系列受歡迎食品,當中就有呢個煙肉薯仔批。呢個批喺1990年至2002年間都有得賣,咁上年返咗嚟好好賣,今年秋冬梗係嚟多一次!10月4日開始期間限定供應,官方仲有活動送薯仔批電話殼。講真,冬天食真係一流,如果香港麥記都有就好喇,我冬天一定變肥仔。

Read more ›
日本麥當勞推出夜之邪惡套餐 特大著條加15件雞
by / on 24/09/2017 at 7:01 am

日本麥當勞推出夜之邪惡套餐 特大著條加15件雞

最近去開日本麥當勞,梗係食佢嘅「月見」漢堡系列,不過嚟緊9月27日開始,佢哋有專為夜鬼而設嘅邪惡套餐,大薯條加10件麥當雞 (500円),或者2包特大薯條加15件麥當雞(800円),只限每日下畫5點後供應,仲要唔係間間舖都有。夜媽媽食煎炸嘢,好合理吖。

Read more ›
1971年「同級生」合作 日本麥記Chelsea奶昔
by / on 07/09/2017 at 5:37 pm

1971年「同級生」合作 日本麥記Chelsea奶昔

齋睇個杯你未必認得,但睇埋盒糖,你應該記得細細個食過啦?9月13日日本麥當勞就會有呢款「マックシェイク チェルシー」發售,至10月上旬左右期間限定,細杯120円、中杯200円。又原來,明治盒糖同麥記奶昔都係1971年誕生嘅「同級生」…….

Read more ›
【大師級】麥當勞盒加iPhone影人像      超強攝影技網上熱傳
by / on 31/08/2017 at 7:15 am

【大師級】麥當勞盒加iPhone影人像 超強攝影技網上熱傳

平時食完麥樂雞、巨無霸個盒原來可以咁有用!法國著名攝影師Philippe Echaroux用一個麥當勞盒、一支飲管再加支電筒,整咗個影相專用嘅補光器,然後再加部iPhone,用嚟幫唔同嘅人影相,出嚟嘅效果完全係大師級水準!入嚟有得慢慢睇。BTW,佢都有用VSCO、Photoshop FIX同Lightroom嘅手機App執相,全程靠部電話完成。好嘞,晏啲食完麥記可以留返個盒試吓。

Read more ›

日本麥當勞又限定 乳酸菌奶昔Calpis McSHAKE
by / on 19/06/2017 at 4:39 pm

日本麥當勞又限定 乳酸菌奶昔Calpis McSHAKE

夏天不能太甜,酸酸地清新啲係爽嘅。乳酸飲品Calpis會同麥當勞合作,推出「マックシェイク × カルピス」McSHAKE,6月21日發售,同埋最靚係個杯。

Read more ›
日本「超巨巨無霸」期間限定推出     限量Big Mac醬超吸引
by / on 04/06/2017 at 1:44 pm

日本「超巨巨無霸」期間限定推出 限量Big Mac醬超吸引

今個6月日本嘅巨無霸很忙,之前報導過樂天新開嘅麥當勞online store推出300樽Big Mac醬,包裝超靚勁想買!嚟緊6月7日至20日,佢哋仲會encore推出超巨巨無霸,期間限定,分Giga版(2.8倍/700円)同Grand版(1.3倍/490円)兩種,睇見都覺得好飽好滿足,去開日本嘅巨無霸fans記住試吓嘞,不過唔好忘記理想與現實‥‥‥

Read more ›
大島優子宣傳 日本麥當勞 X BEAMS DESIGN產品超靚
by / on 31/05/2017 at 1:39 pm

大島優子宣傳 日本麥當勞 X BEAMS DESIGN產品超靚

我以前好鍾意食巨無霸,如果你都係,又鍾意BEAMS,再加埋係大島優子fans,咁呢個合作活動真係必定要留意。嚟緊6月3日,樂天市場限定有呢啲「マクドナルド×BEAMS DESIGN」商品發售,有Tee有袋有帽,而且仲有獨立發售嘅Big Mac醬汁,全部限量300件!

