Post Tagged with: "麥樂雞"

好凍好想食杯麵 日本新推「薯條麥樂雞杯麵」
by / on 31/01/2018 at 7:38 am

好凍好想食杯麵 日本新推「薯條麥樂雞杯麵」

天氣咁凍,真係完全唔想出街,最理想係可以匿喺屋企食杯麵打芒亨。講返正題,繼巨型「謎肉祭」杯麵後,日清最近公佈又有新杯麵,今次嘅主材料比較特別,叫「ポテナゲ」,簡單嚟講即係薯條溝麥樂雞打造而成嘅「肉」,咬落應該鬆軟得嚟又有薯味啩。份量係加大裝94克,比一般嘅77克飽肚啲,日本2月12日發售,每杯205円,去開可以試吓,或者等阿信屋返貨。

Read more ›

日本麥當勞推出夜之邪惡套餐 特大著條加15件雞
by / on 24/09/2017 at 7:01 am

日本麥當勞推出夜之邪惡套餐 特大著條加15件雞

最近去開日本麥當勞,梗係食佢嘅「月見」漢堡系列,不過嚟緊9月27日開始,佢哋有專為夜鬼而設嘅邪惡套餐,大薯條加10件麥當雞 (500円),或者2包特大薯條加15件麥當雞(800円),只限每日下畫5點後供應,仲要唔係間間舖都有。夜媽媽食煎炸嘢,好合理吖。

Read more ›
有片:麥樂雞一百呎高墮地!用口接!
by / on 20/12/2016 at 5:00 pm

有片:麥樂雞一百呎高墮地!用口接!

都係嗰句,請不要玩食物,今次又乜玩食物呢?玩麥樂雞!控制無人機升到一百呎高,之後掟塊M記麥樂雞落地,而戙企喺地面嘅人呢,就要岳高頭用口接。雖則麥樂雞硬極有個譜,但話晒有一百呎高,衝力應該有番咁上下,食唔中的話,撞落口唇或者塊面應該好痛;食得中的話,又驚會直落喉嚨哽親,有一定危險,千其咪亂試。

Read more ›
【實驗】麥樂雞/薯條擺足6年無腐爛   「開心樂園餐」最長壽
by / on 12/02/2016 at 7:10 am

【實驗】麥樂雞/薯條擺足6年無腐爛 「開心樂園餐」最長壽

間唔中都有呢類型新聞出現,究竟食老麥有幾唔健康?最近有位外國女士Jennifer Lovdahl就喺Facebook放咗張圖,圖中係佢擺放咗6年嘅開心樂園套裝,入面有麥樂雞同薯條(杯汽水一早飲咗),盒嘢佢放咗喺公司嘅飾櫃入面,不過6年後依然無腐爛無變形。佢想藉此話比大家知,老麥嘅食物唔係真嘅食物,小朋友唔應該食,好唔健康。佢仲話要食真正嘅fast food應該食蘋果、香蕉、紅蘿蔔‥‥‥噢。不過我都係戒唔倒,因為睇完張圖我又好想食薯條同麥樂雞嘞。

Read more ›
【新片速報】LEGO神人自製麥樂雞販賣機 一蚊一盒雞
by / on 12/12/2015 at 3:21 pm

【新片速報】LEGO神人自製麥樂雞販賣機 一蚊一盒雞

鐘意LEGO嘅,應該好想要呢部機,呢個YouTuber頻道AstonishingStudios專門用LEGO製作唔同嘅機器,今次就整咗呢部麥樂雞自動販賣機,入個銀仔入去,就會一邊跌盒雞出嚟,另一邊跌個BBQ醬比你,好爽。佢之前仲用LEGO整過麥旋風雪糕機,堅係用得,好勁,入嚟有回帶。

Read more ›
食物畫家神人    牛奶速畫李小龍MJ
by / on 24/07/2013 at 7:33 am

食物畫家神人 牛奶速畫李小龍MJ

呢條片千祈唔好比阿媽睇倒,唔係實比佢鬧浪費。法國畫家Vivi Mac強項係用飲品畫畫,一盒奶一支飲管,就可以畫成李小龍、Michael Jackson等多位名人,仲開埋YouTube頻道將過程任你睇。最快4分鐘之內可以畫起一個人像,技術超班。除咗牛奶,仲有用Rum酒畫成嘅海盜Johnny Depp、麥樂雞BBQ醬嘅蒙娜麗莎、幼條軟糖砌成嘅尤達大師,基本上放得落肚嘅都可以當畫筆顏料,好瘋狂。

Read more ›

獵奇新聞 官方確認 麥樂雞只得4種形狀!?
by / on 03/03/2013 at 12:33 pm

獵奇新聞 官方確認 麥樂雞只得4種形狀!?

雖然麥樂雞同打機冇乜關係,但一邊食麥樂雞餐一邊煲機的確係人生一大享受。你食緊個麥樂雞餐同時,有冇發現啲雞三尖八角,好似件件都唔同?其實,基本上佢哋只係得4種形狀……外國網站Business Insider就深入咗麥當勞總部做訪問,得出官方確認,佢哋出品嘅麥樂雞原來分為Bell、Ball、Boot、Bone 4款官方認可形狀,所有雞塊基本上都要跟4款其中一款製作……我真係好想即時買番盒嚟拼拼,話時話,其實最多人鍾意嘅係咪燒烤醬?我冇燒烤醬真係情願唔食。

Read more ›