fbpx

Post Tagged with: "鬼"

【有片】嚇鬼定呃鬼?屋企鏡頭拍到女傭鬼上身?
by / on 05/04/2017 at 6:24 pm

【有片】嚇鬼定呃鬼?屋企鏡頭拍到女傭鬼上身?

呢條片係喺新加坡一間屋入面拍到嘅,由屋主放上網,呢位名叫Nurul Baker嘅屋主佢話上個月某日佢睇CCTV,見到佢女傭沖完涼之後變成咁,行為怪之外仲突然指向一個位,但嗰個位係冇嘢嘅……不過好多人就留言提提佢,話啲女傭好鍾意用呢招,其實就係想唔做份工,想返去自己屋企,仲話如果鬼上身,會唔會企喺鏡頭前面上喎。好難講嘅,可能嗰位朋友表演慾強呢。

Read more ›

愛媛縣鬼北町「道の駅」 5米女鬼像好破格
by / on 05/12/2016 at 10:41 am

愛媛縣鬼北町「道の駅」 5米女鬼像好破格

日本好多地方都會有鬼,講緊係啲地獄鬼像,即係桃太郎入面嗰啲。愛媛縣鬼北町嘅「道の駅・日吉夢産地(同町下鍵山)」一向都有一隻「鬼王丸」,係海洋堂整嘅,不過新加入就有埋好少見嘅女鬼,身高5米,而且仲要係媽媽,更加幾性感添……留意番佢同BB玩嗰個啷啷。

Read more ›
萬聖節Burger King扮麥當勞鬼鬼    成間舖變裝認真玩
by / on 27/10/2016 at 7:13 am

萬聖節Burger King扮麥當勞鬼鬼 成間舖變裝認真玩

外國人有幽默感,所以啲宣傳手法都特別有創意。好似最近紐約嘅Burger King,就趁萬聖節就到,扮佢嘅競爭對手麥當勞。唔止路牌係隻披住麥當勞T恤嘅鬼鬼,成間舖都住塊寫住「McDonald’s」嘅白布,睇對眼就知佢係Burger King扮嘅。連裝漢堡包個盒都經過特別設計,好正,最重要係成本應該好平。

Read more ›
有片:恐怖!靚女Selfie惹鬼攞命!
by / on 11/04/2016 at 8:45 pm

有片:恐怖!靚女Selfie惹鬼攞命!

鍾意睇鬼片的話,可以留意吓YouTube頻道「JasonRoseteFilm」,內有極多恐怖短片,雖則每條片都短短哋得三幾分鐘,但喺氣氛營造同配樂方面都好出色,夜媽媽睇真係有啲驚。就以呢條《Selfie-Evil Dummy From Hell》為例,講靚女自拍成癮,影影吓聽到敲門聲,開門唔見人,淨係見到個公仔。狐疑間,靚女拎公仔入屋,之後發覺有腳步聲但又唔見人,再之後見到有字寫住「Go Fuck Your Selfie」,再再之後靚女Check手機,嘩……啲解啲自拍相多咗隻公仔架?

Read more ›
有片:凳自己搖書自己跌 畫中鬼嚇窒Pizza仔
by / on 21/12/2015 at 8:45 pm

有片:凳自己搖書自己跌 畫中鬼嚇窒Pizza仔

呢個Prank過癮呀,試想像你係Pizza仔,收Order送貨到大宅,屋主應門,眼前係個性感辣妹,吹兩句水,辣妹上房攞錢,獨留你一人。正心諗有靚女睇之際,忽然發覺凳自己搖咗兩搖、無風跌書,氣氛極不尋常,跟住座地畫忽然跳出厲鬼兼大聲鬼叫,你會唔會驚到走夾唔抖?嚇到成盒Pizza跌落地實屬正常,無被嚇到四腳朝天,已經算非常好嘢。

Read more ›
有片:睩大對眼睥住你!白髮鬼飄埋身!
by / on 18/11/2015 at 10:00 am

有片:睩大對眼睥住你!白髮鬼飄埋身!

雖然明知假假哋,但夜媽媽見到呢個長髮飄飄小朋友,瞪大對眼睥實你,面無血色木無表情,好難唔令人聯想到係鬼魂,所以人向後褪屬正常,何況仲要有埋BB車、噴晒白煙等等道具?整體氣氛營造到好詭異,嚇到走夾唔抖亦不為過。呢個Prank唔算玩到好大,但驚嚇度攞滿分。

Read more ›

【遙控嚇鬼】有片 外國改裝「Ghost Quadcopter」 萬聖節飛住嚇爆你
by / on 24/10/2015 at 12:11 am

【遙控嚇鬼】有片 外國改裝「Ghost Quadcopter」 萬聖節飛住嚇爆你

講真,如果揸揸吓車,見到呢個白影喺旁邊飛過,真係炒都唔奇。其實早兩年都已經玩過,而且好似更加精美,夜晚出動真係好恐怖,入嚟有回帶,早兩年仲識發光,仲要真係喺馬路玩……

Read more ›
有片:鬼上公仔身?Walking Doll自己識行!
by / on 15/10/2015 at 9:45 pm

有片:鬼上公仔身?Walking Doll自己識行!

日光日白睇呢條片都覺得寒一寒,如果咁唔好彩喺夜晚撞到呢個Walking Doll,我諗我嗌都似!係,Walking Doll呢個名係我作嘅,因為佢真係識行,仲要係唔使拖住都識自己行,仲要行得好似一個人,而事實上佢只不過係一個公仔,一入電就曉行嘅公仔,估計係上世紀七八十年產品,專For教小朋友行路而設,而唔係乜嘢靈異錄像,不過由於太詭異,所以好多外國網友都叫佢做「Devil Doll」!

