各位北半球嘅森友今朝一開機，就見到《動物之森》嘅勞動節訊息嘞，咁嚟到5月，又有好多新昆蟲新魚，日本[email protected]_ac整理咗南北半球5月份嘅新資訊，仲有埋價錢，快啲整定多幾個網、幾個魚桿，開始5月嘅忙碌新生活啦。

呢條裝豉油嘅膠魚仔，係好多食壽司嘅朋友嘅集體回憶，之前有日本品牌出過巨型版嘅手袋，最近日本Twitter熱傳呢張對比相，樓主話左邊係19世紀蒙古嘅精巧翡翠，原來同右邊條豉油魚仔勁似樣，之後佢仲發現另一款豉油膠樽都有翡翠玉器版，入嚟有得睇。

呢對拖鞋真係好奇妙，係魚形，喺個嘴度可以伸啲腳指出嚟，賣1080円，8月上旬發貨，趕得切暑假尾去沙灘著。

係呀，今日係情人節呀！日本嘅節日氣氛好濃，濃到連街市都有應節擺位。元京都中央卸売市場呢檔賣魚嘅，將過百條魚砌成心型，啲魚仲開晒口，好壯觀！不過大家會唔會唔想破壞個陣呢？

喵星人對魚有幾瘋狂？睇完呢段片就會明，不過呢條唔係真魚，只係玩具嚟嘅，被測試者就係韓國網民屋企隻肥喵。段片喺Twitter好多人RT，瘋狂程度令人懷疑條魚入面裝咗貓草，好好笑。樓主仲分享埋呢隻喵嘅日常生活照，可愛到癲咗。

其實都唔係第一次，不過次次見到都覺得好密集好興奮呀！今次係噚日(18日)出現喺福岡博多灣河口附近，據講係同打風有關，除咗電視台外，亦有網民拍咗片，當中仲有釣魚人好興奮咁分享自己嘅收穫。

好恐怖呀呢條魚！日本Twitter最近熱傳呢條識唱歌嘅魚，表面睇好似魚形銅鑼燒，不過原來佢條尾識郁，個頭仲識擰向前，之後嘴郁郁喺度唱老歌，成件事好奇妙，之後有唔同嘅網民分享識唱歌嘅魚玩具，一樣好恐怖，原來大家屋企都會收埋一條，入嚟有片睇。

其實都唔容易嘅，一路玩緊Wake，喺海面滑行緊，突然有條魚飛出水面，仲要唔細條，仲要咁啱撞到你，仲要啄正你要害，會唔會唔係巧合？而係條魚眼利，見到條蟲仔？

呢條魚形眼罩好特別，唔係搞笑，真係成條魚放上眼，聲稱可以有舒緩作用。可以熱敷或者冷敷，魚入面有薰衣草同草本植物「亞麻」，每條賣港幣$288，計返可以買條靚石班，但佢可以重用喎，而且拎上手幾有質感，喺外國網Etsy嘅店舖「AliaGraceDolls」有得買，大約兩星期到貨。

日文名叫「フウセンウオ」，英文就叫Balloon lumpfish，啱啱北海道新聞就出咗呢條片，係喺北海道嘅「おたる水族館」拍嘅，成班魚個樣呆到爆，好埋聽講游水好渣……

日本扭蛋公司EPOCH推出好多喵星人扭蛋，老實講啲產品質素唔算好靚，但係概念就好正嘞。之前有喵星人坐電熱水器、喵星人舉腳舔毛系列，連俄羅斯套娃都玩埋。最近又有新作，今次玩飛撲，一隻隻喵星人飛撲擒住條大魚，一式六款，全部都好專注，姿勢好狂放，預計10月31日發售，貓奴記住儲埋呀！

日本啲嘢食出名新鮮，不過新鮮到咁嘅程度就嚇一跳嘞。最近Twitter熱傳呢張相。有人發現超市買嘅急凍冰魚，包裝上面寫住話呢包嘢係用急速冷卻技術，解凍拆開嘅時候入面嘅魚有機會翻生，有無咁誇張？唔知以為玩緊BIOHAZARD呀！

識行識走嘅魚缸見過未？Portable咁堅？就係咁堅！片中人兄頭笠四方形魚缸，魚缸注滿水，自己則帶上泳鏡同呼吸器「潛入」魚缸，就是如此這般怪人怪相周街行。收視率梗爆燈，惹來途人舉機影相意料中事，係估唔到佢夠膽死走入水族器材舖，叫老闆直接將魚呀、石呀、水草呀掟入魚缸……我想問，咁大缸水，佢究竟攰唔攰嘅呢？

PS大神唔可以亂召喚，今次中招嘅係一位外國男網友，佢同女友出海釣魚，女友釣咗條魚毛，佢就將張相放上網，召喚PS大神幫手整大啲條魚。結果好明顯，無人認真處理佢嘅要求，只係整「大」佢哋想整大嘅部位，又或者索性整大條魚整細佢女友。BTW，其實佢放女友張相出嚟係咪純粹想放閃咋？咁女朋友又靚身裁又好，其實條魚大細又有咩所謂？不過佢女友睇完啲改圖之後，可能以後都唔再同佢出海‥‥‥

睇見呢一幕就諗起Simpsons套《阿森一族大電影》入面，Homer污染咗鄉下條河嘅場面。今次件事發生喺日本名古屋，呢幾日中川運河河面出現咗10萬條死魚，全部浮晒喺水面，足足有8公里長，場面好嚇人。政府呢幾日不停清理，但依然陸續有死魚出現。估計因為河底嘅淤泥翻出，令到氧氣含量減少而出現死魚，最恐怖係兩年前同一條河已經發生過類似事件，當時仲死咗23萬條魚。好多網民都話估唔倒條河有咁多魚生活緊，仲話條河不嬲都污染晒。