Post Tagged with: "鹿仔"

【注意】奈良大量鹿仔吞「塑膠」致死 當地團體推環保袋
by / on 28/05/2019 at 7:53 am

【注意】奈良大量鹿仔吞「塑膠」致死 當地團體推環保袋

每次去奈良都會探吓啲鹿,餵吓佢哋食餅,不過最近當地嘅「奈良の鹿愛護会」就公佈呢幾個月有唔少鹿仔因為食咗塑膠而導致死亡,有人仲喺其中一隻鹿仔身體內搵到淨重超過7磅嘅塑膠!當地團體呼籲大家餵鹿嘅時候,要注意手上裝食物嘅膠袋,唔好俾佢哋搶走,另外用完嘅垃圾記緊帶走,以免鹿仔誤吞。佢哋啱啱推出咗過環保袋,喺當地嘅手信店有得買,等大家可以袋好自己嘅垃圾。去探鹿仔時記緊要注意嘞!

Read more ›

【有片】日本宮島鹿仔想入舖   大量網民見過狂貼圖
by / on 04/03/2019 at 7:08 am

【有片】日本宮島鹿仔想入舖 大量網民見過狂貼圖

日本奈良啲鹿好進擊,仲好鍾意同人類相處,宮島呢?有日本網民喺Twitter分享咗相,有幾隻鹿喺間店門口好似好想入去咁,店主仲交叉雙手好似同佢哋討價還價緊。張相放上網後好多網民貼圖回應,原來佢哋都影到好多呢班鹿駐足店前嘅相,有人仲影到5年前喺同一間店門口都有類似嘅情境,當時店主頭髮仲係黑色架!入嚟有多啲相同片回帶。

Read more ›
奈良鹿仔唔食餅? 日本網民分享圖Twitter熱傳
by / on 02/05/2018 at 7:34 am

奈良鹿仔唔食餅? 日本網民分享圖Twitter熱傳

好耐無探日本奈良班鹿仔嘞,印象中佢哋好進擊,會突襲人類搶鹿餅食,不過原來而家已經唔係咁嘞。最近有日本網民放咗啲相上Twitter,見到班鹿仔對住鹿餅個樣好平靜,變咗佛系鹿仔,再睇返資料,其實上年都有日本遊客影到類似情況,希望佢哋唔係病咗唔舒服啦,又另外遊客記住唔好餵班鹿仔食鹿餅以外嘅食物,以免佢哋食滯咗。

Read more ›
【圖集】冰天雪地鹿仔相 超應節聖誕啱睇
by / on 24/12/2017 at 1:56 pm

【圖集】冰天雪地鹿仔相 超應節聖誕啱睇

一直覺得鹿仔好得意,除咗日本奈良有大量鹿仔,蘇格蘭都有好多。專影野生動物嘅外國攝影師John Betts呢輯雪地鹿仔相好高質,啱晒聖誕節。除咗鹿仔,佢仲有影大量動物,入去佢嘅IG有得慢慢睇。

Read more ›
美國禮物店鹿仔亂入   無錢買太陽眼鏡call齊兄弟晒馬
by / on 17/12/2017 at 7:03 am

美國禮物店鹿仔亂入 無錢買太陽眼鏡call齊兄弟晒馬

鹿仔亂入唔止係日本奈良先有,最近美國科林斯堡一間禮品店都出現咗一位不速之客。有隻個樣好醒目嘅鹿仔走咗入去shopping,仲主攻太陽眼鏡架,不過佢都無錢俾,店主唯有請佢離開啦。但係過咗30分鐘後隻鹿仔又再出現,今次仲call齊班兄弟一齊嚟,幾隻鹿仔塞晒喺門口裝吓裝吓超搞笑。BTW,原來呢個小鎮經常有野生動物周圍走,不過走埋入店舖就比較少見,可能臨近聖誕,佢真係好想買份禮物送俾女朋友仔,不過就算送俾你,其實呎吋都唔啱。

Read more ›
日本可愛鹿仔「禦寒」大法 枯葉包圍成為景點
by / on 25/11/2017 at 10:59 am

日本可愛鹿仔「禦寒」大法 枯葉包圍成為景點

日本奈良天氣開始凍嘞,早晚得5度左右,咁啲可愛嘅鹿仔點樣禦寒?有日本網民就發現呢隻好識嘆嘅鹿仔,俾堆枯葉包圍住,又暖又好瞓。張相喺Twitter熱傳,佢仲成為咗景點,好多網民都留言話見到呢隻鹿,仲放咗好多相出嚟,相信應該係有好心人幫佢擺陣嘅。