Read more ›
有片:慎入!真心驚!五年撞鬼實錄合輯!
by / on 26/09/2015 at 8:45 pm

有片:慎入!真心驚!五年撞鬼實錄合輯!

五年撞鬼實錄合輯!堅定流睇完自己判斷,我就偏向相信堅。話說拍片者叫Michael Magee,聲稱屋企有鬼,所以由2010年至2015年不斷拍攝自己家居,先後影到四腳凳無端端跣後,大門自動開關、雪櫃門自己打開又閂埋、果盆自己郁、白粉鋪地有暗影經過……最恐怖一幕係佢踎喺地下,對住搖控器話:「Is there anything there? Is there……」話口未完,個遙控器凌空飛起再跌番落地,情景就好似隻鬼發脾氣掟嘢咁。不過話時話,香港就話有土地問題,凶宅都大把人爭啫,外國地方,五年喎,五年不斷俾鬼騷擾,點解唔搬?

Read more ›
【有片】超恐怖 窗外白影徘徊 日本網民竹劍/灑鹽驚一晚
by / on 27/08/2015 at 3:34 pm

【有片】超恐怖 窗外白影徘徊 日本網民竹劍/灑鹽驚一晚

今日農曆七月十四日,都係早啲返屋企玩《Until Dawn》再溫習一下《MGS V: GZ》迎接下周狂煲Phantom Pain……喺日本,早兩晚,呢位網民發現有個白影,好似係白色人面咁嘅影喺窗外面定定企喺度……咁佢就拎手機拍片,拍拍片,個白影竟然郁!喺個窗度裝嚟裝去咁,真係睇見都寒一寒。咁佢點算呢?佢都做好準備迎接靈界朋友,佢預備咗一把竹劍,仲有一大包鹽……好彩係經過一晚冇事發生,第二朝佢去窗外面睇吓有冇咩特別……嘩!黐線o架!

Read more ›
《黑漫畫》8月27日見街 三封面版任揀
by / on 26/08/2015 at 10:45 pm

《黑漫畫》8月27日見街 三封面版任揀

撐得創刊號,無理由唔買埋第二期架?第二期《黑漫畫》8月27日見街,食正農曆鬼節,所以今期主題係「鬼」。第二期將會推出三個封面版,草圖燙金版同電彩燙銀版比較靚仔,中間個福龍公仔用UV印製,搶眼到爆;另冇雙么拍門雙封面版,用螢光綠色刻意營造恐怖氣氛,各售$38。值得一提嘅係,創刊號咪有張抽獎卡嘅,好彩我仲有Keep住呀,而第二期就會刊登乜抽獎結果,記得對吓卡,睇吓自己有無中獎呀。

Read more ›

【嚇死人咩】日本寄宿學校古怪守則 避免撞鬼必讀
by / on 29/06/2015 at 12:25 pm

【嚇死人咩】日本寄宿學校古怪守則 避免撞鬼必讀

嘩!如果你住宿舍,之後見到學生手冊入面有啲古怪守則,例如叫你:「夜晚如果喺窗口見到外面有人偷望你,最好都係合埋眼忘記咗佢。」「半夜如果要去廁所,記得唔好回頭望。」「半夜去廁所,記得唔好照鏡。」咁你仲夠唔夠膽入去住?呢位日本Twitter用戶就出咗圖,話係佢細佬間寄宿學校嘅守則……

Read more ›
【《呪怨》俊雄BB】日本網民對面樓 晚晚見抱膝小朋友
by / on 22/06/2015 at 8:52 pm

【《呪怨》俊雄BB】日本網民對面樓 晚晚見抱膝小朋友

細膽嘅慎入。有冇望窗嘅習慣,有冇試過疑神疑鬼望到對面樓好似有啲奇怪嘢咁……到最後睇清楚啲,唓原來係件衫嚟?呢位日本Twitter用戶就見到對面樓窗口入面,成日好似有個小朋友抱膝坐喺度望住佢咁……日本網民都話好似《呪怨》嘅俊雄BB,會唔會係cosplay嚟呀?

Read more ›
日本網民玩「鬼相」 測年齡網站有冇陰陽眼?
by / on 05/05/2015 at 1:02 pm

日本網民玩「鬼相」 測年齡網站有冇陰陽眼?

呢排「how-old」網好多人玩啦,咁日本網民除咗搵吸血鬼漫畫家、動漫角色、女優嚟玩之外,仲搵「心霊写真」,即係啲鬼相嚟玩呀!有啲就測到有人樣有年齡,有啲就測唔到,咁係咪代表有啲係造假?

Read more ›
恐怖到癲!6歲女畫全家福多兩個「人」 屋企仲有隱藏房間
by / on 19/04/2015 at 1:28 pm

恐怖到癲!6歲女畫全家福多兩個「人」 屋企仲有隱藏房間

嘩呢單嘢真係好似啲恐怖片咁……話說近日有位外國老爸就叫個7歲仔Tim同6歲女Sofia畫幅全家福,咁個仔就冇事啦,但個女嗰張就多咗兩個無臉人……咁都算,當佢FF,但阿女仲畫埋個屋企地圖喺下面,而張地圖就顯示咗一間隱藏嘅房間。阿爸當然希望阿女只係自己想像間房出嚟,點知!原來廁所旁邊有個位打開……佢一直以為只有水管嘅位置,原來真係可以容許一個小朋友捐入去!阿爸誓要搵真相,叫阿女入去影張相出嚟,最恐怖嘅事發生喇!佢影咗一張地下有點著咗嘅燭台,而且寫咗啲唔知係咩字嘅相出嚟!嚇到爆開嘅阿爸就吩咐阿女以後都唔好再入去,之後決定第二日放工就帶埋拍攝裝備同手槍入去睇吓咩料,不過暫時就未有再Update,唔通……

Read more ›