Post Tagged with: "鬧鐘"

【有片】超懷舊悟空鬧鐘    真人配音Twitter熱傳
by / on 24/11/2018 at 3:41 pm

【有片】超懷舊悟空鬧鐘 真人配音Twitter熱傳

自從用咗手機校鬧鐘之後,大家都好少用呢類型大大個嘅公仔鬧鐘,好懷念呀。有日本網民分享咗段片,個鬧鐘係悟空,仲有悟空動畫版嘅原聲叫你起身,大致上嘅意思係:「再唔起身就會有麻煩架喇。」好多網民留言話自己都曾經用過,亦有唔少人而家都仲用過,大家仲讚樓主個鬧鐘保存得好好,入嚟有回帶。

Read more ›

【新片速報】日本貓奴的心聲   每朝6點拍醒人準過鬧鐘
by / on 27/06/2017 at 7:49 am

【新片速報】日本貓奴的心聲 每朝6點拍醒人準過鬧鐘

作為貓奴睇呢段GIF會好有共鳴。日本有網民製作咗呢段動畫,講每朝早屋企隻喵星人仲準時過鬧鐘,一到六點就會拍醒主人。現實生活中,你隻喵有無晨咁早就喵喵叫?見你無反應就跳上你個身度踩嚟踩去?再唔理就好似呢段GIF咁用力拍打你?快啲起身啦奴才,我好肚餓呀!仲瞓!

Read more ›
【有片】鬥牛犬BB網上爆人氣 晨早鬧鐘FB過3千萬瀏覽
by / on 19/01/2016 at 7:15 am

【有片】鬥牛犬BB網上爆人氣 晨早鬧鐘FB過3千萬瀏覽

最近呢隻法國小鬥牛犬喺網上好紅,單係Facebook做直播嘅影片,唔夠一星期已經有過3千萬人睇過!影片中鬥牛犬BB搏晒命嗌主人起身,主人吠返佢,佢又好激動咁左撲右撲,得意到暈。佢唔止個樣可愛,連動作都好滑稽。佢哋嘅IG仲有好多新片睇,最近天氣凍狗狗又有新衫著,勁得寵。至於佢嘅主人Sean Sarantos就係一個健身導師,應該一隻手指尾都舉得起隻狗狗。

Read more ›
【有片】終極屈機「鬧鐘」 雙腳著地企3秒先會停
by / on 12/01/2016 at 7:12 am

【有片】終極屈機「鬧鐘」 雙腳著地企3秒先會停

朝早起身你平均會撳停幾多下鬧鐘?一個唔覺意錯手撳熄咗個鬧鐘,嗰日仲要詐病,人生就係咁。為咗2016年有個新開始,呢個由設計師Wilson Tam設計嘅Ruggie另類鬧鐘可能啱用,佢嘅設計好屈機,要撳停佢必須要雙腳著地企喺塊墊上3秒,咁搞法點都會醒‥‥‥啩?而家喺Kickstarter集緊資,開價美金$59嘅名額已經滿咗,美金$82暫時仲有少量名額,有無死士想挑戰?

Read more ›
【終極鬧鐘】有片 一巴掌摑醒爛瞓友 簡單直接唔係唔醒啩?
by / on 13/11/2015 at 7:15 am

【終極鬧鐘】有片 一巴掌摑醒爛瞓友 簡單直接唔係唔醒啩?

朝早唔願起身是常識,特別係嚟緊就到冬天,真係極危險,係時候搵定個超強鬧鐘!呢個外國女仔Simone Giertz設計嘅鬧鐘好直接,唔駛解釋咁多,總之一夠鐘就一把摑醒你,簡單直接!不過有樣唔好,就係摑落去嗰下好易kick住啲頭髮。佢仲親身示範,睇住佢被狂摑,真係睇都覺得痛呀! 