Read more ›

日本奈良3隻鹿仔過馬路    激似The Beatles唱片封面
by / on 19/02/2017 at 4:34 pm

日本奈良3隻鹿仔過馬路 激似The Beatles唱片封面

好耐無見日本奈良嘅鹿仔,有無啲掛住佢哋呢?最近呢張新相喺Twitter好多人RT,相中3隻鹿仔咁啱一齊橫過班馬線,拍攝者即時聯想起經典嘅The Beatles唱片封面《Abbey Road》。其實上載張相嘅係奈良一間音樂場所 Beverly Hills,難怪佢哋咁敏感。之後仲有隻鹿仔經過佢哋舖頭,睇嚟佢都想學吓音樂陶冶性情。

Read more ›
日本奈良「神聖的鹿仔」相片熱傳    網民質疑:「係咪偷圖?」
by / on 03/12/2016 at 10:57 am

日本奈良「神聖的鹿仔」相片熱傳 網民質疑:「係咪偷圖?」

有無開始掛住日本奈良嗰班進擊的鹿仔?最近有日本網民放咗張圖上2ch,話自己今朝喺奈良公園影到張相,隻鹿睇落好神聖,張相靚到可以做wallpaper,不過好快有網民留言話:「樓主肯定係偷圖啦!」之後又有人質疑:「奈良嘅鹿應該切晒角喎!」不過樓主好快放咗張高解像嘅圖上網,而網民喺網上以圖搜尋都搵唔到一樣嘅圖,大家繼而開始問樓主用啲咩攝影器材。係囉,人與人之間要有信任嘛。仲有錯咗就要認,之前質疑佢嗰位都話:「好啦同你道歉!」

Read more ›
遊客奈良自拍鹿仔怒啤相熱傳 日本網民:「雌性對雌性嘅眼神呀!」
by / on 19/09/2016 at 7:13 am

遊客奈良自拍鹿仔怒啤相熱傳 日本網民:「雌性對雌性嘅眼神呀!」

去奈良探鹿仔餵脆餅、自拍,呢啲都係遊客嘅指定動作,不過最近有外國媒體刊登咗一張相,有個女仔同鹿仔自拍時,隻鹿居然露出咗一個好不屑嘅眼神啤住佢。件事喺日本2ch引起熱烈討論。有人留言話:「雌性對雌性嘅眼神呀!」、「係咪覺得佢可愛所以偷望一眼呀?」、「超乎想像嘅厭惡表情」。之後有網民放咗其他遊客同鹿仔自拍嘅相,全部都好可愛,好明顯,今次事件應該係有俾脆餅同無俾嘅分別嘞!

Read more ›
【又作反】奈良鹿仔咬爛選舉海報   再犯案懷疑受人指使
by / on 28/06/2016 at 7:12 am

【又作反】奈良鹿仔咬爛選舉海報 再犯案懷疑受人指使

奈良班鹿仔出名曳,一見你有嘢食就會進擊,好多遊客都俾佢哋撞過吖。不過最近佢哋搵倒另一樣嘢玩,就係破壞喺園區入面嘅選舉海報。有隻鹿被拍到咬住選舉壁報版,之後仲撕咗一忽出嚟,件事喺2ch好多網民討論,有人留言:「係咪有人指使隻鹿去搞破壞?」、「好可愛」、「被食咗嘅人好可憐呀」、「快啲俾班鹿有投票權啦」,不過有網民發現第二張圖其實係2013年拍嘅,即係話呢班鹿又再次犯案,好有可疑喎!

Read more ›
奈良鹿仔寫真集    勁似《Tokyo Jungle》場景
by / on 09/01/2015 at 7:12 am

奈良鹿仔寫真集 勁似《Tokyo Jungle》場景

有無玩過PS3隻《Tokyo Jungle》?個人認為好正。呢輯相驟眼睇好似呢隻遊戲嘅畫面,成個日本無晒人,得返啲動物喺度行嚟行去。其實呢輯相係攝影師Yoko Ishii嘅作品,而且係真實景,拍攝地點就係出名多鹿仔嘅日本奈良同埋宮島嘞!好多年前筆者有機會去過一次,啲鹿仔真係周圍走不斷撞人R嘢食,超得意!可惜聽呢位攝影師講,鹿仔喺有啲地方係農民嘅公敵,每年就有36萬隻鹿仔被殺,估唔到咁可愛嘅鹿仔都會有人狠心下手,好啦,我決定今年要去奈良再探吓佢哋,再餵佢哋食餅幫佢哋定驚!

Read more ›