fbpx

Tag:

【連環圖】日本「鴨隊長」帶隊出海     小鴨鴨失足墜船

【連環圖】日本「鴨隊長」帶隊出海 小鴨鴨失足墜船

呢隻日本嘅鴨隊長最近喺Twitter好紅,佢載住幾住鴨仔出海玩,不過似乎定力麻麻,有幾隻中途墜船跌咗落水,不過佢都發揮咗小隊長嘅魅力,你睇佢個樣幾有威嚴幾淡定!

Read more ›

【有片】超暖心救援!鴨仔跌入水渠 鴨媽媽心急等

【有片】超暖心救援!鴨仔跌入水渠 鴨媽媽心急等

喺外國,成日會見到鴨媽媽帶住一群鴨仔過馬路,不過佢哋好唔小心,啲鴨你太細隻,成日跌入啲水渠,失散咗好慘之餘,鴨仔仲唔知生唔生存到。好彩,有人發現就有人救。呢隻鴨媽媽嘅8隻仔女跌咗入水渠,Washington嘅幾個單位,包括D.C. FEMS、Animal Control、DC Water、MPD聯合救援,而鴨媽媽就全程都企喺隔籬等……試過打開渠蓋唔得,又用網伸入去救佢哋上嚟,最後8隻都救咗,鴨媽媽好開心咁又帶住佢哋走,睇到個人好開心!下次小心啲喇!

Read more ›
【愛心警察】日本鴨媽媽帶鴨仔過馬路   警察叔叔幫手開路

【愛心警察】日本鴨媽媽帶鴨仔過馬路 警察叔叔幫手開路

最近日本好多鴨媽媽帶住班鴨仔由孵化嘅地方去返居住地,仲經常行行吓走失幾隻,好彩有好心人幫手救返,入嚟有回帶。最近Twitter熱傳嘅呢張相仲勁,因為班鴨仔竟然有警察叔叔幫佢哋開路!3位警察仲要有晒分工,一個負責趕,一個吹哨子,另一個就拎住紙箱!的確,鴨仔群就咁橫行過馬路對佢哋或者行車人士都好危險,有呢班咁有愛心嘅警察幫忙就唔怕嘞,打橫行都得呀!BTW,日本人對小動物真係好有愛心,抵讚。

Read more ›
【有片】好彩有人救 日本鴨仔跌落渠 9隻變6隻

【有片】好彩有人救 日本鴨仔跌落渠 9隻變6隻

呢個時期,好多鴨媽媽帶住班鴨仔由孵化嘅地方去番居住地。喺外國都好多鴨一家過馬路跌落渠事件,少減幾隻又救唔番的話,真係會好傷心。好彩今次就有人見到,呢家「福島郡山市」嘅鴨仔,一路行一路行,其中3隻分別跌咗落渠,但係鴨媽媽好似唔知咁,後面啲兄弟就運路行算數,最後由9隻變成6隻……好彩係今次有人拍緊同見到,即時打開渠蓋搵番嗰3隻出嚟幫佢哋歸隊。下次小心啲喇!

Read more ›
【有片】日本世田谷公園超貼心 建「子鴨橋」迎接鴨仔每年到水池

【有片】日本世田谷公園超貼心 建「子鴨橋」迎接鴨仔每年到水池

香港地鐵入口上蓋有白鴿,都要裝啲針嚟趕絕佢哋。公園仲得意,唔只動物唔入得,餵鴿?罰你錢都仲得。日本呢方面真係冇得唔讚,除咗有啲地方會有人幫移居嘅鴨仔開路之外,呢個喺東京嘅「世田谷公園」,因為每年5月至6月呢個時候都有鴨媽媽帶住鴨仔到訪,所以園方直情喺上年起咗條「子鴨橋」方便佢哋入去水池游水!而且仲有地方俾佢哋住。今年啲鴨仔嚟咗喇,入嚟有片睇,呢個月去東京,可以去睇吓啦,公園個環境都好靚。

Read more ›
【奇妙配搭】兩鴨兩狗超溫馨 一齊被收養幸福滿瀉

【奇妙配搭】兩鴨兩狗超溫馨 一齊被收養幸福滿瀉

個主人有愛心,啲寵物都特別得意嘅,講緊係呢兩隻狗狗同兩隻鴨仔。主人先後收養咗兩隻狗Pikelet同Patty,最近佢哋仲收養埋一對出世無耐嘅鴨仔Pikelet & Patty(估唔到外國連鴨仔都有得收養)。好快呢兩狗兩鴨就friend咗,而家食玩瞓都一齊,好溫馨。主人仲會帶佢哋一齊去公園玩或者去狗沙灘游水,四隻動物一齊出巡,諗起都開心。再睇返香港,想搵個公園帶動物去玩都難,唉。

Read more ›

【有片】大風吹鴨仔 全家翻轉好彩冇事

【有片】大風吹鴨仔 全家翻轉好彩冇事

之前都睇過好多鴨仔一家出巡啦,鴨媽媽帶住一班仔女排晒隊咁行,仲會過馬路,有時好驚險……不過呢班鴨仔可能就估唔到喺公園行都會遇到阻滯,就係突然一陣大風吹,吹到班鴨仔翻轉飛走之餘,鴨媽媽都爭啲被吹走,好彩見到佢哋最後都排番晒隊,再向前行。

Read more ›