Read more ›
有片   朝早起身鬧鐘大法    連人帶被爬返工
by / on 13/08/2015 at 7:15 am

有片 朝早起身鬧鐘大法 連人帶被爬返工

條片唔係最新,不過啱啱先見到,好有共鳴好想分享。每朝早起身我都最少要起5次,因為電話鬧鐘每響1次就撳熄1次,賴死唔起身,有幾次仲錯手關咗鬧鐘搞到遲到‥‥‥外國呢位網友諗咗個好絕嘅方法,每個鬧鐘輪住響,由近至遠,迫自己逐步逐步離開張床,睇見佢好似蛇咁喺地下爬,連埋張被爬到返公司,衫都唔換牙都唔刷,最後爬到返公司門口居然‥‥‥好過份。

Read more ›

新片速報 鬧鐘響打直彈起     變態彈床起身必備
by / on 01/08/2015 at 11:42 am

新片速報 鬧鐘響打直彈起 變態彈床起身必備

好鍾意睇colinfurze啲YouTube片,之前自製一系列X Men裝備嗰個呀,經常有無聊得嚟好勁嘅發明,今次輪到只有周星馳啲戲先會出現嘅瘋狂彈床,即係當鬧鐘響嘅時候,成張床會打直彈起,瞓喺上面嘅人就會彈走被迫起身。呢張咁特別嘅床床頭仲有特別設計,有兩個消防鐘,再加兩盞閃燈,瞓喺上面堅有壓力,睇埋佢嘅真人示範,真係腳都震,但係100%肯定以後唔會再賴床。

Read more ›
新片速報 起飛嘈生晒 日本直昇機鬧鐘隨時墜落
by / on 13/10/2014 at 11:25 am

新片速報 起飛嘈生晒 日本直昇機鬧鐘隨時墜落

以前起身淨係靠部電話,試過幾次唔記得差電冇電真係瀨重嘢。於是,o依家我用兩部電話……現代人除咗對電話聲特別敏感外,仲有咩方法叫人起身最有效?之前出過射槍鬧鐘啦,即係要你起身用槍射中個靶先會停……今次呢個就係直昇機鬧鐘,一到時間,佢嘅螺旋槳就會起動,之後仲會衝上雲霄,上完去跌落嚟跌喺邊就冇保證……售價1299円。

Read more ›
鬧鐘新app 朝朝有陌生人叫你起身 支援香港用家
by / on 16/09/2014 at 12:27 pm

鬧鐘新app 朝朝有陌生人叫你起身 支援香港用家

你每朝早點起身?阿媽叫你?定一話俾冷冰冰嘅電話鬧鐘聲叫醒你?如果你想每日起身都有真人叫你,不過你又有朋友冇男女朋友咁做,你就可以裝呢個免費app喇!支援嘅地區有英、美、加拿大、新加坡,仲有香港!只要你裝咗個app,佢就會問你想叫人起身定俾人叫,如果你揀叫人,咁到時到候就會有訊息提你,可以打叫邊個起身,如果俾人叫就簡單,你校咗個時間,就會有陌生人打嚟叫你,不過每次通話,1分鐘就會cut線,你未必有機會再遇到把聲好甜嘅佢……當然,未必一定係把聲好甜嘅囡囡,亦有可能係粗獷型嘅洋漢,條路自己揀……

Read more ›
有片   菲律賓講衞生    洗手液鬧鐘提示
by / on 25/04/2014 at 7:05 am

有片 菲律賓講衞生 洗手液鬧鐘提示

菲律賓政府遲來的歉意真係好遲,拖足三年,老實講有得揀我都唔會去當地旅行。不過如果你咁啱去公幹或者玩嘅話,可以留意吓當地廁所有無裝呢個洗手液鬧鐘。菲律賓可能好多人去完廁所唔洗手,最近當地P&G旗下品牌Safeguard出咗個識響鬧嘅洗手液機 Safeguard Germ Alarm,仲好受歡迎。每當有人去完廁所出嚟,部機就會又叫又閃,直至有人用手撳洗手液出嚟先會停。呢個裝置而家喺當地好多公廁都裝咗,部份麥當勞都有裝。不過要開廁所門先感應到,咁男士小便咪無用囉?