Read more ›
【有片】不要玩比達!日本麥當勞玩具 hea出拳有喜感
by / on 19/05/2017 at 12:28 pm

【有片】不要玩比達!日本麥當勞玩具 hea出拳有喜感

之前介紹過呢系列麥當勞《龍珠 超》玩具,又射龜波,粒龍珠又識發光,隻隻都有機關。不過當中嘅比達父子就比較hea。有日本網民都啱啱換咗比達返去玩,撳個掣隻手就郁一郁,我諗係出緊拳嘅,不過個動作就幾好笑,連鸚鵡見到都唔驚,但又打得甩積木個假髮……

Read more ›
【有片】日本麥當勞x《龍珠 超》 龍珠發光射龜波
by / on 11/05/2017 at 7:14 pm

【有片】日本麥當勞x《龍珠 超》 龍珠發光射龜波

完全搵番我哋細個玩玩具嘅感覺呀!你睇佢哋個樣幾唔似?你又睇吓啲射飛彈設計幾low tech,但好有份情懷喺度喎!日本麥記同《ドラゴンボール超》合作,5月12日開始發售,不過比達兩仔爺個機關就求其咗啲……

Read more ›

日本麥記期間限定 櫻花「麥旋風」後日推出
by / on 27/02/2017 at 5:45 pm

日本麥記期間限定 櫻花「麥旋風」後日推出

我諗囡囡見到呢杯櫻花「麥旋風」,都應該買咗影咗先,怕肥都要照食啦?由3月1日開始,日本麥當勞就會推出呢款「マックフルーリー サクサクさくら」,290円。老老實實,我都幾肯定OREO味好食過佢,不過靚吖嘛,呃like吖嘛,你有得揀咩?

Read more ›
【有片】英國McCafé辣火頭 狂笑懶有型咖啡店
by / on 25/02/2017 at 7:02 pm

【有片】英國McCafé辣火頭 狂笑懶有型咖啡店

  我唔飲咖啡嘅,不過我見到啲人拎住個紙杯趕返工,個樣真係好事業型……咁近年香港都好多好似有啲嘢但又未知有咩嘢嘅咖啡店,即係嗰啲石屎灰牆加木枱嗰啲呀,有態度嘛,杯嘢飲當然要貴隔籬間茶記6倍啦。講咗咁多無謂嘢,其實條片係英國麥當勞出嘅,笑吓啲懶有型咖啡店。

Read more ›
日本麥當勞新薯條 「大学いもの味」個盒好靚
by / on 08/02/2017 at 4:38 pm

日本麥當勞新薯條 「大学いもの味」個盒好靚

2月15日或之後去日本旅行嘅,麥記又有新嘢食,就係呢隻「和風ポテトフライ 大学いもの味」,會供應到3月中。隻醬係蜜糖加黑芝麻,又甜又鹹唔知好唔好食?不過個盒就好靚。價錢330円,跟餐加60円。

Read more ›
【心寒】麥當勞叔叔被納粹黨批鬥    超強相集喪屍遍地
by / on 30/01/2017 at 1:20 pm

【心寒】麥當勞叔叔被納粹黨批鬥 超強相集喪屍遍地

好驚呀!好彩唔係生於納粹時代,如果唔係連麥當勞都無得食係咪驚先?輯相喺網上引起好大爭議,藝術家Jake & Dinos Chapman創作咗輯相集,背景係滿佈喪屍嘅納粹黨時代,受批鬥嘅係麥當勞叔叔。睇相見到麥當勞叔叔被吊十字架,希特拉飲麥當勞奶昔被困木籠,連漢堡神偷、滑嘟嘟都要坐船走佬。輯相除咗氣氛恐怖,仲勁在超強細節,屍橫遍野、後面每個納粹黨員都有唔同嘅動作表情,入嚟有得慢慢睇。

Read more ›