Read more ›
新片速報     煙肉味鬧鐘app     有得聞無得食
by / on 09/03/2014 at 2:14 pm

新片速報 煙肉味鬧鐘app 有得聞無得食

想唔想一早起身唔係比阿媽嗌醒,而係比一陣香噴噴嘅煙肉味薰醒?煙肉品牌Oscar Mayer最近做緊個宣傳活動,將會送出4700個手機附加香味座,下載埋個app之後,每朝起身鬧鐘一響就有煙肉味噴出,香醒你。我最欣賞係佢個廣告,拍到好似史詩式巨著咁,一塊煙肉都可以咁盪氣迴腸!講返個app,每朝起身得陣肉味,但之後又無人煮煙肉早餐比我食,其實都幾dry。

Read more ›

古惑鬧鐘   想重響要入錢
by / on 24/02/2014 at 7:09 am

古惑鬧鐘 想重響要入錢

自從鬧鐘有咗Snooze呢個重響功能之後,大家越嚟越爛瞓,同房阿哥個鬧鐘每隔10分鐘響一次,響足一粒鐘,真係好想跳起身踢醒佢,可惜眼瞓時手軟腳軟‥‥‥好喇,終於有救星嘞,呢個鬧鐘個樣無乜特別,但如果你想按Snooze掣叫佢遲幾分鐘再嗌醒你時,就要入!錢!喺咁重要嘅時刻,究竟大家會入錢繼續瞓,抑或死死地氣起身?建議送比同房嘅兄弟姊妹或者伴侶,再唔係想儲錢嘅都可以考慮買返個,盛惠美金$39.99,不過要先準備定硬幣喺床頭。

Read more ›
新片速報    智慧型鬧鐘    藍芽駁手機自然醒
by / on 18/07/2013 at 7:18 am

新片速報 智慧型鬧鐘 藍芽駁手機自然醒

老實,我已經好耐無用手機以外嘅鬧鐘,之前有個鬧鐘app,可以根據你嘅睡眠狀態響鬧,幫助你自然醒,今次呢個德國品牌iwaku更加將設計變化成一盞燈,透過藍芽連接上手機app,當你進入淺睡狀態時,iwaku燈會自動逐漸加強燈嘅光度,等你可以喺最舒適嘅狀態下自然醒,據講淺睡狀態下起身,個人全日都會精神啲。除咗iPhone之外,S3、S4同埋HTC One都用得,不過最快都要等秋天歐洲先正式發售。

Read more ›
機迷鬧鐘   起身按掣似打機
by / on 20/05/2013 at 8:20 am

機迷鬧鐘 起身按掣似打機

如果你係深度機迷,應該好需要喺手機以外set多一個鬧鐘叫醒你返工返學。Xronos推出嘅LED鬧鐘,最特別之處係頂頭三粒掣用返街機手掣嘅按鍵,機迷朝早起身按一按,親切感返晒嚟。除咗綠色LED燈,亦可以調校成橙色或紅色LED,但應該會瞓唔著。另外有SD咭插口比你播住心愛嘅遊戲音樂,等你日與夜都同遊戲機長相廝守。不過呢粒掣作用會唔會同你打機時一樣,不停按不停按?然後?繼續瞓唔知醒囉。

Read more ›
有片  最煩鬧鐘  影相解鎖迫醒你
by / on 23/03/2013 at 2:01 pm

有片 最煩鬧鐘 影相解鎖迫醒你

鬧鐘嚟講,呢個「Sleep if you can」鬧鐘app真係達十級煩膠指數,煩過羅家英同阿媽。玩法好簡單,影定一張相,越遠越好,例如廁所嘅洗面盤啦,鬧鐘一響,你就要起身去返個洗手盤影返張一模一樣嘅相先可以解鎖停止鬧鐘再轟,真係好絕。不過我已經諗到破解方法,就係影我自己個樣,咁咪唔駛落床都得囉!不過晨早起身咁醜樣,佢會唔會唔認得我呢?

Read more ›